Балаларға түсетін ата-ана армандарының психологиялық салмағы

Балалардың иығына түсетін ең ауыр жүк – ата-анасының орындалмаған армандары

Қазақстандық режиссер Берік Жахановтың "60 кг" сериалы — спорт әлемінің шынайы бейнесін, жеңіс пен жеңілістің арасында қиындықтарды көрсететін туынды. Нұркен Өтеуілов, Айнұр Бермұхамбетова, Рауан Ахмедов, Аяна Әзілхан, Жанболат Қонысбек және Қуаныш Бейсағалиев сынды талантты актерлердің қатысуымен көрерменге ұсынылған бұл сериал спорт пен драма жанрында түсірілген.

Драма жанры арқылы адамның ішкі жан дүниесі мен өмірдегі күрес көрініс тапса, ал спорт жанры сол күрестің физикалық жағын, бәсекелестікті, еңбекқорлықты көрсетеді.

Дәл осы сериалды не үшін көру керек?

Бұл сериал мен үшін үлкен әсер қалдырды. Себебі, ол спортты, еңбекқорлықты және табандылықты ерекше дәріптейді.

Алдымен, актерлік құрамның керемет ойнағанын атап өткім келеді. Әрбір кейіпкер өз рөлін шебер орындап, көрерменді өзінің ішкі әлеміне тартып, шынайы сезімдерімен бөліседі. Әсіресе, басты кейіпкердің ішкі ойларымен күресуі көрсетілген. Оның жетістікке жетемін деген талпынысы мен адамдық қасиеттері көрерменге әсер етті.

Одан кейін, сериалдың спорт әлемінің әртүрлі жағын көрсетуі. Спорттың тек жеңіс пен жеңіліс ғана емес, оның артындағы қиындықтар, жаттығулар мен тынымсыз еңбек екені жақсы көрсетілген. Көрермендер бұл оқиғадан өзіне қажетті күш пен жігер ала алады.

Бұл спорттық драманы көру – өзіңізді шабыттандырудың, спорт пен өмірдің қиындығына төзуге деген сенім қалыптастырудың тамаша жолы. Егер сіз спортқа жақын болсаңыз, күш-жігер мен еңбекқорлықты бағалайтын болсаңыз, онда бұл сериалды міндетті түрде көруіңіз керек.

Басты рөлдегі актердің ойыны мен сомдаған бейнесі мені тереңнен әсер етті. Оның әрбір қимылы, эмоциясын жеткізуі өте табиғи әрі шынайы болды. Спорттық драманың жанрында бұл рөлді өте жақсы орындап шыққанын айта кету керек. Актердің дауысы, көзқарастары мен мимикасы арқылы кейіпкердің ішкі әлемін толығымен жеткізе алғаны сериалды одан әрі қызықты әрі тартымды етті. Жалпы, оның өнері мен қажырлы еңбегі сериалдың табысына үлкен үлес қосты.

Бұл туындыда әке мен бала арасындағы күрделі қарым-қатынас көрсетіледі.

Әкесі ұлының спортшы болуына қарсылық білдіріп, оның болашағын дәрігер ретінде көреді. Дидар болса, өзінің өміріндегі ең үлкен арманын жүзеге асыруға ұмтылады – ол

чемпион атану.

Дидарда екі таңдау болады.

Бірі әкесінің арманын орындау болса, ал екінші жағынан чемпион болу.

Дидардың басты мақсаты — халықаралық ареналарда танылып, өз елінің туын жоғары көтеру болды. Бірақ бұл жол оған оңайлыққа соқпасы анық.

• Басты кейіпкер – Дидар

Дидар – басты кейіпкер, грек-рим күресінде жетістікке жетуді армандайтын жас бала. Ол тек жеңіс үшін емес, өзінің арманын жүзеге асыру жолында күресуді қалайды.

• Дидардың әкесі – Марат