Бар байлығым ұрпағым атты кездесу кешінің сценарийі

«Бар байлығым ұрпағым» кездесу кеші

Кештің мақсаты: Ананы құрметтеуге,сыйлай білуге, анасын сүю арқылы еліне,жеріне деген сүйіспеншілігін арттыра отырып,адамгершілікке,

ізгілікке,ананы қастерлей білуге тәрбиелеу.

Жүргізуші: Құрметті ұстаздар, аяулы аналар, көктем күніндей құлпырған қыздар! Сіздерді 8 - Наурыз халықаралық әйелдер мерекесімен құттықтаймын. Адам бойындағы барлық жақсы қасиет, күннің нұрынан, ананың сүтінен жаралған. Сондықтан құрметті аналар, қадірлі апайлар, қызғалдақ қыздар бүгінгі көктемгі күндей жарқырап, гүлдей құлпырған мерекелеріңіз құтты болсын!Осы мерекеге орай Ойыл ауылдық округінің «Аналар кеңесі» ұйымының ұйымдастыруымен өткізіліп отырған

«Бар байлығым ұрпағым» атты кездесу кешіне қош келдіңіздер!

Жүргізуші: Барша адамзат ең алдымен ана алдында парыздар. Ана парызы алтынға бөлеуді, ақ орда салуды қаламайды, ана баласының ер жетіп, адам болуын қалайды. Анаға осыдан артық тарту – таралғының керегі жоқ.Ана баласының ғана қамқоршысы емес, ол адамзат атаулының амандығын тілеп отыратын отбасының береке- бірлігін сақтайтын отбасы ұйытқысы. Олай болса бүгінгі мерекелік кештің қонақтарын сахна төріне шақыруға рұхсат етіңіздер.

Қазиева Лия

Айжарықова Звира

Сүлейменова Залеке

Жанқуатова Ақкенже

Қаленова Іңкаш

Жүргізуші: «Отан отбасынан басталады»,Отбасы қоғамның бір бөлшегі болса,отбасының алтын қазығы – әйел аналар. Бүгінгі шараның алғашқы сөз кезегін Ойыл ауылдық округі «Аналар кеңесі» ұйымының төрайымы Бердіғалиева Ұлмаш апайға береміз.

Жүргізуші:

Жан ана, құтықтаймын мерекеңмен,Көктемнің құлпыра бер нар гүлімен.Төрлесін елдің берген бақыт бағы,Жазбасын шат көңілің, ақ күніңмен!

Құрметті барша аналар мерекелік ән шашуымызды қабыл алыңыздар!

Ән шашу: «Ана туралы жыр» орындайтын Нұрхат Сәлменов

Жүргізуші: Ендігі сөз кезегін кешіміздің құрметті қонақтарына берсек: «Адамның бақыты балада» дегендей сол балаларымызды, бүгінгі ұрпақты әсем киіндіріп,оқуын оқытып,оның тәрбиесінен сырт қалып жатамыз. Звира апай сіз қалай ойлайсыз, жалпы осы пікірмен келісесіз бе?

Жүргізуші: Бала тәрбиесі қай заманда да, қай қоғамның болсын ойшылдары мен зерделі зиялыларын толғанысқа , үздіксіз ізденіске түсірген ізгі мұрат екені даусыз. Ата –ананың баласының бақытты болғанынан артық ештене жоқ. Лия апай ата- ана бақыты дегеніміз не және осы ата- ана бақытын бұзатын қандай жағдайлар деп ойлайсыз? Осы бағытта өз ойыңызды білдірсеңіз?