Баскетболда допты алып жүру он бірінші сыныпқа ашық сабақ

Күні: 22.10.2018жыл

Дайындаған: Сахымов Батыржан

Сыныбы: 10 «Б» ұлдар

Сабақтың тақырыбы: Баскетбол.Допты алып жүру, допты қабылдау.

Сабақтың мақсаты: 1. Допты алып жүру техникасын үйрету.

2. Икемділікті, жылдамдықты дамыту.

3. Оқушыларды ұйымшылдыққа тәрбиелеу.

Құрал жабдықтар: Баскетбол добы, ысқырық және секундомер.

Сабақтың барысы

Уақыты

Әдістемелік нұсқаулар, ескертулер.

Дайындық бөлімі

Сапқа тұру,кезекшіден мәлімдеме алу, сәлемдесу.

Қозғалмалы бой жазу жаттығулары

Қолды жоғары ұстап аяқ ұшымен жүру. Екі қол белде өкшемен жүру.Екі қол белде аяқтың ішкі және сыртқы қырымен жүру.Бір қалыпты жеңіл жүгіру.Оң және сол бүйірмен жүгіру. Алға қарай созылған қол алақанына екі тізені, қол алақанына аяқтың ішкі, сыртқы қырын тигізе жүгіру.Өкшені артқа көтеріп,екі алақанға тигізе жүгіру.

Саптағы бой жазу жаттығулары

Саппен келіп бірнеше қатарға тұру. Қол белде, басты оңға және солға айналдыру.Қолды иыққа ұстап, шынтақты алға және артқа айналдыру. Бір қолды белге ұстап, екінші қолды жоғары көтеріп, оңға және солға кезекпен иілу.Қолды алға созып ұстап тұрған бастапқы қалыпта екі аяқты кезекпен жоғары көтеру.Екі қолды екі тізеге ұстап, тізені ішке және сыртқа айналдыру.

10 -минут

Спорттық киімдеріне мән беру. Тік тұру, бұйрық бойынша бірдей бұрылу, ара қашықтықты сақтау, денені тік ұстау. Оқушыларды тексеру,дене киімін қарау Ара қашықтықты сақтауын. Жаттығулардың толық, дұрыс орындалуын қадағалау.Басты толық айналдыруды, қол иық үстінде тұруын ,қолды кезек алмастыруын, аяқты толық көтеруін,қол тізе үстінде тұруын қадағалау

Негізгі бөлім

Жаңа сабақ барысымен таныстырып өту: Оқушыларды сапқа тұрғызып допты алып жүру әдістерін үйрету. Допты оң қолмен және сол қолмен алып жүру. Допты екі қолмен кезек-кезек алып жүру. Допты алып жүре келе, екі адым аттап бір қолмен торға лақтыру. Оқушылар дамыту жаттығуларына допты дұрыс алып жүруін, бір-біріне соғылып қалмауын және жаттығуларды дұрыс орындауын қадағалау керек. Екі жақты баскетбол ойынын ойнату.

25минут

Қауіпсіздік ережесін сақтау.

Қорытынды бөлім

Оқушыларды сапқа тұрғызып.Терең тыныс алу, жаттығулар жасату.

Сабақты қорытындылау және бағалау.

Үйге тапсырма. Денені көтеру, жүгіру,

секіру және дене жаттығулары.

5минут

Көрсеткіштерді , жетістіктерді ,кемшіліктерін айту. Саппен барып киіну.