Ата кәсіп – берекенің бастауы сыныптан тыс жұмыс, 9 сынып

«№5 мектеп – лицей» КММ

«Даналық мектебі» жобасы аясында өткізілген«Ата-кәсіп – берекенің бастауы»

тақырыбында дөңгелек үстел.

Ұйымдастырушы: 9А А.С.Ешмуханова, 9Б Ф.К.Уразаева, 9В Б.Б.Уталина,

9Г М.Талмағамбетұлы.

Өтетін орны: № 5 мектеп-лицей акт залы.

Күні:

01.11.2024ж.

Тақырыбы

«АТА КӘСІП – БЕРЕКЕНІҢ БАСТАУЫ»

Мақсаты

Мамандық таңдауда ата ақылының маңыздылығын түсіндіру

Жұмыс түрі

Дөңгелек үстел

Жоспар

Кезеңдері

Жоспарланған жаттығу түрлері

Ұйымдастыру кезеңі:

Модератор М.Талмағамбетұлы: Қайырлы күн, құрметті ұстаздар , ата – әжелер , ата – аналар! Біз сіздермен «АТА КӘСІП – БЕРЕКЕНІҢ БАСТАУЫ»деген тақырыпта ой қозғайтын боламыз.

Ой қозғау

Модератор М.Талмағамбетұлы: Қайырлы күн, құрметті ата-аналар! Қазақта «Балам- балым, баланың баласы – жаным» деген әдемі сөз бар емес пе? Ендеше, осы сөздің астарында қаншама тәрбие мен мән-мағына жатыр десеңізші!«Тәрбие басы – тал бесік» дейміз. Олай болса пікір алмасу жиынына қош келдіңіздер.

Бүгінгі пікір алмасу кешінің тақырыбын ашу үшін ата-аналар сіздермен бірге көрермендер ата-аналарда бірнеше сауал қоямыз. Қойылған сауалға қысқа, бірауыз сөзбен жауап берсеңіздер. (Тақырыпты бір сұрақпен де ашуға болады)

-Сіз балаңыздың болашағын қалай елестетесіз?

-«Болар баланың бетін қақпа, белін бу» деген сөзді, өз балаңызға қалай қолданар едіңіз?

-Заманның ағымына ілесу үшін балаңызға қандай ақыл-кеңес немесе бағыт-бағдар берер едіңіз?

-Атадан балаға, одан әрі немереге қалдыратын өсиетіңіз бар ма?

-Балаңыздың болашақта дұрыс жол таңдауына қандай үлес қосар едіңіз? Осы сауалдар төңірегіндегі әңгімелерге сараптама жасай отырып мамандық туралы ой білдіргендердің пікірін жандандыра келіп тақырыпты нақтылап, таныстыру.

Бәрекелді! Иә, бүгінгі пікір алмасу жиыны тақырыбы «Мамандық таңдауға қалай көмектесеміз?» болмақ.

Әлемде 50 мыңға жуық мамандық бар, жыл сайын 500-ге тарта жаңа

түрі қосылып отырады екен. Олардың ішінен өзімізге қажеттісін қалай таңдауға болады? Біз олардың нешеуін білеміз? Мамандық таңдауда нені бағдар етіп аламыз? «Мектеп бітіргеннен кейін кім боласың?» деген сұрақтарға мектеп оқушыларының көбі нақты жауап бере алмайды. Мамандыққа қатысты баланың дұрыс таңдау жасауына ықпал ететін бірқатар жағдайлар бар. Соның ішіндегі ең маңыздылары:

БАҚ құралдары

Педагог ұстаздар

Отбасының ықпалы

Ендеше, осы сұрақтарға аталармен бірге жауап іздеп көрелік.

Практикалық бөлім

Қатысушалыр ойларымен бөліседі.

Ата-ана –Сәрсенбаева Шыражан:

Ертеден өзінің өміршеңдігін жоймай келе жатқан мамандықтың түрі — тігіншілік. Мұны біреулер өнер десе, енді бірі шығармашылық жұмыс ретінде қарайды. Екеуіне де келісуге болады. Себебі тігін тігу үшін де ептілік, үйлесім, шеберлік, шыдам керек. Қарапайым ғана мысал, түймең түсіп қалса, оны кез-келген адам ине мен жіпті сабақтап іле салады. Бірақ нағыз маманның қолынан шыққан дүние бәрібір көзге әдемі көрініп тұрады.Мен сыныбымыздың ата анасы атынан шығып отырмын.Гүлбану Алпысбайқызы- тігінші. Кішкентай кезінен мата қиып, қолөнермен айналысуды жаны қалайтын ол бүгінде сүйікті ісін кәсібіне айналдырған. Салт-дәстүріміз бен өнерімізді дәріптеп жүрген қолөнер шебері халқымыздың ұлттық киімдерімен қоса, түрлі оюмен өрнектелген көрпе тігеді. Кейіпкеріміздің айтуынша, қолөнер, тігіншілік — бүгінде табысты бизнестің бірі. Өйткені, қазір қолдан жасалған бұйымдарға сұраныс артқан. Алдағы уақытта өз қыздарыма да үйретіп,кәсібімді әрі қарай жалғастыруды мақсат етіп отыр. Еңбек адамды өсіреді, мақсатына жетелейді, қанаттандырады. Алдымен ерінбей, алға қойған мақсатыңа қарай қадам басу керек. Енді өзімнің тігін шеберханамды ашсам деп әрекет етіп жатырмын. Қол қусырып отырмай, еңбек еткен адам оны

Ата-ана –Б.Ғалымбек:

Мамандық - қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.Мамандық таңдау - өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы - адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт. Өз ісіне сенімді, дұрыс таңдау жасаған адам ғана жетістікке жетеді. Өзінің сұранысын, қызығушылығын жоймаған кең тараған мамандықтарға дәрігер, мұғалім және құрылысшы мамандықтарын атап өтуге болады.

Ж.Аймауытовтың «Мамандықтың жаманы жоқ, бірақ мұның кез келгеніне икемділік қажет. Бұл жай күнелту тамақ асыраудың ғана жолы емес, үлкен өнерді, зор шеберлікті қажет етеді» деген сөзін негізге алғым келіп тұр. «Кім боламын?», «Қай мамандықты таңдайсың?» деген сұрақтарға оқушылардың кейбірі «Ата-анам біледі», «Тұрмыс жағдайыма байланысты болады» деген жауаптар беріп жатады, «Өз таңдауым» деп жауап берген бала…