Ана тіліміз мәңгілік елімізбен бірге мәңгілік тіл баяндамасы

АНА ТІЛІМІЗ МӘҢГІЛІК ЕЛІМІЗБЕН БІРГЕ МӘҢГІЛІК ТІЛ

Қырықбай Күләш Мұхатайқызы-тарих пәнінің оқытушысы

Атырау жоғары көпсалалы «Болашақ» колледжі

Ерлік, елдік, бірлік, қайрат, бақ-ардың,

Жауыз тағдыр жойды бәрін не бардың.

Алтын күннен бағасыз бір белгі боп,

Нұрлы жұлдыз бабам тілі сен қалдың!

М. Жұмабаев

Тарих көзімен қарасақ, біздің жыл санауымыздан бұрын Күлтегін заманында Ғұн билеушісі Мөде патша “Енді біз төрткүл дүние танитын Мәңгілік Ел болдық” деген екен. Кейін Ұлытауда осы ұран тағы қайталанды. Үш жүздің көсемдері, билері бас қосқан ұлы жиында “бір мақсат, бір мүдде, бір болашақ” деп тасқа қашап жазған сөздер бар. Әлемдегі кез келген ел мәңгілік ел болуды армандайды және ұрпағын да мәңгілік елде өмір сүруге үндейді.Бұл әрбір қазақтың, әрбір қазақстандықтың жүрегіне патриоттық сезім қалыптастыратын,болашақтан үлкен үміт күтуге шақыратын өміршең идеясы болатын.Ата бабаларымыздың мәңгілік арманы, мәңгілік аңсары болатын.

Мәңгілік ел болуды ата-бабаларымыз сонау Орхон-Енесей жазулары пайда болған кезден бастап аңсаған. Бәріміз білетін Білге Қағанның кеңесшісі Тоны Көк 680-745 жылдар шамасында Түрік елін мәңгілік ел ету үшін өлместей бағдарлама жасаған. Бұл тарихымызда бар шындық. Алдымен елдің шекарасын бекіт, көршілеріңмен тату бол дегенді де сонда жазып кеткен…

Қазақ елі талай замандарды бастан өткерді, сүрінді,бірақ белді бекем буып қайтадан бой тікті, қысқасы, құрып кетпеді.Міне,осы қайсар мінезіміздің арқасында іргесі бекем, бірлігі жарасқан, халқы тату-тәтті өмір сүріп жатқан әрі келешегі кемел мемлекетке айналдық. Қаншама ғасыр азаттық үшін алысып өткен ата-бабаларымыздың басты арманы орындалды.Бүгінгі ұрпақ тәуелсіздіктің көк туы астында ғұмыр кешуде.

Мәңгілік сөзі бабалардан мирас болып келе жатқан мәңгі өлмейтін асыл қазынамыздың бірі - ана тілімен де тығыз байланысты. Олай болса, мәңгілік елдің онымен қатар жасап, бірге дамитын мәңгілік тілі болуы да шарт. Ол мемлекеттік тілі – қазақ тілі. Халықтың жаны ана тілінде.Ана тіліміз - рухани тірегіміз де. Алаш көсемі Ахмет Байтұрсынұлы : «Атадан балаға мирас болып екі-ақ нәрсе қалады,біріншіден – бай тіл,екінші – байтақ жер», -деп,осы екі құндылықты айрықша атап көрсеткен болатын.Ендеше,ұлтжандылықтың,

Отанды сүю өлшемдерінің бірегейі де осы екі егіз ұғым Тіл мен Жер.Ал туған тілімізге қатысты мәселе жылдар бойы айтылып келеді. Қытайдың атақты философы Конфуций айтқан екен: «Егер де маған ел басқару мүмкіндігі туса, ең алдымен сол елдің тіл мәселесін қолға алар едім. Себебі тіл бірлігі болмаса, пікір бірлігі…