Алтын күз мерекесіне арналған ашық сабақ

Жүргізуші:

Сарғайды тоғай,

Сап – сары маңай.

Соңғы әнін айтып

Құс кетті қайтып.

Жаздай күткен бәріміз

Сары алтын, сары күз.

Алтын ұя бақшада

Күтіп алар шағымыз.

Сәлеметсіздер ме, құрметті қонақтар! Бүгінгі «Алтын күз» мерекелік ертеңгілігімізге қош келдіңіздер!

Жүргізуші:

Арайлап таң атты

Алтын сәуле таратты

Бақшамыз бір тойласын

Мерекемен жайнасын.

Әнмен бүгін бастайық

Қол соғып бір қоштайық.

Ән: «Бала,бала,балақан».

Тосын сәт: Хат тасушы келеді.

Хат тасушы: Сәлеметсіңдер ме, балалар! Менен орман құстары мына хатты сендерге апарып беруін сұрады.

Жүргізуші:

Әкеліңіз, хатта не жазылғанын бәріміз бірге оқиық.

«Амансыңдар ма, сүйкімді балапандар. Сендердің өте мейірімді балалар екендеріңді естідім. Сондықтан сендерге хат жазып отырмын. Мен, тырна - деген құспын. Балалар мен осы жылы кішкене ауырып, жылы жаққа ұшып кете алмадым. Қазір осы орманнан, жылы ұя таптым, осы ұяға жұмыртқаларымды тасуға көмектесулеріңді сұраймын».

Күз ханшайымы: Әрине,көмектесеміз.

Ойын: «Жұмыртқа тасу»

Ойын шарты: Балалар бір ұядан, екінші ұяға қасықпен жұмыртқа апарулары керек. Жұмыртқаны қолмен ұстауға болмайды.

Жүргізуші:

Балалар, мен сендерге жұмбақ жасырамын, ал сендер оны табуға тырысыңдар. Ата –аналар сіздерде балаларыңызға көмектесіп отырсаңыздар.

Бозарып дала

Тоңады бала

Астығы піскен

Жапырағы түскен, - бұл қай мезгіл?

Балалар: Күз мезгілі

Жүргізуші:

Дұрыс, осы күз мезгілінің мерекесін тойлап отырмыз. Бүгін бізге үлкен қонақ келеді. Ол «Күз ханшайымы». Қонағымыз тез келсін десек, оны дауыстап шақырайық. Қане, барлығымыз бірге айтайық. «Күз ханшайымы» деп.

Балалар: «Күз ханшайымы»

(Музыка ойнап, ішке Күз ханшайымы келіп кіреді)

Күз ханшайымы: Сәлеметсіңдерме, балалар! Сәлеметсіздерме, қонақтар! Мен - Алтын күзбін! Жайдары, жарқын жүзбін.

Балалар, сендерді көргеніме қуаныштымын.Жүргізуші: Қош келдіңіз! «Күз ханшайымы» төрлетіңіз!

Күз ханшайымы: Балалар, мен сендерге құр алақан келгем жоқ. Мен сендерге бір ойын алып келдім.Ол ойынды ойнамас бұрын менің жұмбағымның шешуін таба қойыңдар.

Ағайынды бәрі

Жазда жасыл,

Күзде сары

Балалар: Жапырақ

Ойын: «Жапырақ жинау»

Күз ханшайымы: Жарайсыңдар, балалар!

Жүргізуші:

Күз ханшайымы біздің балалар сізге арнап өздерінің жан – жақты өнерлерін дайындап отыр. Соны тамашалаңыз.