Әжем тоқымқағар жасады ашық сабағы, 9-сынып

Қысқа мерзімді жоспар

САБАҚ:

Бөлімнің тақырыбы: Жолың болсын, жолаушы.

М.Мақатаев «Біз ертең жол жүреміз!»

Сабақтың тақырыбы:«Әжем тоқымқағар жасады» (9 сабақ)

Мектеп: Қарасу ауданы әкімдігі білім бөлімінің «Павлов орта мектебі» ММ

Күні:

Мұғалімнің аты-жөні: қазақ тілі мен әдебиеті мұғалімі Әлихан Еркебұлан Қамбарбекұлы.

СЫНЫП:9

Қатысқандар: 11

Қатыспағандар:0

Осы сабақ арқылы жүзеге асатын оқу мақсаттары

9.2.4.1. Шығарманың идеясы мен мазмұнына байланысты «автордың ойын» бағалау.

Сабақ мақсаттары

Барлық оқушылар орындай алады:

Шығарманы мазмұны бойынша реттестіреді.

Оқушылардың көпшілігі орындай алады:

Шығарманың идеясы мен мазмұнына байланысты «автордың ойын» меңгереді.

Кейбір оқушылар орындай алады:

Шығарманың идеясы мен мазмұнына байланысты «автордың ойына» сыни баға береді.

Бағалау критерийлері

Шығарманы мазмұны бойынша «Хикаят картасы» әдісі, «Кроссенс» әдісі арқылы реттестіреді.

Шығарманың идеясын «Ойлан, Жұптас, Бөліс» әдісі арқылы ажыратады.

Автордың ойына «КНДС» әдісі арқылы сыни баға береді.

Тілдік мақсат

Оқушылар орындай алады: Оқыған мәтіннің мазмұнын және идеясын айтады, автордың ойына сыни баға береді.

Пәнге қатысты сөздік қор мен терминдер: анда – санда, көрші – қолаң, шәугім, тоқым қағар, тоқым.

Диалог құруға / шығарма жазуға арналған пайдалы тіркестер: анда – санда, көрші – қолаң, шәугім, тоқым.

Талқылауға арналған сұрақтар:

Қалай ойлайсыздар мәтіннің идеясы қандай?

Автордың айтқысы келген ойы қандай?

Автордың ойына қандай баға бересіз?

Автордың ойын өмірмен қалай байланыстырасыз?

Не себепті тоқымқағар жасау керек деп ойлайсыз?

ишара: жорға жүріс, көрші – қолаң, шәугім

Құндылықтарға баулу

Қазақ дәстүрлерін үйрету, үлкенге құрмет көрсету.

Пәнаралық байланыс

Тарих.

Алдыңғы оқу:

Кемеге отырып көрдің бе?

Жоспар

Жоспарланған уақыт

Жоспарланған жаттығу түрлері

Ресурстар

Басы

6 мин

Ұйымдастыру кезеңі.

Амандасу.

Түгендеу.

-Сәлеметсіңдер ме, оқушылар. Көңіл-күйлеріңіз қалай?

Ал енді оқушылар бір – бірімізге бүгінгі білім еліне жасағалы отырған сапарымызға сәттілік тілейік.

Топқа бөлу. «Шашу». Екі түсті бірнеше шар лақтырылады, бірдей шар жинаған оқушылар бір топқа бірігеді.

Тақырып ашу. Оқушылар қазақ халқының қандай салт – дәстүрлерін білесіз? Мұғалім өзі бір дәстүр айтып, шарды келесі оқушыға лақтырады.

Үлгі: Сырға салу - ...

-Оқушылар сабақ не туралы болады деп ойлайсыздар?

-Иә сабағымыз сапарға арналған салт – дәстүр туралы. Сабақтың тақырыбы «Әжем тоқымқағар жасады».

Оқушылaр шеңбер құрaды. Бiр-бiрiне сабаққа сәттілік тілейді.

Шарлар https://clck.ru/HH72f

Ортасы

4 минут

7 минут

7 мин

8 мин

Берілген сөздерді қолданып, көршіңмен сапарға шығу туралы диалог құр.

Жолың болсын, ақ жол, балам, аман – сау барып кел, аялда, жорға жүріс, сапар.

Үлгі:

Сәлеметсіз бе, апа!

Сәлем, балам. Амансың ба? Қайда жол тарттың?

Аманмын. Көрші ауылға бара жатырмын. Сапарың алыс екен жолда аялдап демал.

Иә, апа. Жорға жүріске салып, ертең жетемін деген ойдамын.

Жолың болсын! Аман – сау барып кел. Әжеңе сәлем

Сау болыңыз.

Тапсырма. Мәтінді оқыңыз. Топтық жұмыс.Төмендегі тапсырманы орындаңыз.

Нартай! – деді арт жағынан бір кісі. Нартай жалт қарады. Анда-санда көретін, екі-үш үйдің аржағында тұратын көрші әже екен. Тоқтап, шамалы күтіп тұрды да:

– Амансыз ба? – деп амандасты жақын келген соң.

–Аман ба, балам? Атаң келді ме? – деп сұрады қасына келген көрші әже. – Жоқ, – деді Нартай таңдана қарап.

– Сағындың ба? Нартай үнсіз басын изеді.

-Келіп қалар… әжеңе айт! Тоқым қақсын! Сонда тез келеді.

Келген бойда болған жайды түгел айтып берді. Әжесі күлді де қойды.

-Тоқымқағар деген… атаң секілді жолаушылап кеткен кісі кешіккенде, соны сылтау қылып, жиналып ішетін бір шәугім шай. Көрші-қолаң бас қосады. Жақында ғана жол жүріп келген тағы бір кісінің тоқымын әкеп қағады. "Тоқымқағар" деген содан шыққан болу керек. Біз де қағайық. Аздан соң барып жаңағы Күлай әжеңді шақырып кел. Ертең кешке деп. Қалған көршілерді өзім шақырайын, – деді әжесі тоқтап қалған шаруасына бұрыла беріп.

(134 сөз)

1-топ «Хикая картасы» бойынша мәтінді мазмұндаңыз.

Дескриптор

Мәтінді оқиды.

Мәтінді бөліктерге бөледі

Хикая картасын толтырады

Хикая картасы бойынша мәтінді мазмұндайды

Қалыптастырушы бағалау: топтық бағалау.

Дескриптор бойынша.

1.Мәтінді оқыды

2.Мәтінді бөліктерге бөлді.

3.Хикая картасын толтырды.

4.Хикая картасы бойынша мәтінді мазмұндады.

2-топ тірек сөздер арқылы мәтінді мазмұндаңыз. Тірек сөздерді «Кроссенс» әдісі бойынша теріп жазыңыз.

Мәтінді оқиды.

Тірек сөздерді табады.

Тірек сөздерді «Кроссенс» әдісі бойынша тізбектейді.

Тірек сөздер бойынша мәтінді мазмұндайды.

Қалыптастырушы бағалау: топтық бағалау.

Дескриптор бойынша бағалау.

Мәтінді оқыды.

Тірек сөздерді тапты.

Тірек сөздерді «Кроссенс әдісі» бойынша тізбектеді.

Тірек сөздер бойынша мәтінді мазмұндады.

Кері байланыс: Пікір бөлісу парағы.

Жауап тапсырманы толық ашты ма?

Иә

Жоқ

Себебі:

Ұсыныс/Толықтыру:

Себебі:

Ұсыныс/Толықтыру:

Саралау: Тапсырма бойынша саралау(деңгейлік тапсырмалар)

1.Мәтінде неше бөлік бар? Бөліп көрейікші.

2.Мәтін желісін сақтап отырсыз ба?

3.Осы тірек сөз арқылы мәтінді мазмұндауға бола ма?

4. Суреттер реті мәтіннің мазмұнына сай ма?