Атымтай жомарт әңгімесі бойынша 5-сынып ашық сабағы

Ұзақ Ұзақ мерзімді жоспардың тарауы тара

Тәрбиенің қайнар бұлағы

Мектеп: № 4 Тілеміс батыр атындағы жалпы білім беретін мектеп

Күні: 06 .04. 2018

Мұғалімнің аты-жөні: Туякова Зинегул Куандыковна

Сынып: 5

Қатысқандар:

Қатыспағандар:

Сабақтың тақырыбы:

Ы.Алтынсарин «Атымтай Жомарт» әңгімесі. Жомарттық пен сараңдық

Осы сабақта қол жеткізілетін оқу мақсаттары (оқу бағдарламасына сілтеме)

5.А/И1 Әдеби шығармадағы екі нәрсені салыстыра суреттеулер мен қарама-қарсы суреттеулерді табу

5.Б/С 2 Кейіпкерді шынайы өмірмен салыстырып бағалау

Сабақ мақсаттары

Барлық оқушылар орындай алады:

Әдеби шығармадағы салыстыра суреттеулер мен қарама-қарсы суреттеулерді табады. Кейіпкерді шынайы өмірмен салыстыра отырып,бағалайды.

Оқушылардың көпшілігі орындай алады:

Шығармадағы екі кейіпкердің қарама-қарсы іс-әрекетін берудегі салыстыра суреттеулерді ажыратады. Кейіпкердің пікірлерін салыстыра отырып, тұжырымдайды.

Кейбір оқушылар орындай алады:

Кейіпкер пікірін салыстыра отырып, түйінді ой айта алады.Әдеби шығармада көтерілген мәселеге анализ жасай отырып, өмірмен байланысты көзқарасын қалыптастырады.

Бағалау критерийі

-Шығармадағы суреттеулер мен қарама-қарсы суреттеулерді ажыратады.

- Кейіпкерді шынайы өмірмен салыстырып бағалайды.

Тілдік мақсаттар

Оқушылар орындай алады: әңгімедегі айтылған пікірлерді салыстырып, одан қарама-қарсы суреттеулерді табады, дәлел келтіреді. Диалог, пікірталасқа түсу үшін қажетті сөздер мен сөз тіркестерін қолдана алады.

Пәнге қатысты сөздік қор мен терминдер: салыстыра суреттеулер мен қарама-қарсы суреттеулер, салыстырып бағалау. Қазақ тілі пәніндегі лексика тарауы бойынша антонимдерді еске түсіреді.

Бай-кедей, жомарт-сараң

Талқылауға арналған сұрақтар:

Қазіргі заманның Атымтай Жомарты қандай деп ойлайсыз?

Құндылықтарға баулу

Жалпыға ортақ еңбек қоғамы құндылығы негізінде еңбек етудің мән-мағынасы мен адал еңбек ету арқылы жетістікке жету жолдарын түсіндіру.

Пәнаралық байланыс

Қазақ тілі, еңбекке баулу, өзін-өзі тану

Алдыңғы оқу:

Атымтай Жомарт образы туралы қажетті ақпаратты әр түрлі көздерден алады, жинақтайды

Жоспар

Сабақ барысы

Сабақтың жоспарланған кезеңдері:

Сабақта жоспарланған жаттығу түрлері

Ресурстар

Сабақтың басы:

5 мин

Психолгиялық ахуал қалыптастыру мақсатында тренинг өткізу

Топқа бөлу: Панарин тесті арқылы үш топқа бөлу.

( Оқушылардың бойындағы ерекше қасиеттерін анықтауға және топқа бөлуге бағытталған)

«Суреттер не дейді?» әдісі. Интерактивті тақтадан суреттер көрсетіледі.

Білім алушының назарын шоғырландыру үшін жетекші сұрақтар қойылады:

- Суреттен не байқадыңдар?

- Бұл қандай адам? Оның бойында қандай жақсы қасиет бар деп ойлайсыз?

- Бүгінгі сабақтың тақырыбы не жайлы? Болжаңыз.

( Бұл әдісті қолдану мақсатында оқушылардың ойын шоғырландырып, жаңа тақырыптың мақсатын айқындаймын)

«Жомарт » тобы

Төртбұрыш таңдаған білім алушылар лидерлік қабілеті бар,алдына қойған мақсатына жететін,басқарушылық қабілеті басым,жомарт жандар.

«Еңбек» тобы

таңдаған білім алушылар өте еңбеккор,төзімді, өз жұмысының шебері,бастаған істі аяғына дейін жеткізетін жандар

«Мейірім» тобы

Дөңгелек таңдаған білім алушылар өте мейірімді ,басқаның қайғысын да қуанышын да бөлуге даяр тұратын жандар

«Суреттер: не

дейді?» әдісіне

арналған суреттер

Сабақтың ортасы:

10 минут

5 минут

7 минут

10 минут

Топтық жұмыс«Топтық тергеу немесе зерттеу» стратегиясы

Білім алушы әрекеті: Білім алушылар интерактивті тақтада жазылған топ аттарына назар аударып, өзінде қызығушылық тудырған топқа бірігеді. Сол топқа берілген тапсырманы орындайды.

1.Баяндаушылар

2.Зерттеушілер

3.Сұрақ құрастырушылар

4. Афоризмдер табу

5. Талдаушылар

6. Дәнекерлеушілер

Тапсырма:

1.Баяндаушылар (әдеби шығарманың мазмұнын баяндайды)

2.Зерттеушілер ( Шығарма туралы,оның авторы жайлы зерттеу жүргізеді)

3.Сұрақ құрастырушылар (Әңгіме желісі бойынша қарапайым және күрделі сұрақтар құрастырады)

4.Афоризмдер табу (Көркем шығармадағы мақал-мәтел, нақылға айналған сөздерді тауып, мәнін ашады)

5.Талдаушылар (Жомарт пен сараң адамның бойындағы қасиеттерді талдай отырып, сурет салады.)

6.Дәнекерлеушілер (Көркем шығармада көтерілген мәселені, кейіпкерді қазіргі заманмен салыстырады.)

Дескриптор:

- әңгіме мазмұнын баяндайды.

-шығарма туралы, оның авторы туралы зерттейді.

-мәтін мазмұны бойынша әр түрлі деңгейдегі сұрақтарды құрастыра алады.

- шығармадан афоризмдерді, нақыл сөздерді табады.

- жомарт адам мен сараң адам бейнесін салыстырады.

-шығармада көтерілген мәселені қазіргі заманмен байланыстырады.

Қалыптастырушы бағалауды «Мадақтау кестесі» арқылы бағалаймын.

Білім алушы

позитивті

комментарий,не ұнады;

сындарлы сын,

не нәрсені жақсарту керек;

Келешекке арналған комментарий,

маған ұнады,бірақ келесі жолы...

«Атымтай

Жомарт»

әңгімесі,оқулық

«Топтық тергеу немесе зерттеу» стратегиясы

Топтық жұмыс

«Мадақтау кестесі» бағалауы

Жұптық жұмыс. «Ойлан, зерделе» әдісі.

Тапсырма. Жомарттық және сараңдық сөзінің мағынасын анықтап, осы сөздер қатысқан мақал-мәтел тауып, кестені толтырыңыз.

Сөз

Мағынасы

Мақал-мәтел

Жомарттық

Сараңдық

Дескриптор:

1 «Жомарттық» сөзінің мағынасын ашады.

2. «Сараңдық» сөзінің мағынасын ашады.

3. Мақал-мәтелді тауып жазады.

4. Кестені толтырады.

Білім алушы әрекеті: Берілген сөздің мағынасын түсіне отырып, жомарттық пен сараңдық сөзі қатысқан мақал-мәтел тауып, кестені толтырады. Тапсырманы орындауда тілдік мақсатты басшылыққа ала отырып, жазылым тапсырмасы арқылы орындатамын.

Қалыптастырушы бағалауды «Бас бармақ»

әдісі арқылы бағалаймын.

Қалыптастырушы бағалауды сабақ барысында оқу үдерісін түзетіп отыру үшін тиімді қолданамын.

Жеке ,жұптық,топтық жұмыс «Тұжырымда» әдісі

Әңгімедегі кейіпкердің портреті мен іс-әрекетін талдаңыз. Өз пікіріңізді білдіре отырып, кейіпкердің іс-әрекетін шынайы өмірмен салыстыра сипаттаңыз.

Кейіпкер

Кейіпкер портреті

іс-әрекеті

ХХІ ғасырда ....

(қазіргі өмірге сай өз

пікірі)

Атымтай Жомарт

Дескриптор

- әңгімедегі кейіпкердің портретін анықтайды;

- кейіпкерлердің іс-әрекетіне 2 мысал жазады;

- кейіпкерлердің портреті мен іс-әрекетін шынайы өмірмен салыстыра отырып, өз пікірімен сипаттайды.

Қалыптастырушы бағалауға «Бағдаршам» әдісін қолданамын.

Қалыптастырушы бағалауды сабақ барысында оқу үдерісін түзетіп отыру үшін тиімді қолданамын.

«Құнды пікір» әдісі Жеке жұмыс.

Білім алушы әрекеті: Білім алушы сыни тұрғыдан ойланып, шығарманың құндылығын анықтайды. Әдеби шығармада көтерілген мәселеге анализ жасай отырып, өмірдегі шындыққа көзқарасын қалыптастырады.

Тапсырма:

Жомарттық әлемді өзгерте ме?

Қазіргі қоғамда Атымтай Жомарт кездесе ме? Қазіргі заманның Атымтай Жомарты қандай деп ойлайсыз?Кейіпкермен салыстырыңыз.

«Егер мен бай болсам....» ойды жалғастырып айтыңыз.

Білім алушының ойлау қабілетінің эмоциялық жағына әсер ету үшін бағалаушы сұрақтарды тиімді қолданамын,өйткені жаңа ақпарат білім алушының ішкі дүниесіндегі жағымды ассоциациялармен байланысты болса, ақпаратты тез қабылдайды.

Дескриптор:

1.Сыни тұрғыдан ойланып, шығарманың құндылығын анықтайды.

2.Кейіпкерді шынайы өмірмен салыстырып бағалайды.

3. Өмірден мысал келтіріп,өз ойын дәлелдейді.

4. Шығармадағы көтерілген мәселені бүгінгі күнмен байланыстырады.

Қалыптастырушы бағалауды «Сөздік бағалау» әдісімен бағалаймын.

Басбармақ жоғарыға қарай – өте жақсы

Басбармақ көлденең – жақсы

Басбармақ төмен қарай- орташа