Бабалар аманаты ұлттық құндылықтар қазынасы

“Бабалар аманаты”-ұлттық құндылықтар қазынасы

Мұратаева М.С қазақ тілі мен әдебиеті пәнінің мұғалімі

Т.Есетов атындағы №264 мектеп-лицейі

Қызылорда қ.

Жанұшырып жетіп жатқан жаһандану тажалына қалқан болар жол – ұлттық тәлім-тәрбие, ұлттық ар-намыс, салт-дәстүр, әдет-ғұрып.... «Балам, бабалар аманатына адал бол» деген атамның өсиетін маған қалдырған аманат әрі парыз санаймын. Сондықтан ұлттық мұраға қатысты кішкентай нәрсенің қисайғанын, кереғар бара жатқанын көргенде жаным күйзеледі. Шама-шарқымша білгенімді кейінгі жастарға айтуды, ұқтыруды өзіме міндет көремін. Ал оны қабылдау-қабылдамау – әркімнің өз еркі...» – дейді.

(Зейнеп Ахметова «Бабалар аманаты» кітабынан)

Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы- ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжат. Бұл мақалада сананы жаңғырту, ұлттық болмыстан, ұлттық кодтан айырылып қалмай, оны әлемдік құндылықтармен үйлестіріп, Қазақстанның игілігіне жарату жолындағы мақсат-мүдделер туралы өзекті мәселе көтеріліп отыр. Елбасы бағдарламасы жарияланғаннан бері мемлекет тарапынан 6 басымдық бағыты бойынша жүйелі жұмыстар басталып кетті.Нәтижесінде еліміз саналы серпіліп өркениетке қарай дамудың даңғыл жолын таңдады.

Негізгі орта мектеп қабырғасында бағдарлама мақсаттарына «Тәрбие және білім» кіші бағдарламасы арқылыжетуге мүмкіндік беріп отыр.

Бүгінде білім беру саласының барлық мәселелері мен мақсаттары «Рухани жаңғыру» бағдарламасын іске асырумен байланысты. Сананы жаңғыртатын бағыттар білім алушылардың әлеуметтік тұлғалық дамуына ғылыми негіз болып отыр. Осыған дәлел болатын іс тәжірибелерге назар аударсақ.

Зейнеп Ахметованың «Бабалар аманаты» кітабында ұлттық код боларлық ана тіліміз,салт-дәстүріміз,ырым-жоралғыларымыз бен наным-сенімдерімізді оқып танысуға болады.Кітап :

1.Сөз анасы-сәлем

2.Жетілік ұғымдар;

3. Ұлт болашағындағы қыз тәрбиесінің маңызы турала т.б тараулардан тұрады.

Халық қаһарманы,батыр Бауыржан Момышұлы әңгімелеген ұлттық дәстүр,наным сенімдерді келіні Зейнеп Ахметова сөзбе-сөз жеткізіп,өзі көрген дәстүр бұрмалаушылықты сынға алады.Әр дәстүрдің түпкі мағынасын терең түсіндіріп өтеді.Өз тарапынан қыз тәрбиесіне қатысты кейінгі кездегі көкейтесті ойларына назар аудартады.Жас ұрпақтың заманауи рухани болмысын қалыптастыру үшін тәрбие құралы ретінде тиімділігі бар.

Осы аталған тараулар бойынша « сәлем сөз анасынан» бастап жас ұрпақтың бойында әдептілік,ұлттық сана,дүниетанымын,салауаттылық ұстанымдарын қалыптастыруға қазына деуге әбден лайық.