Балабақша ұстазы қазақ тілін үйретуші маман туралы мақала

Балабақша ұстазы қазақ тілінің ғажайып әлемін ашушы маман»

Тіл – біздің рухани байлығымыздың қайнар бұлағы. Тіл – алтын қазына. Сондықтан тілді қорғау – ол біздің ұлттық мүддеміз. Қазіргі заманымызда тілді меңгерту ең маңызды мәселелердің бірі болып саналады. Біз көп ұлтты мемлекетпіз, сол себептен тілді меңгерту, мемлекеттік тілінде сөйлету оңай іс емес екендігі барлығына мәлім.

«Баланың ақыл-ой дамуын, қызығушылығын, қабілетін, бейімін білмей оны тәрбиелеуге болмайды», - деп В.А.Сухомлинский атап көрсеткендей, педагог өз білімін балалардың ерекшеліктерін, отбасының мәдени дәстүрін, құндылықтарын есепке ала отырып, әр баланың даму деңгейі негізінде өзін-өзі дұрыс бағалауын жетілдіруге көмектеседі.

Сонымен қатар өзге ұлт өкілдерінің балаларын қазақ тілін оқытып үйрету, білім берудің этнопсихологиялық мәселелері де ескеруліде. Мектеп жасына дейінгі балалардың сөзге қызығушылығы, сөйлеу үлгілері осы балалық шақтан басталады, сондықтан тілге деген қызығушылықтарын арттыру, тіл мәдениетін жетілдіру, қазақ тіліне тән дыбыстарды дұрыс айтуға жаттықтыру, жаңа сөдерді меңгерте отырып, сөздік қорларын байыту, байланыстырып сөйлеу дағдыларын дамыту – ең басты мақсат болып саналады.

Балалардың күнделікті сабақтарда алған білімдерін бекіту, сөздік қорларының белсенділігін арттыру, қазақ тілінің қолдану ортасын кеңейту, күнделікті қарым-қатынаста пайдалану – осы жолдар тіл меңгертудің ең маңызды бағыттары.

Осы бағыттар мектепке дейінгі білім беру мен оқытудың мемлекеттік стандартында да маңызды, - деп қарастырылған. Стандарт педагогикалық процессті ұйымдастыру ережесін береді, оның қатысушыларының рөлі мен орнын анықтайды, мектепке дейінгі тәрбиелеу мен оқыту жүйесінің отбасы және бірлестіктерімен қарым-қатынасын реттейді.

Осы тұрғыдан келгенде біз балабақшамызда балалардың байланыстырып сөйлеу тілін дамыту мақсатымен мектеп жасына дейінгі балаларды қазақ тілін үйрету үшін айналадағы дүниені, табиғатты бақылату, таныту арқылы сөз қорын жаңа сөздермен байыту, қойылған сұрақты дұрыс түсініп, дұрыс жауап беруге тартамыз. Заттың атын, сынын, сапасын, түр-түсін, пішінін, іс-әрекетін білдіретін сөздерді ары қарай басқа мамандармен бірігіп меңгертуге тырысамыз.

Грамматикалық тұрғыда жүйелі сөйлеуге, сөздерді байланыстырып, сөйлем құрастыруға әрдайым үйретіп отырамыз.

-Мынау не? Мынау кім? Қандай? Не істеді? Неше? Қайда? Кімге? деген сұрақтарға дұрыс жауап беруге дағдыландыру мақсатында өткізілген сабақта «Менің Отаным – Қазақстан», «Отбасы», «Көкөністер мен жемістер», «Киім және аяқ киім», «Үй жануарлары» және т.б. тақырыптарына қатысты барлық сөздер қолданылады. Күнделікті қарым-қатынаста пайдаланатын «Сәлеметсіз бе»,…