Б және П дыбыстары бойынша 2-сынып сабақ жоспары

Сабақтың тақырыбы : “Дауыссыз Б мен П”

Сабақтың мақсаты: 1. Оқушылардың Б мен П дыбыстарының ерекшеліктерін меңгерту.

2.Оқушылардың тілін шығармашылық қабілетін дамыту, әдемі көркем жазу дағдыларын қалыптастыру.

3.Табиғатты сүюге,қорғауға ,үлкенге ізет, кішіге құрмет көрсетуге тәрбиелеу.

Сабақтың түрі: Аралас сабақ.

Сабақтың көрнекілігі : Сурет, перфокарточкалар,жапырақтар,плакаттарға жазылған сөздер.

Сабақтың әдіс-тәсілі: Сұрақ-жауап, көрнекілік арқылы, түсінік беру, әңгімелеу,талдау.

Сабақтың барысы : Ұйымдастыру кезеңі.

Балалар , бүгін сіздер сабаққа жақсы қатысып ,сапалы білім алсаңыздар,білім ордасының төрінен орын аласыздар. Іске сәт!

Өтілген материал бойынша .

1.Перфокарточкамен жұмыс.

Құрамында қатаң дауыссыздар бар сөздерді бір топқа,ұяң дауыссыздар бар сөздерді екінші топқа,үнді дауыссыздары бар сөздерді үшінші топқа бөліп жаз.

2. Көп нүктенің орнына ш,ж,с,з әріптерінің бірін қойып, сөздерді көшіріп жаз.

Боры.., қар...ы, жары..,тар..ы, ол..а, маңға.., ағы.., тала...

3.Көп нүктенің орнына дауыссыз дыбыстардың бірін қою арқылы сөз жаса.

Ал..а жа...ын қа...у

Та...ақ ше...ер па...а

Үй жұмысын тексеру.

124- жаттығу. “Біз жалқаулықты сүймейміз” дегенде қандай – қандай дыбыстар бар.

Дауыстылар: Жуан- а,ы Дауыссыздар: Қатаң – қ, т, с

Жіңішке – і,у,еұяң – б,ж, з

Үнді – л, м, й

Үш перфокарточка берген оқушы,сөйлемдегі дыбыстарды талдаған оқушылардан өлеңді жатқа сұрастыру.

Көркем жазу. Балалар дәптерімізді ашып мына сөздерді көркем етіп жазамыз.

Балапан, бота, парта, периметр.

- Осы сөздер қандай дыбыстармен басталып тұр.

- Б,п

- Ендеше келесі жолдың жартысына б әрпін,жарты жолына п әрпін жазып шығамыз.

Бб Бб Бб Бб Бб Бб Пп Пп Пп Пп Пп Пп

-Балалар, біздер б мен п әріптерін әдемі жазуға дағдыландық. Бірінші біз осы б мен п дыбыстарының ерекшеліктерін тереңірек ұғынамыз.

Жаңа сабақ. Дауыссыз б мен п.

Оқушыларға б әрпін көрсетіп:

-Осы б дыбысы жөнінде не білесіңдер?

-Неге біз б дыбысын ұяң дейміз

-Өйткені ұяң дыбыстарын, құлағымызды саусақпен бітеп айтқан кезде, өзімізге жаңғырық естіледі. Немесе аузымызға алақанның сыртын тосып айтқанда іштен шыққан ауа қарқынсыз, олғын шығатынын аңғарамыз.

- Ендеше п дыбысы жөнінде не білесіңдер?

- п дауыссыз, қатаң, сөздің басында , ортасында, аяғында келеді.

- Неліктен п дыбысын қатаң дейміз?