Алтын күз ертеңгілігіне арналған сценарий мектепке дейін

Жүргізуші: Сәлеметсіздер ме құрметті қонақтармен ата аналар, балабақша ұжымы. «Берекелі күз» атты ертеңгілігімізге қош келдіңіздер.

Береке бақ дарыған,

Жомарт көңіл жарқын күз

Сары алтынға малынған,

Жетті міне сары күз.

Музыка ойналып әсем безендірілген залға балалар келіп кіреді де, қолдарындағы жапырақтарын жамыла отыра қалады.

Жүргізуші: Күзде орман іші тамаша

Әсемдікке қараңдаршы тамсана!

Жапырақтар сыбдырлайды.

Мүмкін күз ханшайымы болар?!

Әуен ойналады. Залға күз ханшайымы кіреді.

Күз ханшайымы кіріп айнала билейді.

Күз ханшайымы: Тілегім аман болсын ел іргесі,

Алтын күзбен қайта келді берекесі..

Бірақ айнала тым-тырыс...

Балалар саусақтарымен тарсылдатады.

Күз ханшайымы: Құстар ма ұшып жүрген...

Балалар аяқтарымен топылдатады.

Күз ханшайымы: Аңдар ма жүгіріп жүрген...

Балалар алақандарын ысқылайды

Күз ханшайымы: жапырақтар ма түсіп жатқан

Балалар шапалақтайды

Күз ханшайымы: Ой бұлай тек менің достарым шапалақтайды гой!

Ән: «Келді міне Алтын күз»

Күз ханшайымы: балалар мүмкін сендердің тақпақтарын бар шығар.

Сабина: Сап-сары маңай

Сап-сары тоғай

Соңғы әнін айтып

Құс кетті қайтып.

Акерке: Қуандырып біздерді,

Кел жемісті алтын күз

Өлкемізге күз келді.

Кемелденсін халқымыз.

Дания: Келді міне күз.

Айнала сары түс.

Керемет тамаша,

Қандай әсем күз.

Жүргізуші: Балалар, біз жаңбырға қуанамыз ба?

Балалар: Жо-жоқ, керек емес.

Жүргізуші: онда кәне қодшатыр биін билеп берейік.

Би: «Қолшатыр»

Күз ханшайымы: Жарайсыңдар балалар! Қандай тамаша!

Балалар енді ойын ойнасақ қайтеді

Ойын: «Жапырақ жинау» (Екі себетке түстерді сәйкестендіріп жапырақтарды жинау)

Күз ханшайымы: Аспанды сұрғылт бұлт,

Жан-жақтан жауады.

Күн бірте суытып,

Жауын көп жауады.

Жаңбыр жауғалы тұр ма қалай?

Жаңбыр кіреді.

Жаңбыр: Сәлеметсіңдер ме балалар! Сәлеметсіз бе Күз ханшайымы!

Мен күзгі жаңбырмын. Би билеп, ән айтқанды ұнатамын, кәне маған кім тақпақ, өлең айтып береді.

Жүргізуші: балалар кәне күзге жаңбырға арнап әнімізді айтып берейікші.

Ән: «Жаңбыр»

Орысша тақпақтар:

Алихан: Дарит осень чудеса.

Да еще какие

Наряжены леса

В шапки золотые.

Жарқын: Осень, осень,

Гости просим.

Осень, осень

Погасти недель восемь

Ән: «Рэйн» (жарты шеңбер)

Күз ханшайымы:ой, жаңбыр баслып күн ашылыпты. Балалар күзде жануарлар, аңдар қысқа дайындалады. Қорек жинап күздің сыйлықтарына рахметін атйады. Бүгін бізге қонаққа олар да келіп қапты...

Қоян(көжек) Медина:

Мен кішкентай көжекпін.

Қорқақ емес өжетпін.

Тонымды айырбастау керекпін

Күз, маған керек көмегің!

Күз ханшайымы:Әрине, әрине көмектесемін.

Кірпі: 1 Әділет

Біз кірпіміз, кірпіміз.

Ырғалып біз келеміз.

Саңырауқұлақ тереміз.

Себетке оны жинаймыз.

Кірпі: 2 Нұрәділ

Адасып жолдан қалдық біз.

Жапырағын шашты күз.

Айнала толған жапырақты

Жинауға көмектесеміз.

Күз ханшайымы: Рахмет сендерге! Енді сендердің билеріңді тамашаласам деймін.

Би: «Саңырауқұлақтар»

Күз ханшайымы:Ой, рахмет жарайсындар.

Көңілді әуен шырқалды,

Сендерге бәрі арналды.

Орманшым менің шыға ғой,

Сыйлықтарды сыйлайық.

Әуен ойналып Орманшы шығады.

Орманшы:

Сәлем бердім бәріне,

Үлкенге де, кішіге.

Әкелген сендерге сыйым бар. –деп себет толы жемісті көрестеді.

Күз ханшайымы: Орманшының жемістерінен дәм тататын кез келді. Сау болыңдар балалар,

Қоштасатын кез келді.

Қуанышты көңілмен

Тойлаймыз біз топпенен.

КМҚК №7 «Айгөлек» бөбекжайы

Ортаңғы «Ғ» «Күншуақ» тобының

«Берекелі күз» атты күз мерекесіне

арналған ертеңгілігі

Жүргізуші: Иргебаева А.Т.

Саз жетекшісі: Әділханова А.Т.

2018 жыл

Ұйымдастырылған оқу қызметінің технологиялық картасы ортаңғы «Ғ» тобы

Тәрбиеші: Баймендинова Н.Х

14 қараша 2018 г

Білім беру саласы: Коммуникация.

Бөлімі: Сөйлеуді дамыту.

Тақырыбы: «Не дәмді?» ертегісі

Мақсаты: Ненің дәмді екенін ажыратуға, дәмнің айырмашылығын, пішінін айта білуге үйрету.

Міндеттері:

Білімділік: Кейіпкерлердің өзара сөйлесуін көркем түрде қолдану арқылы ертегінің ішкі сырын айта білу біліктіліктерін арттыру.

Дамытушылық: Керек ой-түйсігін, мән-мағынасын бұзбай, байланыстыра баяндай білуге үйретуді дамыту.

Тәрбиелік: Асты қадірлеуге, қастерлеуге тәрбиелеу.

Қажетті көрнекіліктер:Алма жемісі, тіл дамыту дәптері, қоржында көкөністер мен жемістердің муляждары

Қызмет кезеңдері

Тәрбиешініңіс-әрекеті

Балалардың қызметі

Мотивациялық-лептік

Амандасу. Алма слынған себетті көрсету

Балалар қуанышты сезімде болады

Ұйымдастырушықізденушілік

Ғажайып сәт: Алманы барлық бала иіскеп көреді.

-Алма сендерге ұнай ма?

-Ал мұнда алманы жұлдызқұртта жақсы көреді екен. Бәріміз дәптерді ашамыз.

«Жұлдызқұрттарға алманың дәніне жетуге көмектесейік!» тапсырмасын орындату.

-Балалар, бізге алма жеген ұнайды екен, жұлдызқұртқа да алма ұнады.

-Ал енді мен сендерге «Не дәмді?» ертегісін оқып беремін.

Ертегі оқылады:

Бір бас қосқанда құстар мен хайуанаттар нендей тамақтың дәмді екенін талқылапты. Сонда Тауық:

-Ең дәмді тамақ-тары,-депті қыт-қыттап.

-Тапқан екенсің, дәмді тамақты! Кеміріп жейтін сүйекке не жетсін!

-дейді Ит абалап.

-Бәрің де білмейсің. Күтірлетіп жейтін сәбізден артық ештеңе жоқ,-дейді Қоян, екі құлағын тікірейтіп.

-Жас шыбықтың қабығынан дәмді не болушы еді! –деп, Ешкі маңырапты.

-Шіркін, қою сүтті айтсаңдаршы!-деп мысық тамсанады.

Сөйтіп, әркім өзі сүйетін тағамды мақтап, қызыл кеңірдек болысып, бәтуаға келе алмай, тарасыпты

-Ал, балалар, ертегіден нені түсіндіңдер?

-Балалар, өз үйлеріңде аналарың немесе әкелерің және өзің нені жақсы көресіңдер?

-Көрдіңдер ме? Әр адамдардың да өз сүйікті тағамдары бар.

Қандай да тамақ болсын, жиіркеніп жеуге болмайды. Астың бәрі дәмді де, тәтті.

-Балалар, бір үзім нан жерге түсіп кетсе немесе қиқымы шашылса, не істейміз?

«Нан қиқымын, шашпаңдар, Жерде жатса баспаңдар»-деген өлең бар, ешуақытта асты басып кетуге болмайды. Нанды да, асты да қадірлеуіміз керек.

Сергіту сәті:

Алма баққа барайық,

Алма жинап алайық,

Ең үлкенін дәмдісін,

Әжемізге сыйлайық.

Дидактикалық ойын: «Бұл не?»

Мақсаты: Жемістер мен көкөністерді ажыратып, дәмінің айырмашылығын және пішінін айта білуге үйрету.

Ойын шарты: баланың көзі жұмылады. Қоржынға салынған көкөністер мен жемістер қолдарына алып, оның дәмі қандай болатынын және пішінін айтып, атын атау керек.

Балалар қызығушылықпен жасайды.

-Әрине, ұнайды.

Себебі: алма тәтті, дәмді жеміс. Алма ағашта өседі. Ол қызыл, сары кейде жасыл болып келеді. Алма дөңгелек болады.

Балалар мұқият тыңдап мазмұнын айтуға тырысады.