Ауған жері – жүректің шері кездесу шарасының материалы

«№45 бейімделген орта мектебі» КММ

«Ауған жері жүректің шері»

(Ауған соғысы ардагерлерімен кездесу)

Өткізген: педагог-ұйымдастырушы Унасов С.А.

Өскемен қаласы

2018-2019 оқу жылы Күні: 14.02.2019ж Тақырыбы: «Ауған жері жүректің шері». Мақсаты: Ауған оқиғасының тарихи мағыналық ақиқатын ашу. Тәуелсіздік жолында күрескен ағаларымыздың ерлігін кейінгі ұрпаққа үлгі ете отырып, жастарды Отансүйгіштікке, ерлікке, келешекте әскери, азаматтық борышын адал өтеуге баулу, Ауған соғысы ардагерлеріне құрмет көрсету.

1-жүргізуші: Құрметті қонақтар, Ұстаздар, оқушылар! 15-ақпан Ауған жерінен Интернациолист жауынгерлердің шығарылғанына 30 жыл толуына байланысты ардагер ағаларымыздың құрметіне арналған «Ауған жері жүректің шері» атты сұхбатымызға қош келдіңіздер!

1-бөлім: «Отты жылдар ақиқаты» 2-жүргізуші: Сұхбатымызды бастамас бұрын бейнебаянға назар аударайық. Видео: Ауған соғысы 1-бөлім

1-жүргізуші: Ауғанда болған оқиға ізімен оқушылардың көрінісін тамашалаңыздар.

2-жүргізуші: Ауғанстан жеріндегі соғыс тарих беттерінде өзіндік із қалдырды. Тарих бетінен сызып алып тастай алмайтын бұл соғыстың қысқаша тарихын сөз етейік.

1-жүргізуші: Алдымыздағы ақпанның 15-інде КСРО әскерлерінің Ауғанстан жерінен шыққанына 30 жыл толды. Қызыл Армияның шектеулі континенті он жыл бойы ауған халқымен бірге соғыс әрекеттерін жүргізді. Ауғанстан жерінде интернационалдық борышын атқарған Қызыл Армия жауынгерлерінен басқа да, көптеген қауіпсіздік қызметінің және ішкі істер органдарының қызметкерлері де болды. 2-жүргізуші: 1989 жылы ақпанның 15 күні КСРО-ның соңғы әскери бөлімі Кабулдан шықты. Ауған соғысына қатысқан КСРО әскерлерінің құрамында 22 000 қазақстандық қатысты. 2 238 күнге созылған соғыста 924 қазақстандық мерт болып, 1015 жауынгер мүгедек болып қайтты. 21 адам хабар-ошарсыз кетті.