Алтын күз мерекесіне арналған тілек пен мерекелік материал

Әсем әуен ойнап тұрады. Зал әсем шарлармен, ойыншықтарман және жапырақтармен әдемі безендірілген. Балалар залға әуенмен көңілді кіреді. Ән біткен соң орындарына отырады.Жүргізуші: Армысыздар құрметті қонақтар,әріптестер, асыға күткен күз мерекесі де келіп жетті, баршаңызды алтын күз мерекесімен құтықтаймыз! Құттықтай отырып, бүгінгі біздің бөбекжайдың кішкене бүлдіршіндері «Балапан» тобының «Алтын күз» атты ертеңгілігіне қош келдіңіздер!

Жүргізуші: Келді міне алтын күз,

Сары шашты жарқын жүз.

Мол өнімді ісімен

Таңдандырып халқын күз.

Мерекесі халықтың,

Алтын күзді бастайық.

Ал балалар, балалар,

Енді бері қараңдар.

Бізге қонақ келмекші

Сендерді бір көрмекші.

Әуелі жұмбақ жасырам,

Қулығыңды асырам.

Жұмбақ: Таң атпай тұрыпты Ойқастап жүріпті Жан – жаққа қарапты Айдарын тарапты, - бізге келе жатқан не екен?Залға әтеш кіреді: Сәлеметсіздер ме балапандар! Бүгін сендер қандай әдемісіңдер?! Мен сендерге қонаққа келдім.Жүргізуші: Қош келдің! Біз Алтын күз мерекесін тойлап жатырмыз. Бізбен бірге тойла. Сары әтеш қазір күз мезгілі. Күз мезгілінде күн суытып, жаңбыр көп жауады. Біздің балаларымыздың сізге жаңбырға арнаған әні бар. Ендеше, бүлдіршіндер өз өнерлерін көрсетеді. Кезекті әнге берейік.

Ән: «Ақ жауын» Әтеш: Жарайды балалар. Рахмет! Жүргізуші: Сары әтеш, біз жаңбыр жауғанда саңырау құлақтардың үлкен болып өсетінін білеміз. Саңырауқұлақ болып би де билейміз. Көргіңіз келе ме?Әтеш: Әрине.Би: СаңырауқұлақтарӘтеш: Ой, балалар,қандай тамаша биледіңдер, сендермен уақыт өте көңілді өтті. Рахмет сендерге балалар! Мен енді достарыма кетейін. Сендердің қандай ақылды, көңілді екендеріңді айтайын. Сау болыңдар балалар.

Жүргізуші: Балалар, мен бір әуен естіп тұрған сияқтымын. Кім екенін білгілерің келе ме? Залға қоян келеді:Сәлеметсіңдер ме балалар! Сендерде болып жатқан қандай той? Қандай көңілдісіңдер?Жүргізуші: Ақ қоян, біз бүгін Алтын күз мерекесін тойлап жатырмыз. Бізбен бірге алтын күз мерекесін тойла. Қоян: Балалар менімен ойын ойнағыларың келе ме? Мен сендерге кім көкөністер мен жемістерді тез жинайды екен? деген ойын ала келдім.

Ойын: «Жемістер мен көкөністерді жинаймыз».

Қоян: Балалар, сендер мен сияқты секіре аласыңдар ма? Олай болса менің қимылымды қайталаңдар.