Бауыржан Момышұлы туралы өлең және әңгіме

Бауыржан Момышұлына арнау

Ассалаумағалейкүм, батыр бабам,

Еске алады әр ұрпақ, қызың, балаң.

Сонау қиын, қиямет замандарды,

Өткерген сәлем айтты сайын далаң.

Куәсі ерлігіңнің, өрлігіңнің,

Символысың тәуелсіз елдігімнің.

Ұрпақтарың ұмытпас жауынгерім,

Жаңғырығы сарнайды сендік үннің.

Әр адым, әр өткен бейбіт күннің,

Шуағы салар еске қаһарманды.

Өзіңдей ардагерлер арқасында,

Бүгін елің жайнады, жаһанданды.

Қан майданда қауышып қаламыңмен,

Сырластың ғой жан-жүрек жаралыңмен.

Отан үшін от құшқан бабаларды,

Жебеуші періште деп қаламын мен.

Нәпсі, арман, сезім, ой, қиып бәрін,

Махаббаттың маздаған тиып әнін.

Отқа оранып, қан соғыс майданында,

Көре алмай кетті көп ер жеңіс таңын.

Тағдыр солай ұсынған кесімдерін,

Талай ана боздады, жесірдерің.

Енді тек Жеңіс күннің естелігі,

Мәңгі еліңмен жасайды есімдерің!!!

Жусипбекова Умида Молдашқызы