Балғабаева Айнаш туралы зерттеу жұмысы

Қазақстан Республикасы ғылым және білім министрлігі

М.Мәметова атындағы Қызылорда жоғары педагогикалық колледжі

Бағыты: «Ұлттық архив қорындағы Сыр өңірінің тарихы»

Секциясы: Еңбек озаттары-ел мақтанышы

Тақырыбы: Балғабаева Айнаш

Студент: Әбдібай Аружан. ШТ-Д-18к оқу тобының студенті

Жетекшісі: Алтаева Фатима. Тарих ғылымдарының магистрі

Қызылорда, 2018ж

Мазмұны

Кіріспе

І Тарау.

Балғабаева Айнаштың өмір жолы мен еңбек жолы

Айнаш туралы жазылған өлең-жырлар

Қорытынды.

Пайдаланылған әдебиеттер мен сілтемелер тізімі.

КІРІСПЕ

Тақырыптың өзектілігі: Ел Президенті «Сыр-Алаштың анасы» деп атаған киелі өңір мәңгі өшпес те өлмес тарихи және мәдени мұралардың көмбесі. Кезінде дәннен тау тұрғызып «Күріш фабрикасы» атанған «Мәдениет» ауылы – тер төгіп туған жерін түлеткен еңбек адамдары мен талантты тұлғалардың мекені десе болады. Жер-анамен сырласқан КСРО Жоғарғы Кеңесінің депутаты Айнаш Балғабаева осы «Мәдениеттің» киелі топырағында бақытын тапқан, абыройға бөленген жандар.Осындай жандардың өмірі мен өнегелі жолын жас буын ұрпақ үшін зерттеп, зерделеу тақырып өзектілігін арттыра түседі.

Ғылыми жоба тақырыбының зерттелуі, деректік негізі. Тамырын тереңнен тартқан тарихы бар облыс, оның даладай дархан мінезді, ер көңілді еңбеккер адамдары, соның ішінде Айнаш Балғабаева туралы зертеу жұмыстары жоқ десек те болады. Зерттеген ғылыми жобамның негізгі дерек көзі- мұрағат қорлары мен істеріндегі архивтік мәліметтер. Тақырыптың мақсаты, көздеген мұраты басқа зерттеу еңбектері ішіндегі біршама абзацтық, беттік мәліметтерден басқа көптеген еңбектерде бұл мәселеге аз көлемде тоқталып, жазылуына сәйкес ғылыми жоба жұмысының тұщымдылығы үшін интернет дәйектері мен деректеріне жүгіндік. Ғылыми жоба жұмысы мазмұнының жоспарға сай жүйелі қордаланып, мақсат- міндеттерінің тұжырымдар шығара отырып ашылуы, тақырыптың өз діттеген нысанасына қол жеткізуі үшін зерттеу еңбектері, баспасөз мәліметтері кең қолданысқа түсті.

Ғылыми жобаның мақсаты мен міндеттері. Бұл зерттеу жұмысының басты мақсаты – қарамағындағы егіс көлеміне сапалы тұқым сеуіп, тырмалау кестеге сәйкес суға бастыру, тыңайтқыш беру секілді сан түрлі жұмыстар агротехникалық талаптарға сай атқарған, еңбек пен тәжірибе нәтижесінде жыл сайын әр гектардан жоспарлы өнім алып, ел ырысы Сыр күрішін мол өндіруге үлесін қосқан Айнаш Балғабаеваның еңбек жолындағы өнегелі істерін насихаттау. Мәселен, 1980 жылы 35 гектар күріштің әр гектарынан 69,5, 1981 жылы әр гектардан 104,6, 1982 жылы әр гектардан 97,3, 1983 жылы әр гектардан 100,3 центнерден сапалы өнім алып, абырой биігінен көрінді. Ерен еңбегімен ел сенімін ақтаған даңғайыр дихан Айнаш Балғабаеваның еңбегін зерттеп, зерделеп тарихи айналымға енгізу.

Аталмыш мақсатқа жету жолында төмендегідей міндеттерді жан-жақты айқындау туындады:

- Сыр бойы, оның ұлы да ұлағатты адамдары туралы тарихи түгендеу жұмыстарын жасау,насихаттау:

- Өнегелі өмірімен, өрнекті тіршілігімен, қажырлы қайратымен, ұлтжанды мінезімен ел есінде мәңгі сақталған тұлғаның өмір жолы мен еңбек жолын зерделеу;

- - Қасиетті де киелі, Алаштың анасы атанған Сыр елі азаматшасының қадірін, жасалған еңбектің бағасын айқындау;

- Балғабаева Айнаш туралы зерттеуден алынған тұжырымдар мен қорытындыларды зерттеу жұмысының түйінінде дәйекті көрсете білу.

Диплом жұмысының зерттеу әдістері мен методологиясы. Зерттеудің методологиялық негізін қоғамдық ғылымдар саласында негізгі сүйенетін тарихилық қағидасы-мұрағат деректеріне сүйену басшылыққа алынды. Тарихилық принцип аясында феноменге назар аудару, фактілерге сүйену арқылы оқиға желісінің қалыптасуы, барысы, дамуы мәселелері қаралады. Обьективтілік, жүйелілік, топшылау, психоталдау, салыстыру, ғылымаралық әдіс алмастыру, логикалық, диалектикалық, талдау, зерттеушілер еңбегіне сүйену әдістері нәтижесінде осы еңбек зерделеніп, әрине ғылыми жобаны орындаушы өзім тарапымнан жеке тұжырымым, пікірім қабаттастырыла сомдалды.

Хронологиялық шеңбері.

Бұл зерттеу жұмысының хронологиялық шеңберін 1953-2003 жылдар құрайды.

Ғылыми жобаның негізгі жаңалығы.

Бұл тарихи зерттеу жұмысы өз кезегінде халық үшін еңбегін аямай, елім деп жастық күш-жігерін жұмсаған ұлыларымызды ұлағаттап отыру, өткенімізді саралап, келешегімізді бағамдай білу болып табылады.

Ғылыми жоба жұмысының қолданыстық маңызы. Ғылыми жоба жұмысының қолжазба нұсқасын, мұрағаттық мәлімет деректерін орта оқу орындарының студенттері реферат, баяндама осы тақырып төңірегінде әзірлесе бағыт алуға және орта оқу орындары мен мектеп оқушылары “Өлкетану” пәндері тапсырмаларына дайындық барысында қолдануға тұрарлық.

Ғылыми жоба жұмысының құрылымы. Жұмыс мәтінінің құрылымы кіріспеден, негізгі бөлімі мазмұндық І-ші ІІ-ші тараулардан, қорытындыдан, пайдаланылған әдебиеттер мен сілтемелер тізімінен тұрады.

Балғабаева Айнаштың өмір жолы