Бәйтерек монументін салу бойынша балабақша конспектісі

Ересек «Қарлығаш» тобындағы ұйымдастырылған оқу қызметінің конспектісі

Тәрбиеші:Бакимова З.К.

Білім беру саласы: Коммуникация,әлеумет,шығармашылық.

Пән: Сөйлеуді дамыту,қоршаған ортамен танысу,сурет салу.

Тақырыбы: «Бәйтерек монументі»

Мақсаттары:Тәрбиелік:Бояу түсін таңдап, сурет салуға қызығушылығын арттыру.Дамытушылық: Ойларын жүйелі түрде жеткізе білу, шығармашылықпен жұмыс жасап, мәнерлеп өлең оқып, мағынасын түсіне білу дағдыларын дамыту.

Оқыту:Үлгі бойынша пішінін, пропорциясын ескере отырып, Бәйтеректің суретін салуға үйрету. Педагогикалық технологиялар: АҚТ,Ойын технологиясы,денсаулық сақтау технологиясы.

Ресурстармен қамтамасыз ету: суреттер, қала көрінісі, бейнефильм, монументтер суреттері.

Билингвальды компонент: Астана-столица, менің елім Қазақстан-Моя родина Казахстан.

Ұйымдастырылған оқу қызметінің барысы .

l. Ұйымдастырушылық кезеңіБалалар бүгінгі оқу қызыметін Қазақстан Республикасының әнұранын орындаудан бастаймыз.

Орнымыздан тұрайық.

Бәрі бірге әнге ілесе әнұранды айтады.

-Балалар біздің мемлекетіміз қалай аталады?

Балалар:Қазақстан Республикасы.

Еліміздің Президенті кім?

Балалар:Тоқаев Қасым Жомарт Кемелұлы.

Негізгі кезеңі- Балалар біздің бас қаламыз қай қала?

Балалар:Нұр-Сұлтан қаласы.

-Балалар Астанамыз өте әдемі,әсем,көрікті,қала.Астана қаласында көптеген ғимараттар монументтер бар.

Мынау»Ханшатыры»,»Пирамида»,»Тәуелсіздік»,»Ақорда»монументі.Мынау»Бәйтерек»

монументі.(суреттер көрсетіп таныстыру.)

Сөздік жұмыс:Тәуелсіздік моеументі.Бәйтерек монументі.Пирамида.Ақорда.

Енді балалар бейнефильмді көрейік.

-Балалар бейнефильмде не көрдіңдер?

Балалар: Нұр-Сұлтан қаласын көрдік.Бәйтерек монументін көрдік.Әдемі екен.

Балалар ,Бәйтерек монументі-Астананың нағыз символы.

Бәйтерек өте үлкен,ұзын темірлі құрылымдардан,керемет үлкен шардан тұрады.

Бәйтеректің биіктігі 105 метр.

Сергіту жаттығуы:

Бәйтерекке ұқсайық,

Қолды көкке созайық.

Самұрық болып ұшайық,

Ұямызға қонайық.Бірге өлең жолдарын айтып,қимыл жасайды.

-Балалар бүгін біз осы айтып өткен бәйтерек монументін салып үйренеміз.

Бәйтерек монументінің салу жолдарын түсіндіру.

-Бірінші қарандашпен саламыз,жоғарыдан төмен қарай сызықтар жүргізе отырып,сурет салу,жоғарысына дөңгелекті орналастыру.

Енді бәріміз жайғасып отырып,сурет салуға кірісейік.Мұқият тыңдап,қарап көріп сурет салады.

Балалар сурет салуға кіріседі.

Балалардың салған суретін қадағалап,қиындыққа кезіккен балаға көмек көрсету.

-Балалар жарайсыңдар сендер суретті өте жақсы салдыңдар.Салған суреттерің маған ұнады.

-Еңбектеніп суретті аяқтауға тырыстырып,тамаша жұмыс жасадыңдар.

-Балалар бүгін ненің суретін салдық?

Балалар:Бәйтерек мoнументі.

-Бәйтерек мoнументі қай қалада орналасқан?

Балалар:- Нұр-Сұлтан қаласында.

-Иә,Бәйтерек монументі Нұр-Сұлтанның символы.

Қорытынды:-Балалар бүгінгі оқу қызыметінің қай жері сендерге ұнады?Балалар:Өз ойларын жеткізеді.

-Балалар бүгінгі оқу қызметіне барлығыңда белсенділікпен қатыстыңдар.Жарайсыңдар.