Бейбітшілік балалар әлемінде 6 сынып сынып сағаты

Маңғыстау облысы білім басқармасының Жаңаөзен қаласы бойынша білім бөлімінің

<< № 5 мектеп-гимназиясының>> коммуналдық мемлекеттік мекемесі

Тәрбие сағаты

Тақырыбы: << Бейбітшілік-балалар әлемінде >>

Сынып жетекшісі: Майтанова Г.Б

Сыныбы: 6 <<A>>

Жаңаөзен 2021ж

Күні: 22.11.2021ж

« Бейбітшілік-балалар әлемінде »

Тәрбие сағатының тақырыбы: « Бейбшілік-балалар әлемінде »

Тәрбие сағатының мақсаты: халықтар арасындағы достықты нығайту, оқушылардың бойына рухани адамгершілік қасиеттерді ұялату.Оқушыларды әсемдікке, әдемілікке, қарым-қатынас жасай білуге тәрбиелеу;

Тәрбие сағатының түрі: жаңа ұғымдарды талдау, талқылау.

Көрнекілігі: слайд, ой қозғау тапсырмалары.

Тәрбие сағатының барысы:

Ұйымдастыру бөлімі. Мұғалім: Бейбітшілік. Осы бір асыл сөз қазір бүкіл дүниеге тарап, әрбір ізгі ниетті, адал ойлы адамның жүрегінен құрметті орын алды. Қазақтың барлығы бір - біріне бауыр.Бейбітшілік – адамзат өмірінің бүгіні мен ертеңі. Оның шайқалмай, сынбауы үшін бейбітшілік құсы аспан көгінде қалықтай береді. Бейбітшілік бізге оңай келген жоқ, осы сөзде сұрапыл қанды соғыстың адам айтқысыз азабы, халықтар қаһармандығының, достығының үлгісі, бейбітшілік жолындағы халықтар күресінің тарихи жеңістері ұштасып жатыр.

Мұғалім: « Бала дегеніміз -болашақ» деген екен француз жазушысы Гюго Виктор Мари. Бала періште дейді. Олардың пейілі, ниеттері қандай тұйық болса, көңілдері сондай мөлдір! «Адамның бір қызығы бала деген »-деп Абай атамыз айытқандай, мынау тіршілікте адам баласының алтынға айырбастап ала алмайтын аяулы сәттері көп-ақ. Халқымыз желкіндеп өсіп келе жатқан қыз баланы елдің көркі санаса, ал ер баланы елдің қорғаны санаған. Балалық шақ адам өміріндегі ұмытылмайтын қызықты да бақытты кезең. Сондықтанда әр бір қараша үйдің түтінін түтеткен ата-ана көзінің ағы мен қарасындай перзентінің өмірдегі осынау сәттерді мүмкіндігінше есте қаларлықтай етіп өткізуді ойластырады.

Мұғалім:Балалар, біз үш топқа бөліндік, олай болса «Сен, мен және біз – бәріміз әлемді өзгертеміз» деген ұранды ұстанып жұмысымызды бастайық.

1-ші сұрақ бақытты балалық шақ деген не ?

Ассоциация әдісі бойынша бақытты балалық шақ дегенде не түседі ойларыңа?

( күн суреті) әр топтан бір адам қорғайды.

Абишаев Санжар: Біз еліміздің тәуелсіздігінің арқасында бақытты балалық шақты өткізудеміз. Біздің алаңсыз білім алуымызға, бақытты балалық шағымызға барлық жағдай жасалған. Біздің ойымызша балалық шақ дегенде –қуанышты, қызықты күндер, жақсы көретін ойыншығың есіңе түседі.

Чаканова Әсел: Мен осындай бейбітшілік орнаған елде туып-өскеніме ризамын. Адамдар бала кезінде балалық шақтың бал дәмін татуы тиіс. Біздер қазір бақытты болып өсіп келеміз. Алдымызда не керек болса, сол тұр. Білімге керек нәрсені ізденбей жатып-ақ, компьютер, ұялы телефон, интернеттен табамыз. Балалық шақ –ең тәтті кезең, адал, алаңсыз кездер деп ойлаймыз.