Бақша ағаштары шығармасына арналған сабақ жоспары

Екінші кіші «Айгөлек» тобы

Білім беру саласы: Қатынас.

Тақырыбы: «Бақша ағаштары». Ы.Алтынсарин.

Мақсаты: балалардың әңгімені тыңдауға деген қызығушылықтарын ояту және оның мазмұнын түсінуге, образға енуін қамтамасыз ету. Әңгімені әңгімелеуде балаларды байланыстырып сөйлеуге, өз ойын еркін жеткізуге баулу. Қазақтың тұңғыш педагогы Ы.Алтынсаринның шығармашылығы туралы түсінік беру. Балалардың көркемдік талғамын дамытып, оларды еңбексүйгіштікке, адал достыққа тәрбиелеу. Көру мүмкіндіктерін дамыту.

Сөздік жұмыс: педагог, бақша ағашы, тік-выше, қисық-криво, қамқорлық.

Қажетті материалдар: ертегіге қажетті персонаждар.

Ұйымдастырылған оқу қызметінің барысы:

1.Ұйымдастырушылық кезеңі

Балаларды шеңбер жасап тұрғызып, бір-біріне ертеңгілік жылы лебіздерін білдіру.

Армысың, асыл күн!

Армысың, асыл жер!

Армысың, көк аспан!

Армысың, жан досым!

Жылуыма жылу қос,

Міне, менің қолым!

2.Негізгі бөлім.

Балалар, бүгінгі оқу қызметінде біз әңгімемен танысамыз. «Бақша ағаштары»...!...

Әңгімені оқып беру..

Сұрақтар бойынша жұмыс:

Әңгіме не жайлы?

Әкесі мен баласы қайда барды?

Онда не көрді?

Баласы әкесінен не сұрады?

Неліктен бір ағаш тік болып өскен, ал екіншісі қисық біткен?

Ең соңы қалай аяқталады?

Сергіту сәті «Орнымыздан тұрайық». Көз жаттығуы: «оңға-солға»...(1-2 мин). Балалар әңгімені сахналайды. Тәрбиеші кейіпкерлерді бөліп береді. Тәрбиеші қиналып отырған балаларға көмектеседі.

Әңгіменің көрінісін сахналау.

Қорытынды.

Бүгінгі оқу іс-әрекетінде қандай әңгімемен таныстық?

Оқу іс-әрекеті сендерге ұнады ма?

Бәрің де жақсы қатыстыңдар. Рахмет.