Ас атасы нан сөйлеуді дамыту сабағы

0 «ә» сынып даярлық тобына арналған «Сөйлеуді дамыту» сабағы бойынша өтілетін «Ас атасы-нан» ашық сабақтың жоспары.

Білім саласы: Коммуникация

Білім бөлімі: Сөйлеуді дамыту

Тақырыбы: «Ас атасы-нан»

Мақсаты: Балаларды адамгершілікке,имандылыққа,еңбек сүйгіштікке тәрбиелеу.Сол еңбектің арқасында нанға қол жеткізетінімізді түсіндіру.Тілдік қасиеттерді дамыту.Нан қалай жасалу жолдарын түсіндіру керек және нанды қадірлеп,қастерлей білуге үйрету.

Сабақтың әдіс-тәсілдері: топқа бөлу,сұрақ-жауап,баяндау,бағалау,кері байланыс.

Қолданылған технологиялар: ұжымдық,ақпараттық технология.

Көрнекіліктер: нан туралы сюжетті суреттер,жемістер,көкөністер, «Бір үзім нан» ертегісінің анимациясы,бидай,егін егу,оны орып қамбаға тиелген бейнекөріністерді көрсету, презентация,слайдтар.

Сабақ барысы:

1.Шаттық шеңбері

Үлкенге де сіз,

Кішіге де сіз.

Барша адамды құрметтеп,

Бас иеміз біз.

2.Топтарға бөлу.

1-топ: «Жеміс»

2-топ: «Көкөніс»

3-топ: «Нан»

3. Үй жұмысын сұрау. «Конверт лақтыру» әдісі. Топтарға тапсырма беру.

1-топтың тапсырмасы: Жемістер және олардың түрлерін айтыңдар.

2-топтың тапсырмасы: Көкөністер және олардың түрлерін айтыңдар.

3-топтың тапсырмасы: Суреттерге қарап нанның жасалу жолдарын ретімен қойыңдар.

/Үй жұмысын айтып болған соң топтарды үш шапалақпен бағалау/

4. Жаңа тақырып өту. Тәрбиешінің кіріспе әңгімесі.

-Балалар,бүгін біз «Ас атасы –нан» деген тақырып өтеміз.Нанның дастарханға қалай келу жолдарымен танысамыз.Нанды ұннан дайындайды.Ұн бидайдан жасалады.Ал бидайды өсіретін адамдарды диқаншы дейді.Нанды пісіретін адамды наубайханашы дейді.Ал енді экранға қараңдар./ слайдтан нанның жасалу жолдарын суреттер мен бейнекөріністер арқылы ретімен көрсету/

1. Трактормен жерді жыртып,бидайды себу.

2. Дәндер өсе бастайды.

3.Бидайдың сабақтары өсе бастайды.

4. Оны диқандар суғарады.

5. Бидайды орады,бастырады.

6. Машинамен қамбаға /элеваторға/ тасиды.

7. Диірменге апарып тартады.

8. Көліктер ұнды тасиды.

9. Нан илейді.Нан пісіреді.

10. Дайын нанды дүкенге әкеледі.

11. Сатушы мен нан сатып алушы дүкенде.

12. Нан дастарханда.

-Міне,балалар,күнделікті жеп жүрген нанымыз осындай ұзақ ауыр еңбекпен бізге

келеді екен.Олай болса нанды өсіретін адамдарға деген құрметімізді көресетейік. /Орындарынан тұрып,қолдарын жүрек тұсына қойып,иіліп орындарына отырады./

5. Сергіту сәті.

Нан қиқымын шашпаңдар,

Жерде жатса баспаңдар.

Теріп алып қастерлеп,

Торғайларға тастаңдар.

6. Сөздік жұмыс.

-Ал енді,балалар,нан деген сөзді үш тілде айтайық.

Қазақша-нан, орысша- хлеб, ағылшынша – bread

7. Тыйым создермен жұмыс.

-Нан туралы кандай тыйым создер білесіңдер? Әр топтан балалар тыйым сөздерді айту

керек.Айтқан балаларды қолпаштап бас бармақпен «во» айттың деп /бас бармақты

жоғары көрсету арқылы/ бағалау жүргізу.

Нанды бір қолыңмен үзбе.

Нанды жерге тастама.

Нанмен ойнама,обал болады.

Нанды аяқпен баспа.

Нанды екі қолыңмен үзіп же.

Нанды төңкеріп қойма.

8.Ертегілер еліне саяхат.