Ауғанның отты жалыны тәрбие сағаты 7 сыныпқа

Такырыбы : «Ауғанның отты жалыны» Мақсат: Отан үшін өз өмірлерін құрбан етіп, ерліктің үлгісін көрсеткен барлық кезеңдегі қаһарман жауынгерлер есімін ұмытпау. Солардың ішінде Ауған жауынгерлерінің ерліктерін ұмытпау –өскелең ұрпақтың қасиетті міндеті.Көрнекіліктер: Тақырыбы жазылған баннер, ерлік туралы мақалдар:«Ер елі үшін туады, елі үшін өледі», «Жаңбыр жауса - жер ырысы, батыр туса – ел ырысы»

жүргізуші 1: Армысыздар құрметті қонақтар, ұстаздар мен оқушылар.

2 -жүргізуші : Бүгін Кеңес әскерлерінің Ауған жерінен шығарылғанына 30 жыл толуына арналған сынып сағатына қош келдіңіздер!

Туған жердің шежіресі өседі.

Менің елім-Қазақстан Отаным

Болашағы бізбен бірге өседі.

Жұрттан озған ел боламыз,сеніңіз

Тәуелсіздік алған біздің еліміз.

Соғыс болмай жер бетінде барша адам

Бейбіт күнде тек бақытты көріңіз.Жүргізуші: Қазақстан Республикасының гимні орындалсын .1-жүргізуші:Құрметті қонақтар,оқушылар, ұстаздар!Жеңіске жету жолында қазақстандықтардың асқан ерлігі мен әскери жан қиярлығы, жарқын тарихқа айналды, Отан үшін өз өмірлерін құрбан етіп, ерліктің үлгісін көрсеткен барлық кезеңдегі қаһарман жауынгерлер есімі ұмытылған емес. Солардың ішінде Ауған жауынгерлерінің ерліктерін ұмытпау –өскелең ұрпақтың қасиетті міндеті.2-жүргізуші: 1989 жылы ақпан айының 15 жұлдызында аналарды перзентінен айырған, мыңдаған жерлес-бауырларымыз қаза тапқан қасіретті де қайғылы Ауған соғысы аяқталды. Жылдар өткенімен интернационалист-жауынгерлеріміздің өшпес ерлігі ел есінде сақталуда. Біз еліміздің сол соғысқа қатысқан ұлдарын Отан алдындағы борыштарын адал ақтаған азаматтар деп құрмет тұтамыз.1-жүргізуші: Бүгінгі ұрпақты ауған соғысы туралы мағлұматтармен таныстырсақ. (Слайд көрсетіліп тұрады)

1-оқушы: Бұл “қырғи қабақ соғыс” кезеңі өткеннен кейінгі уақытта да Кеңестің Социалистік Республикалар Одағының өзге елдерді өз ықпалына қарату саясатының айқын көрінісі еді. 1965 ж. қаңтарда Ауғанстанда Кеңес Одағы Мемлекеттік қауіпсіздік комитеті тыңшыларының қатысуымен жартылай астыртын қызмет атқарған халықтық-демократиялық партия құрылып, біраздан соң ол екіге бөлінген. “Хальк” тобын Н.М.Тараки, Х.Амин, ал “Парчам” тобын Б.Кармаль басқарды. 1977 ж. мамырда Мәскеудің нұсқауымен халықтық-демократиялық партияның екі тобы бірігіп, астыртын қимылдарын ұлғайта түсті. Мұхаммед Дауд үкіметі халықтық-демократиялық. партияға қысым жасап, 1978 жылдың 26 сәуірде оның басшыларын қамауға алды.

2 оқушы: Ертеңіне Кабулдағы әскери күштер көтеріліп, Дауд бала-шағасымен қазаға ұшырады. Сөйтіп Ауғанстанда халықтық-демократиялық партия билігі орнады. Жаңа үкімет Кеңестің Социалистік Республикалар Одағының айтқанынан шықпай, бірден социализм негізін қалауға кірісті. Жер реформасын енгізу, діндарларды қудалау, ағарту саласындағы өзгерістер, кеңестік мамандарды көбірек пайдалану, жергілікті көшпелі тайпалардың әдет-ғұрпымен, салт-мүддесімен санаспау, т.б. бұқара халықтың наразылығын тудырды.

3 оқушы: 1978 жылы қазанда ірі қарулы қарсылықтар басталды. Ауған үкіметі Кеңес

Одағымен достық, тату көршілік және ынтымақтастық туралы шартқа отырып (желтоқсан, 1978), Мәскеуге арқа сүйеді. Алайда халық күресі одан әрі күшейе түсті. 1979 жылдың ақырында 26 уәлаятта 18 көтеріліс өрті лаулады.. 1979 жылы 12 желтоқсанда Кеңес Одағы басшыларының шағын тобы (Л.И. Брежнев, Ю.В. Андропов, М.А. Суслов, Д.Ф. Устинов, А.А. Громыко) Ауғанстанға кеңес әскерін енгізу туралы шешім қабылдады. Сөйтіп, 1979 жылдың . 27 желтоқсанда Кеңес Одағы әскерлері Ауғанстан шекарасынан өтіп, онда 1989 жылдың 15 ақпанына дейін соғыс қимылдарын жүргізді.

1-жүргізуші: Ауған соғысы-Кеңес Одағы тұсындағы тарихтың ең қайғылы беттерінің бірі.1979 жылдың 25-ші желтоқсанынан 1989 жылдың 15 ақпаны, яғни 10 жылдан аса уақыт бойы Кеңес әскерлерінің шектеулі құрамы Ауған жерінде ұрыс жүргізді. Ауған соғысына Кеңес Одағына кіретін барлық туысқан Республикалардан әскер қатарына шақырылған жауынгерлер мен офицерлері қатысты. 2-жүргізуші: Ауған…