Бәрімізде бір мақсат психология бойынша материал

Тақырыбы: «ҰБТ-ға сеніммен барамыз!»

Мақсаты: Мектеп түлектерінің ҰБТ-ға дайындығын тексере отырып, қорқыныш пен іштей қинаған сезімдерден құтылуға, адал болуға психологиялық көмек көрсете отырып, бойларына сенімділік ұялату.

Тренингті сәлемдесу түрлерін көрсете отырып, өзімізді таныстырумен бастайық.

«Таныстыру» Тренингке қатысушы қасында өзінен кейінгі отырған оқушыға адами қасиеттерін айта отырып таныстыру жүргізіледі. (Мысалы: Айгүл, сәлем! Сен қандай аяулы, сүйкімді, ақкөңі, білімді қызсың)

Психолог сөзі: Құрметті оқушылар! Сендер үшін жаңа өмір басталғалы отыр – сендер үшін бір белес. Мұндай белестер өмір мектебінде көп болады. Осы алдағы белестерден сүрінбей өтулеріңе ата-ана да, ұстаздарың да тілектес. Сүрінбей өту үшін білімді, сенімді болуымыз керек. Қиындықтарға төтеп беретін психологиялық рухани күш керек. Сондықтан да біз бүгін сендермен осы тақырыпта психологиялық дайындықты күшейту үшін осында шақырып отырмыз. Сәттілік тілейміз!

1-жаттығу «Талдау»

«ҰБТ – бұл …»Сендер үшін не?

1. Мереке

2. Батыр қадам

3. Ауыр жұмыс

4. Күрес

5. Ештеңке емес

6. Болашақтағы тәуелсіздік т.б.

Енді осы ҰБТ сәттіліктеріне жету үшін бізге қандай факторлар керек деп ойлайсыңдар?

1. Білім деңгейі

2. Эмоциялық өзіңді ұстай білу

3. Қиындыққа төтеп беру

4. Сенімділік

5. Өзіңді ұстай білу т.б.

Жарайсыңдар! Олай болса балалар қазір біз сендермен жаттығуды жалғастырайық.

2. «Айна,айна мен қандаймын?» психологиялық портрет жасау.

Мақсаты: оқушылардың бір-біріне деген қарым-қатынасын айқындау.

Оқушылар жұп-жұпқа бөлініп,бірі айна,бірі айнаға қараушы адам ролін бөлісе отырып,жаттығуды орындады.Бір-біріне жақсы,жағымды сөздер айтып оқушылардың көңілдері көтерілді.

3. «Сиқырлы қорапша» жаттығуы

Оқушыларға аяқталмаған сөйлемдер жазылған үлестірмелер таратылады. Үлестірмелерге жауаптарын кезекпен айтады.

Ашығын айтқанда:

Шынын айтсам, болатын емтиханды (ҰБТ-ны) ойлағанда, …

Шынын айтсам, емтихан туралы менің ата-анам да уайымдап жүргені туралы ойлағанда мен …

Шынын айтсам, бұл емтихан туралы естіген кезде…

Шынын айтсам, мен қосымша сабаққа келген кезде …

Шынын айтсам, мен үйге келген кезде …

Шынын айтсам, мен қобалжып, уайымдаған кезде…

Шынын айтсам, осы тренингке қатысып отырған кезде…

Жарайды балалар, сендердің ойларыңды білдік.

Негізгі ереже!!!