Балабақшадағы денсаулық сақтау және шынықтыру жоспары

Тақырыбы: « Балабақшада денсаулық сақтау шынықтыру шаралары»

«Денсаулық» білім беру саласының базалық мазмұны келесі ұйымдастырылған оқу қызметінде іске асырылады:

-дене шынықтыру;

«Денсаулық» білім беру саласын ұйымдастыру және өткізу- балалардың өмірін қорғауға, денсаулығын нығайтуға және негізгі қимыл түрлерін қалыптастыруға бағытталған.

Мақсаты:Денсаулық сақтау технологиясын қолданып, ойындар мен жаттығулар арқылы денешынықтыруға қызығушылықтарын қалыптастыру.

Міндеттері:

- дене сапаларын қалыптастыру;

- негізгі қимылдарды жетілдіру арқылы балалардың қимыл тәжірибелерін байыту;

- шығармашылық, танымдық және сөйлеу қабілеттерін дене шынықтырудың түрлі нысандарында дамыту;

- балалардың дене қалыптарының дұрыс дамуына, қимылдарының үйлесімділігіне, жалпақ табандылықтың аладын-алуға медициналық - педагогикалық бақылау жүргізу.

Дене шынықтыру

Бұрын үйретілген жаттығуларды қайталау, бекіту, қимыл біліктері мен дағдыларын жетілдіру.

Музыкалық-ырғақтық жаттығулар. Музыка ырғағына гирьмен түрлі қарқында қимылдар жасау. Өздеріне таныс дене жаттығуларын музыка әуенімен әсем де, ырғақты етіп орындау. Аяқты өкшеге кезектестіріп қойып, топылдату. Бір қырымен тізе бүге отырып жүру. Қарапайым музыка ырғағына сай қолды шапалақтау. Түзу бағытта шоқырақтап жүру. Жұптасып, шеңбер бойымен қозғалу.

Гимнастикалық қабырғаға арқасымен тіреліп тұрып, қолын белінің тұсына сай рейкадан ұстап, аяқты кезектестіре бүгу және тік көтеру. Алға еңкейіп, алақанын еденге тигізу, айқасқан қолдарын артына көтеру, екі жанына созылған қолдарын жоғары көтеру. Тізерлеп тұрып, алға еңкею, отыру.

Аяққа арналған жаттығулар. Аяқтың ұшымен тұру. Аяқтың ұшын жерден алмай, өкшені жоғары көтеріп-түсіру. 2–3 рет қатарынан жартылай отырып, тұру. Қолды алға созып, қолмен тізеге сүйеніп, қолмен тізені құшақтап және басты иіп жүрелеп жүру. Аяқты кезекпен алға және жан-жаққа қойып, отыру. Ұсақ заттарды аяқтың саусақтарымен қысып алып, орнын ауыстыру.Мысалы, жалаң аяқ жүру табан мен буындарды бекіту әдісі болыптабылғандықтан барлық жаттығуларды жалаң аяқ ұйымдастырған өте ұтымды болады.Ертеңгілік жаттығуда әртүрлі формаларды қолдану: тыныс алу жаттығулары. жалпақтабандылықтың алдын-алу жаттығулары

Топпен жарыстар ұйымдастыру ойын арқылы, олардың ережелеріне бағыну дағдыларын қалыптастыру.

Тыныс алу жаттығу.Біркелкі дем алу.Техника: Мұрын арқылы дем алып, қолымыздағы қарындаштағы дөнгелекке үру арқылы ішімізден дем шығарып, қайта қайта қайталаймыз . Осы темпты ұстанып, біраз уақыт жаттығу жасаймыз