Бейнелеу сабағына арналған жоспар 4 сынып 5 бет

Сабақтың тақырыбы:

Ежелгі Грекия мен Римнің сәулет стилі.

Сабақтың мақсаты:

а) Білімділік: Оқушыларды сәулет стильдері жайлы мәліметтермен

таныстыру, жаңа мағлұмат беру және т.б.

ә) Дамытушылық: Оқушылардың іскерлігін, ойлау қабілетін, ізденімпаздық

дағдысын, шығармашылығын қалыптастыру, дамыту.

б) Тәрбиелілік: Сұлулық тәрбиесі, табиғат пен өнердегі сұлулықты

түсіне білу.

Құрал-жабдықтар, көрнекті құралдар: Дидактикалық көрнекілік құралдар, көркем суретті альбомдар, тағы басқалар.

Сабақтың өту барысы:

Ұйымдастыру кезеңі.

Үйге берілген тапсырманы тексеру.

Жаңа тақырыпты түсіндіру.

Тапсырмаларды орындау.

Сабақты бекіту.

Үйге тапсырма.

Сабақтың барысы:

Белгілі бір тарихи кезеңде пайда болған үлкен туындылар тобына тән ортақ көркемдік сипат пен тәсіл стиль деп аталады. Ежелгі Грекия мен Рим дәуірін антикалык дәуір деп атайды. Бұл кезеңдегі сәулет туындылары ұлылығымен, сәнділігімен ерекшеленеді. Храмдар көптеген бағандармен безендіріліп, кіреберіске көтерілетін баспалдақтар өте биік болған. Ғимараттардың шатыры мүсіндермен әшекейленіп, үшбұрышты жазық фронтонмен толықтырылған. Храмдардың іші көптеген құдай мүсіндерімен безендірілген. Қабырғаларына сылағы кеппей салынатын суреттер - фреска жапсырылып және смальтадан құралған мозаикалармен (бұл түсті минералдар қосып балқытылған шыны сынықтары) сәнделген. Бұл ғимараттарға қарап таңдана тамашалап қана қоймай, сол заманның сәулет стилін елестете аламыз. Сарайлар сән-салтанаты жағынан бірінен-бірі асып түсіп жатса да, олардың ортақ сипаты болған.

Ерте кездегі ең әйгілі құрылыстардың бірі - Парфенон. Өткен ғасырларда храм бірнеше рет бүліншілікке ұшыраған. Тұрғызылған уакытта дәл ирландық археолог және саяхатшы Эдвард Додвелл бейнелегендей болса керек. Парфенон - біздің эрамызға дейінгі V ғасырдың орта тұсында Афиныдағы Акрополь қыратында тұрғызылған грек храмы. Табаны тік төртбұрыш пішінді. Периметрі бойынша оның биіктігі 10 метрлік 46 баған қоршап тұрған. Ғимарат өзінің алыптығына қарамастан мінсіз пропорция аркасында көркемдігімен көз тартады. Мұның себебі шеберлердің сәулет өнері құпияларын білуінде. Мысалы храм бағандары тіп-тік емес, бір біріне қарай қисайып тұр. Бүйір бағандары ішкілеріне қарағанда жуандау. Бағандардың арақашықтығы бірдей болып көрінгенімен, шын мәнінде олай емес, ортасына жақындағанда арақашықтық кішірейеді. Бағандардың да төменгі жағы жуан ал жоғарысы жіңішкереді. Содан құрылым тұтастай көкке өрлеп бара жатқандай көрінеді.