Музыка оқу қызметіндегі денсаулық сақтау технологиясы

«Музыка оқу қызметінде денсаулық сақтау технологиясын қолдану»

Музыка жетекшісі: Абуева Гульжахан Әмиркешқызы

«Жұлдыз» бөбек жәй-бала бақшасы

Көксу ауданы, Балпық би ауылы

Бала болашағымыз десек, сол балаға жүйелі білім беріп, ынта-ықыласын дұрыс бағыттауды, қабілет-қасиеттерін дамытуды балабақшадан бастауымыз керек. Балабақшада жаңа педагогикалық технологияларды пайдаланудың басты мақсаты: оқыту мен тәрбиелеуде инновациялық технологиялардың элементтерін пайдалана отырып, жан-жақты, білімді, құзыретті тұлға тәрбиелеу.

Балалардың үлкен өмірге деген іргетасын біз қалаймыз. Яғни, балалардың болашақта тәрбиелі, мәдениетті болып өсуіне біздің қосар үлесіміз зор. Баланың ішкі жан дүниесінің бай, ой-өрісінің дамуы, асыл қасиеттерін, қабілетін дамытушы біз - музыка жетекшісі.

Музыка жетекшісі білім беру педагогі балалар шығармашылығы ұйымдастырылған оқу қызметінде өз бағыныштыларының денсаулығын сақтай ала ма? Сөзсіз, иә.

Музыка оқу қызметі баланың үйлесімді дамуының маңызды құрамдасы болып табылады. Ән айтуда музыкалық қабілеттіліктер кешені сәтті қалыптасады: музыкалық-есту түсініктері, музыкаға деген эмоционалды ықыластық, ритмді сезінуі, мақамдық сезімі. Ән айту ақыл-ой қабілеттерін белсендендіреді, балалардың эстетикалық әрі адамгершілік түсініктерін, ойын, зейінін, есту қабілетін, жадысын дамытады, өкпесін сауықтырады және бүкіл тыныс алу аппаратын нығайтады.

Денсаулық сақтау технологиясынан тұратын оқу қызметі деген қызығушылықты дамытып, оларды күнделікті білім беру үдерісіне енгізу және физикалық сауықтыру мақсатында балалардың машықтары мен дағдыларын нығайту аса маңызды.

Оқу қызметінде келесі денсаулық технология элементтерін қолданамын: музыка терапиясы, вокал терапиясы, шығармашылық терапиясы, логикалық терапиясы, күлкі терапиясы.

Музыка терапиясы – бұл музыканың адамның психологиялық күйіне тигізетін оңалтушы әсеріне негізделген психотерапевтік әдіс, бұл жерде музыка емдік құрал ретінде қолданылады. Ол балалардың өмірінде олардың психофизикалық денсаулығын түзетуге септігін тигізеді.

Вокал терапиясы-тыныстық және дыбыстық жаттығуларды дұрыс таңдау жүрек-қан тамырлары жүйесінің барынша сапалы қызметін қамтамасыз етеді, себебі диафрагмаға, қабырға аралық бұлшық еттерге, құрсақ тығыршығына көп күш түседі, осылар арқылы ішкі ағзаларға қалау жасалады.

Шығармашылық терапиясы-ән музыкасының сүйемелдеуі бойынша еркін қозғалу тәсілдері балалардың музыкалық-шығармашылық қабілеттерін дамытады. Адамдарды өнермен айналысуға ынталандыратын жағдай жасай отырып, осы басылып қалған шығармашылық қабілеттерді оятуға болады.