Бастауыш сыныптағы геометрия бойынша 4-сынып авторлық бағдарлама

Алматы облысы

Балқаш ауданы

«Н.Бозжанов атындағы орта мектебі шағын орталығымен» мемлекеттік мекемесі

Авторлық бағдарлама

«Бастауыш сыныптардағы геометрия»

Құрастырған: Султанова Г.А.

Түсінік хат

Бұл бағдарлама математика курсының бір бөлігі болып табылатын геометрия бойынша 1-4 сыныптардағы бұрынғы қолданыстағы, бірақ кеңейтілген және тереңдетілген геометриялық түсініктерді қарастырады. Сабақтарда баланың танымдылық деңгейіне бағытталған, қорытындысында қоршаған ортадағы объектілерді салыстыра, негізгі түсініктер мен терминдер, анықтамалар қарастырылады. Материал баланың танымдылық қабілетін арттыратын қызық ойын түрінде берілуі тиіс. Бастауыш сыныптарда геометрияны оқытудың басты міндеті – мектептің орта және жоғарғы буындарында геометрияны үйренудің базасын дайындау болып табылады.

Балаларды тек ұзындықпен, ауданмен және көлеммен ғана таныстырып қоймай, оларды тек сызғышпен ғана пайдалануға үйретпей, циркульмен де үйрету керек. Сонымен қатар, бұрыштарды салуға және өлшеуге траспортирді пайдалануды үйрету қажет. Оқу жылында аптасына мақсатты түрде 1 сағат өткізу жоспарланды.

Осы аталған курс бойынша өткізілетін сабақтар тек геометриялық материалдарды ғана емес, конструкторлы-тәжірибелік тапсырмалар негізіндегі тақырыптарды да қамтиды.

Сабақты өткізу әдістемесінде бастауыш сынып оқушыларының мүмкіншіліктері мен жас ерекшеліктері есепке алынды. Материалдың бөлімдері ертегі, әңгіме, жұмбақ, ойын, мұғалім және оқушы немесе оқушы және мұғалім түріндегі диалог сияқты танымдық формада берілген.

Оқушылардың жаңа геометриялық ,яғни, нүкте, сызық, тік сызық, қисық сызық, жабық және т.б. формалармен таныстырғанда балалардың осы жасына сай келетін түсінікті өлең шумағы қолданылады. Тақтада соған лайықты айтылған «Нүкте, нүкте, үтір, бейнесімен бейнеленген, суреттелген сол геометриялық фигуралар қайтадан анықталады. Бұған көптеген мысалдар келтіруге болады. Арнайы курсты 2 сыныптан бастаған жөн.

Оқытудың бірінші жылы өзіне мынадай мақсат қояды – қатысушыларда «нүкте», «сызық», «кесінді», «сәуле», «бұрыштар», «үш бұрыш», «төрт бұрыш» сияқты негізгі ұғымдарды қалыптастыру, оларды салыстыру, талдау, қарындаш пен сызғышты пайдалануды үйрету.

Оқытудың екінші жылы оқушылардың алдыңғы алған білімдерін толықтырып, кеңейтуді мақсат тұтады. Бағдарламада әріптік белгілермен таныстыру, геометриялық тапсырмаларды шығарудағы формулаларды қолдана білу, циркуль мен транспортирді пайдалана білуді үйрету қарастырылған.

Оқытудың үшінші жылы оқушыларға биіктік, медиана, биссектриса деген ұғымдарды үйретуді, геометриялық фигуралардың аудандарын анықтауды, формулаларды қолдана білуді, геометриялық фигуралармен таныстыруды мақсат етеді.

Негізгі ұғымдарды қалыптастыру:

Нүкте. Сызық. Жалпы ұғым. Тік сызық. Сәуле. Кесінді. Кесіндінің ұзындығы. Танысып қойыңдар – сызғыш. Кесінділердің ұзындықтарын салыстыру (жайып тастау, көз мөлшер, өлшеу). Қисық сызық. Ұқсастық және айырмашылық..

Бұрыштар.

Сәуле. Бұрыш. Бұрыштың басы. Тегістік. Перпендикуляр. Тік бұрыш. Бұрыштық. Тік, сүйір, доғал бұрыштар. Толық бұрыш. Бұрыштың түрлері (салыстыру, бұрыштарды салу).

Үш бұрыштар.

Үшбұрыштар. Төбелері. Бұрыштары. Тік бұрышты үшбұрыш. Үш бұрышты үшбұрыш. Сүйір бұрышты үш бұрыш. Үш бұрыштарды салыстыру. Көптеген үшбұрыштардың ішінен аталған үшбұрышты табу. Үшбұрыштарды салу. Үшбұрыштардан басқа геометриялық фигураларды салу.

Төртбұрыштар.

Төртбұрыштар. Шыңдары. Бұрыштары. Диагоналдары. Квадрат. Квадраттарды және олардың диагоналдарын сызықтық және сызықтық емес қағаздарда салу. Төртбұрыштардың түрі. Ұқсастық және айырмашылық.

Оқушылардың білімдеріне, қабілеттері мен дағдыларына қойылатын талаптар: