Бастауыш сыныпта сөйлеу дағдыларын дамыту жолдары

Тақырыбы: Ағылшын тілін оқыту үдерісінде бастауыш сынып оқушыларының сөйлеу дағдыларын дамыту

Қазіргі жаһандану заманында көп тілді меңгерген адамның қоғамдағы алар орны да ерекше. Өзге тілді үйрену, оны жетік меңгеру - бұл ең алдымен ұлтаралық қатынастар кезінде маңызды рөл атқаратыны баршамызға белгілі. Тіл – халықпен бірге өмір сүріп, дамиды. Үш тілді меңгеру жарқын болашақтың кепілі десек, артық айтқанымыз емес. Бүгінде еліміздегі қоғам көпұлттық, көптілділік және көпмәдинеттілік жағдайда.

Орта мектептерде оқу-тәрбие жұмысын нәтижелі іске асыру педагогикалық оқу орындарында білім алып жатқан болашақ жас мамандардың білім, білік және дағды сапаларының дайындық дәрежесіне толыққанды байланысты екендігі өздігімен түсінікті. Орта мектептерде аса маңызды міндетті шешуде дидактиканың атқаратын қызметі айрықша.

Орта мектептерде шетел тілін ерте жастан оқытудағы негізгі міндет – балалардың машықтануын, сонымен қатар олардың шығармашылық қабілеттерін, ізденістерін дамыту. Осы мақсатқа жету барысында білімнің қандай да бір саласында бар қорытындыға және олардың негізінде жаңа жобаларды жасауға байланысты шығармашылық сипаттағы жұмыстардың сан алуан түрлері қолданылады.

Шетел тілін 5-8 жас аралығында меңгеру оңай екені ешқандай күмән туғызбайды, себебі бұл кезеңде балалар материалды оңай әрі берік меңгереді және айтып беру қабілеті де жоғары.

8-10 жас аралығындағы балалар шетел тілін жанама және санадан тыс қабылдайды. Төменгі сынып оқушыларында ұзақ уақыт есте сақтау қабілеті жақсы дамыған. 2-4 сынып оқушыларын алдағы оқу кезеңінде ынталандырушы құрал – сәттілік сезімі болып табылады. 11 жастан жоғары балаларды бұл тұрғыда көптеген мәселелер туындайды, шетел тілін меңгеруге ынтаның жоқтығы, ана тілінің әсері және т.б. Шетел тілі пәнінің мұғалімі өзге мәдениет өкілі, мінез-құлық үлгілерінің, сонымен қатар жаңа білім түрлерінің таратушысы және тасымалдаушысы. Бұл кезеңде мұғалімнің адамгершілік және әлеуметтік, кәсіпкерлік кескіні, «мұғалім- оқушы», «оқушы – мұғалім», «оқушы- оқушы» қарым-қатынасын реттеу қабілеті маңызды.

Мұғалім оқушыларға үлгі болып қалуы үшін сабақтағы табысты жағдаятта тәрбиелеу, бірге қызмет істеу және онда жайлы жағдайларды туғызу, баланың психологиялық және физиологиялық ерекшеліктерін анықтау,

баланың оқу үдерісіндегі жеке траекториясын құру қажет. Бұл баланың пәнді меңгеруге деген қызығушылығын сақтауға ықпал етеді.

Бастауыш сынып оқушылары үшін тіл – білім алудың көзі болып саналады. Сондықтан да ата-аналар мен мұғалімдер баланың тілін дамытуың маңызын түсінуі тиіс. Осы ретте Білім және ғылым министрлігінің ағылшын тілін бастауыш сыныптан бастап үйретуге назар аударуы – дұрыс талап.

Бастауыш сынып оқушылары меңгеру қажет дағдылар.

Топпен және жеке жұмыс істеу дағдылары.

Бастауыш білім берудің базалық мазмұны мынадай бағдарларды ескере отырып айқындалады:

1) заманауи қоғамның динамикалық сұраныстарына сәйкес болуы;

2) сын тұрғысынан, шығармашыл және позитивті ойлауды дамыту қажеттілігі;

3) оқу пәндері мазмұнының ықпалдасуын күшейте түсудің орындылығы;

4) оқытудың, тәрбие мен дамытудың біртұтастығын қамтамасыз ету.

Бастауыш сынып оқушыларының ағылшын тілін оқыту үдерісінде сөйлеу дағдыларын дамыту жолдарын анықтау және оларды тәжірибелік тұрғыда тексеру.Егер ерте жастан шетел тілін оқытуда сөйлеу дағдыларын жүйелі түрде дамытса, онда оқу үдерісінің тиімділігі арта түседі, өйткені үздіксіз шетел тілінде білім беру жүйесі нәтижелі болып, оқытушы мен оқушылар меңгерген өз білімінің деңгейін нақты көре алатын болады.

- «ерте жастан шетел тілін оқыту», «үздіксіз шетел тілдік білім беру», «сөйлеу дағдылары» ұғымдарын нақтылау және негізгі қызметтерін қарастыру;

- шетел тілін ерте жастан оқытудың шетелдік және отандық тәжірибесін саралау;

- бастауыш сыныпта ерте жастан шетел тілін оқытудың психологиялық - педагогикалық ерекшеліктерін анықтау;