Бастауышпен қоштасу, сценарий

«Бастауышым – бастамам, Білім жолын бастаған»

(Бастауыш сыныппен қоштасу кешінің, сценарийі)

Мақсаты:

А. Білімнің сара жолы бастауыштан басталатынын, бастауышта алған білімнің негіз болып қаланатынына көз жеткізу.

Б.Бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру,әр баланың ерекшелігін таныта отырып, сәт – сапар тілеу.

В.Білім берер ордасы- мектепті, ұстаздарын құрметтеп, білімге деген құштарлығын арттыру.

І Ұйымдастыру кезеңі: (музыка ойналып тұрады) мектеп туралы

ІІ Кіріспе сөз.

Мұғалім: Құрметті ата – аналар, ұстаздар, оқушылар, қонақтар! Сіздер «Аттандық бала шақтан болашаққа!» атты бастауышпен қоштасу тойына жиналып отырсыздар. Қадамдарыңыз құтты болсын! Балаларыңыз осыдан төрт жыл бұрын мектеп табалдырығын жүрексіне аттаған кіп –кішкене балдырған еді. Енді бойлары да, ойлары да өсіп, бастауышта білім алып, аяқтап, орта буынға өткелі тұр. Талаптарына нұр жаусын деп мерекемізді бастауға рұқсат етіңіздер!

Толқимыз, толқып тұрсыз баршаңыз да,

Мұндай күй болған, сірә, қаншаңызда.

Қол соғып қошаметпен шақыралық,

Төртінші «Ә» сыныбын ортамызға.

1. Ең салмақты – Саден Айсара

2. Ең шапшаң – Аманғазы Батыржан

3.Ең сабырлы – Маратова Каусар

4. Ең салмақты- Қайратұлы Жамбыл

5.Ең ақылды – Омарғазыев Диас

6.Ең ұқыпты- Бажау Аяла

7. Ең тиянақты – Рахметолла Алтынай

8. Ең еңбекқор – Советқали Ержан

9. Ең ерке- Ерланқызы Гүлім

10.Ең еңбекқор- Жылқыайдар Али

11.Ең ақкөңіл – Бауыржан Азиз

12.Ең орнықты- Дәлелхан Абзал

13. Ең ұқыпты – Амиралыева Эльвира

14. Ең көңілді – Хасенова Каусар

15. Ең жігерлі – Адилхан Тайр

16.Ең сыпайы- Адилхан Эмир

17.Ең ақжарқын – Маратова Елназ

(Асылбек Еңсепов «Детство» музыка әуенімен бастауыш сынып түлектері ортаға келеді.)

1-жүргізуші:

Бастауышым – балғын шағым, тұмарым

Басылмады саған әлі құмарым

Кіп-кішкентай, тарыдай боп кіріп,

Бүгін міне таудай болып шығамыз.

Құрметті ұстаздар, қымбатты ата-аналар! Бүгін біз үшін ерекше күн. Себебі, бүгін білімнің бастауы болған бастауыш сыныбымызбен қоштасқалы отырмыз.

2-жүргізуші: Ал, олай болса 4 А сыныбының қимастық пен қуанышқа толы «Бастауышым-бастамам, Білім жолын бастаған» атты кешімізге қош келдіңіздер!

1-оқушы: құрметті қонақтар біз жайлы жақынырақ білгілеріңіз келе ме? ендеше өзіміз жайлы біраз мағлұматтар айтып өтсек артық болмас деп ойлаймыз.

2-оқушы:1 сыныпқа 2020 жылы 1 қыркүйекте қабылдандық.

3-оқушы: 4 сыныпты 17 бала бітіргелі отыр, олардың 9 ы ұл, 8 і қыз.

4-оқушы : Бәріміздің бойымызды қосқанда 24 метр 31 сантиметрге жетеді.

5-оқушы : Бәріміздің салмағымызды қосқанда 625 килограммға жетеді.

6-оқушы: 4жыл еңбектендік. -Ал ол дегеніміз –

7-оқушы: 2 904 сабақ - 102 сынып сағаты.

8 оқушы: 4 жылда 6600 қоңырау соғылды.

9 оқушы: 2 433 шулы, көңілді үзілістер

10-оқушы: 6560 дәптер жазып тастаппыз

11-оқушы:үй тапсырмасын орындауға кеткен уақытты есептемегенде 1836 сағатымыз партада отырумен өтіпті.

12 оқушы: жүздеген ережелер жатталып, жүздеген есептер мен мыңдаған мысалдар шешілді.

13 оқушы: тау-тау оқылған кітап беттерін айтсаңыздаршы.

14 оқушы: көптеген сайыстар, спорттық сайыстарға қатысып қоржынымыз алғыс хаттарға толықты.

15 оқушы: қаншама қызықты естеліктер қалды. реніштер мен қуаныштар,қызықты оқиғалар.

16 оқушы: біздің сынып оқушылары көңілді, сынып оқушылары шетінен өнерлі.

17 оқушы: ал,ендеше бүгін өнерімізді тамашалаңыздар.

1-жүргізуші: Ән: «Болашағы біз елдің»

Эльвира: Армысыздар, мұғалімдер - әз жандар

Білім іздеп инемен құдық қазғандар.

Құшақ жая қарсы аламыз сіздерді

Би билеп, ән де бүгін шырқалар.

Азиз: Армысыздар, әжелер мен аналар,

Ұрпағыңыз күнде өзіңнен бата алар. Ел дәстүрін мәңгі сыйлап оқы деп,

Үйреткен ғой Абай, Ыбырай бабалар.

Али : Армысыздар өр тұлғалы әкелер, Қыран құстай балапанын мәпелер. Бүгін міне бастауышпен қоштасады,

Азамат боп, кешегі сәби-еркелер.

1-жүргізуші: - Бүгін біз сауатымызды ашып, білім, негізін қалаған бастауыш мектебімізбен , алғашқы қолымызға қалам ұстатып, оңымыз бен солымызды танытқан ұстаздарымызбен қоштасқалы отырмыз. Ендеше алғашқы тартуларымыз алтын ұя мектебімізге арналады.

2-жүргізуші: Ендігі кезекте «Менің Қазақстаным» атты флешмобты тамашалаңыздар!

1-жүргізуші : Адам өміріндегі ең қымбат жанның бірі – ұстаз екен. Өйткені шәкіртінің көкірек көзін ашып, дүниетанымын кеңейтіп, қиялға қанат қақтырады.

2-жүргізуші : Дұрыс айтасың, Айсара

Ұстаз еңбегі - ұлы еңбек.

Сондықтан да ұлы ақын Абайдың:

Ақырын жүріп анық бас,

Еңбегің кетпес далаға

Ұстаздық еткен жалықпас

Үйретуден балаға, - деп айтуында терең ой жатыр.

1-жүргізуші : Олай болса келесі өлең жолдарын ұстаздарымызға арнаймыз.

Ұжымды бастап жүретін,Директоры мектептің.Қыр-сырын нақты білетін,Директор бұл мектептің.

Мектебіміздің директоры Халит Абляйсовичке мың алғыс.

2-жүргізуші: Құжаттар үшін жауап береді,

Әр сынып туралы бәрін біледі,

Олар оқу менен тәрбиені басқарады,

Барлық сыныптар бақыланады