Бастауышпен қоштасу мерекелік кеші 4 сынып

Тақырыбы: Бастауышым-балбұлағым

Мақсаты:1.Оқушылардың бастауыш білім сатысынан орта буынға өтетін кезеңін есте қаларлықтай өткізуге жағдай жасау.2. Білімнің сара жолы мектептен басталатынын, білімнің өмірге есік ашатынын сезіндіру, өнер-білімдерін ортаға салу

3. Ұстазға, ата-анаға, мектепке, бір-біріне деген құрметке тәрбиелеу.Көрнекілігі: Шарлар,гүлдер,нақыл сөздер жазылған плакаттар, «Шуағын төккен 4 жыл»фотошоу, «Достық әзілдер», «Бақытты балалық шақ» газеттері.

Барысы:Мұғалім:-Бүгін міне,жақсы күн жарқыраған

Көңілдер қуаныштан сарқыраған

Қоштасатын күн келді бастауышпен

Қиындау болып тұр-ау бүгін маған

Кеше ғана алдыма келген еді

Именіп ұлы ұяға енген еді

4 жыл бойы сусындап бастауышпен

Ұшатын қанат қағып келді кезі

Кеше ғана тұлымдары желбіреп,жүректері лүпілдеп мектеп табалдырығын қуана да,жасқана аттаған шәкірттерім ойлары толып,бойлары өсіп,бастауыш сатысымен қоштасқалы отыр.Олай болса 4 «в» сыныбының «Бастауышым-балбұлағым» атты бастауышпен қоштасу салтанатына қош келдіңіздер!

Бұл салтанат қуаныш баршамызға

Мұндай күй болған сірә қаншаңызда

Қол соғып қошеметтеп шақырайық

Гүл жайнаған шәкірттерді ортамызға

(музыка әуенімен бастауыш сынып түлектері ортаға келеді)-Сіздердің алдарыңызда тұрған 4 - сынып оқушылары осыдан 4 жыл бұрын 6 жасар бала болса, бүгін міне, ес біліп, етек жиған шәкірт. Міне, бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр. Ендеше қызықты да ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата - аналарына өз өнерлерін көрсетуге дайын. Олай болса оқушыларыма сөз кезегін берейін.

1-жүргізуші: Ассалаумағаликум,әкелер мен аталар!

2-жүргізуші: Армысыздар,құрметті ата-аналар,ұстаздар мен қонақтар!

3-жүргізуші: Тамырын тереңге жайған,тағылымы мен тәрбиенің алтын бесігі,білім мен ғылымның ақ ордасы,Тәуелсіз Қазақстанның білімді де,білікті ұрпағын тәрбиелеуде жол бастаған

4-жүргізуші: Білім ордасы Нұн Жұбаев атындағы орта мектепке

ХОР: Қош келдіңіздер!

1-жүргізуші :4 «В»сынып оқушыларының « Бастауышым-балбұлағым » атты ертеңгілігімізді бастауға

ХОР: Рұқсат етіңіздер!

2-жүргізуші:Біз бүгін 4 жол бойы білім нәрімен сусындатқан

3-жүргізуші:Мектеп,мұғалім,ұстаз,дәптер,қалам деген ұғымдармен таныстырған

4-жүргізуші:Әліппені ең алғаш қолымызға ұстатқан

1-жүргізуші:Оқуға,жазуға үйреткен

2-жүргізуші;Ардақты ,аяулы ұстазымызбен

3-жүргізуші:Білім негізін қалаған бастауыш сыныбымызбен

ХОР: Қоштасқалы отырмыз

1-жүргізуші: Қош бол, құтты Бастауыш! Алғыстарым көп менің.

Ақыл - білім, тәрбиең, Ой-санама еккенің.

2-жүргізуші;Бүгінгі күн қоштасады бастауышпен балбұлақ

Әні менен жырына,тарландарым сал құлақ

Кеше сәби бүгін міне жас ұлан

Лаулап жансын болашағың шамшырақ

3-жүргізуші:Мектеп! Қандай тамаша сөз.Осы бір сөзде терең ұғым жатыр емес пе?Алғаш мектеп табалдырығын аттаған күн,әр бала үшін мереке.Осы күннен бастап өзіңді бір әлемге тап болғандай сезінесің.

4-жүргізуші:Мектеп деген –білім кені,жыр кені

Мектеп деген-ғылымның ең үлкені

Мектеп деген-тәрбиеші адамға

Мектеп деген-даналардың мекені-дей келе «Мектебім-көктемім»бөліміне кезек береміз.

Ғалия: Мектебім-білім берер алтын ұям

Ер жетіп сенде сөзім,артты санам

Баулыған 4 жыл бойы ата-анамдай

Әрқашан қасиетті атың маған.

Арада өтсе-дағы дүркіреп жыл

Әр күні балалықтай бір жүрек бұл

Өзіңе борыштармын өмір бойы

Есейген шәкіртіңнің серті деп біл.

Рамазан: Армысың сен алтын ұя мектебім,

Саған айтар жыр алғысым көп менің

Жүректерге жаққан білім шырағын

Мақтан етем сені мәңгі мектебім.

Ұлылықты ардақ тұтар үнемі

Алтын ұя,ақ босаға киелі

Қанат қаққан білім алып өзіңнен

Күллі шәкірт саған басын иеді.

Альбина:Мектеп-кеме,білім-теңіз

Барар жерге тез жетеміз

Төрт жыл алған білім нәрін

Азық етіп ер жетеміз.

Мектеп,мектеп-менің жарқын көңілім

Мектеп,мектеп –шаттық толы көңілім

Мектеп,мектеп-әнім болып төгілдің

Мектеп,мектеп-анам боп та көріндің.

Әнуар: Мектеп- сенсің адалдықты үйреткен

Мектеп -сенсің жамандықты күйреткен

Мектеп –сенсің жақсылықты ұран қып,

Мектеп –сенсің мені жұртқа сыйлы еткен.

Мектебім-сүйікті мектебім

Бауырыңда түлеймін,көктеймін.

Сен-бұлақ,мен-қайың бүр ашқан

Өзіңнен нәр алып көктедім.

1-жүргізуші:Міне,балалар, өзіміздің алтын ұя мектебімізге деген алғысымыз шексіз.

2-жүргізуші:Дұрыс айтасың. Бұл мектептен қаншама адам тәлім алған десеңізші.

3-жүргізуші: Менің атам да,әжем де,әкем де , анам да,енді мен де мектептен тәлім алудамын.

4-жүргізуші: Ендеше келесі кезекті «Мектебім» әнін бірге шырқайық.

ХОР: «Мектебім»

1-жүргізуші: Ұлдар мен қыздардың орындауында Вальс биі

1-жүргізуші: Иә,осыдан 4 жыл бұрын ,біз 6 жастағы сәби –балалар сөмкемізді зорға көтеріп,мектеп табалдырығынан жасқана аттаған едік.

2-жүргізуші: Енді,міне сауатымызды ашып,білім негізін қалаған бастауышпен қоштасып,орта буын қатарына қосылғалы тұрмыз.

3-жүргізуші:Иә, сағымдай өте шыққан 4 жыл ішінде бізді ұстаз анамыз-сауатты,тәрбиелі,өнегелі азамат етіп шығарды.

4-жүргізуші: Олай болса,экраннан осы жылдар ішіндегі қызықты сәттерді «Шуағын төккен 4 жыл» фотомонтажын тамашалайық.

«Шуағын төккен 4 жыл» фотомонтажын экраннан көрсету

2-жүргізуші: Осы шуақты сәттерді қимастықпен еске ала отырып,Фатиманың орындауында «Көктем келді» әнін бірге тыңдайық

1-жүргізуші: Ең алғашқы мектепке келгеніміз есіңде ме?

2-жүргізуші: Әрине,есімде.Жатырқап,жылап,анамыздан қалмай,үйге кетем деп,сыныпты басымызға көтеретінбіз.

3-жүргізуші; Ендеше бастауыш сыныбымыз туралы неге айтпасқа

4-жүргізуші: Сөз кезегін сыныптастарымызға берейік.

5-оқушы: Әр үйдің ерке өскен тентегі едік.

Ақылға келе алмадық ерте көніп

Бойымыз бірте-бірте үйренісіп,

Мектептің ережесін үйрендік біз

Жасқана кіріп жарық сыныпқа біз

Әр бетін Әліппенің күліп аштық.

Мұғалім сабақ өтіп жатқан кезде

Қайталап атымызды сұрасқанбыз.

6-оқушы:Бірдей біздің ойымыз да,сырымыз

Бір сыныптың ұлы мене қызымыз

Бірдей өстік оқуда да,еңбекте

Күліп,ойнап біріміз бен біріміз.

Бастауышта шырқалмаған жыр бар ма?

Бастауышта айтылмаған сыр бар ма?

Бастауышта алған білім,жырларым

Азық болар мәңгі талай жылдарға.

3-жүргізуші: «Бала тілегі» әнімен ортаға Аружанды шақырамыз.

1-жүргізуші:Арай берген көңілге Өнегесі жалғасты

Орны бөлек өмірде Ұстазым бар алғашқы

2-жүргізуші:Ұстазым,ұлағатым,сая бағым Шәкіртті өз балаңдай аяладың

3-жүргізуші:Қолымызға алғаш қалам ұстатқызған

Нәзира апай қашанда қымбат бізге

4-жүргізуші:Келіңіз ортамызға шақырамыз Естеліктер айтыңыз өткен күннен

1-жүргізуші:Дайындық сыныбында білім берген Нәзира апйымызға сөз береміз.

1-жүргізуші: «Ұстаздық еткен жалықпас,үйретуден балаға»,деп Абай атамыз айтқандай,алғаш қолымызға қалам ұстатып,оңымыз бен солымызды танытқан ,бізбен бірге қуанып,42 әріпті танытып,білім нәрімен сусындатқан –ұстаз екені мәлім.

2-жүргізуші: Әр шәкіртін өз баласынан кем көрмей оқуға,жазуға үйреткен ұстаз еңбегі шексіз. «Мұғалім-мектептің жүрегі» деп Ыбырай атамыз бекер айтпаған.

3-жүргізуші:Дұрыс айтасың,ғылым иесі ғалым да,ел қорғаған батыр да,тілінен бал тамған ақын да,темір балқытқан жұмысшы да,көкті шарлаған ғарышкер де бәрі-бәрі ұстаздан білім мен тәрбие алған.

4-жүргізуші:Иә,бұл туралы батыр атамыз Бауыржан Момышұлы: «Болашақтың басшысын да,данасын да,ғалымын да,еңбекқор егіншісін де ұстаз өсіреді» -деген екен.Олай болса,келесі жырларымызды ұстаздарымызға арнаймыз.

Ақырыс:Байсалды мінезіңнен бір қалыпты

Менің де көкейімде із қалыпты

Қоссаңдар бірді екіге үш болады

Деуші едің біліммен күш толады.