Ата-аналармен жұмыс жобасы 4 сынып мұғалімдеріне

«Балаға өз бетімен зерттеуге мүмкіндік

туғызған сайын одан әрі жақсы оқи түседі»

Питер Клайн

Тақырыбы: Ата –аналармен жұмыс жобасы

Сынып жетекші:Елемесова Алмагүл Ғабділмәлікқызы

Мектебімізде жүргізіліп жатқан «Табысты мектеп идеялары» бойынша мен Ата- аналарды жобаларға қатыстыру идеясын таңдап алдым. Бұл идеяны «Табысты мектеп» қоғамдастығына енгізудегі мақсатым мектеп пен ата-ана арасын оқушы жетістігі арқылы жетілдіру.

Мақсатым:

Қазіргі кездегі баланың дамуына, жеке тұлға болып қалыптасуына ата-ана тәрбиесінің әдіс-тәсілдерін жетілдіре отырып, қарым-қатынас орнату.

Зерттеу тақырыптарын ата-ана және сынып оқушыларымен бірге анықтау, зерттеу.

Міндеттерім:

-Ата-анамен және оқушымен бірлесе отырып тақырыптарды таңдау;

- Жоба жазу үлгісімен таныстыру;

- Жобаға деректер іздеу және жазу;

- Зерттеу жобасы арқылы бір нәтиже шығару;

- Жобаны қолдану арқылы байқауларға қатыстыру;

Күтілетін нәтиже:

Ата –ана, мұғалім, оқушы, мектеп арасындағы қарым-қатынас нығаяды;

Оқушының ой-өрісі мен рухани жан дүниесінің дамуына ықпал етеді,

Өз бетінше жұмыс жасауға үйреніп,зерттеулер жүргізуге

бейімделеді;

Ой жүйелілігі мен шешендік өнері қалыптасады;

Танып-білу,талдау-жинақтау,салыстыру,бастысын бөліп

шығару,өмірде қолдану әдістерін меңгереді;

Оқыту мен тәрбиелеудің тиімділігін арттырып,оқушылардың

жоғары шығармашылық деңгейін қамтамасыз етеді.

Мұғалім

Оқушы

Ата-ана

Тиімділігі:

Абай Құнанбаевтың жетінші қара сөзіндегі « Жас бала анадан туғанда екі түрлі мінезбен туады. Біріншісі – ішсем, жесем, ұйықтасам деп тұрады. Екіншісі – көрсем, білсем деп, ер жетіңкірегенде ит үрсе де, мал шуласа да, «ол неге өйтеді?», « бұл неге бүйтеді?» деп көзі көрген, құлағы естігеннің бәрін сұрап, тыныштық көрмейді», – деген ой тұжырым оқушының биік танымдық қабілет, тұрмыс-тіршіліктің сырын ұғуға талпыныс баланың ерте жасынан туындайды екен. Сондықтан оқушыны ізденушілік, зерттеушілікке баулу бастауыш сыныптан бастап қолға алған өте тиімді деп ойлаймын. Өйткені бастауыш сынып оқушысының түрлі сөздіктер мен қызықты әдебиеттерді іздеп табуға, оқып танысуға деген құштарлығы басым болады. Баланы ізденушілікке баулу, оған зерттеу дағдысы мен білігін игерту бүгінгі білім беру саласының маңызды міндеті болып саналады.Сондықтан оқушыны зерттеушіліке баулу үшіноның ата-анасымен бірлесіп жұмыс жүргізу ата-ана баласын өз бетінше жұмыс жасауға үйретіп ,зерттеулер жүргізуге бейімдейді.

Ғылыми зерттеу жұмысының табыстылығының маңызды шарты-тақырыпты дұрыс таңдау.Тақырыпты таңдау –біржолғы процесс емес және қиын өзіндік ізденістің нәтижесі болып табылады.Тақырып оқушыларға қызықты, оларды тартатындай болу керек.Тақырып орындалатын, шешімі зерттеуге қатысушыларға пайдасы тиетіндей болу керек.

Бұл жұмысты бастамас бұрын жоспар құрдым.

Зерттеу жобасы туралы ата- аналар жиналысында ата-аналармен бірге талқылау жүргіздік.

Зерттеуге қатысатын оқушыларды таңдау үшін суалнама алдым.

Сауалнама нәтижесінде қатысуға талпыныс көрсеткен оқушылармен және ата-анасымен сұхбат жүргіздім.

Зерттеуге қатысатын оқушының ата-анасымен бірлесе отырып тақырып таңдадық.