Білім берудегі құзырлылық туралы эссе, бастауыш сынып

Ақтөбе қаласы

№27 орта мектеп – лицейі

Бастауыш класс мұғалімі

Ажмағамбетова Ж.К.

Білім берудегі құзырлылық

Ғылыми педагогиканың негізін салушы ұстаз Ыбырай Алтынсарин мұғалімнің қоғам алдындағы рөлін нақтылай айта келіп, «салып жатқан үйдің жақсы болуы,оның іргесінің берік және мықты қалануына байланысты,қазақ мектептерінің келешегі көбінесе бастауыш білімге байланысты.Сондықтан да мен қазір жақсы оқытушыны дүниедегі заттың бәрінен де артық көремін,» - деген пікірі бүгінгі күні өз мемлекетінің ірге тасын қалап жатқан қазақ халқының, мұғалімге қоятын талабы ретінде естіледі.Бұл жөнінде Қазақстан Республикасы «Білім туралы» Заңының 8- бабында «Білім беру жүйесінің басты міндеттерінің бірі – оқытудың жаңа технологияларын енгізу, білім беруді ақпараттандыру , халықаралық ғаламдық коммуникациялық желілерге шығу» деп атап көрсеткен. Елбасымыз Н.Ә.Назарбаев жолдауында айтқандай: «Болашақта өркениетті дамыған елдердің қатарына ену үшін заман талабына сай білім қажет».

Қазақстанды дамыған 50 елдің қатарына жеткізетін, терезесін тең ететін – білім.Сондықтан,қазіргі даму кезеңі білім беру жүйесінің алдына оқыту үрдісін технологияландыру мәселесін қойып отыр.Оқытудың әртүрлі технологиялары сарапталып, жаңашыл педагогтардың іс – тәжірибесі зерттеліп ,мектеп өміріне енуде.

Білім – теңіз, мектеп – кеме.Мұғалім –мектептің жүрегі.Білім нәрімен сусындап, оның құпиясын аша білу – күрделі іс.Осы білім теңізіне еркін жүздіру – бала жанының бағбаны мұғалімнің іс–әрекеті .Мұғалімнің бір-біріне және ешкімге ұқсамайтын сабақтары келер ұрпақты заман талабына сай оқытып ,тәрбие бермек.

Ал осы білім беру жүйесінде, әсіресе орта мектепте,соның ішінде бастауыш сыныпта әліппе мен әдебиеттік оқудың орны ерекше.Қазақ тілі – өмір таныту, тәрбие беру,қарым – қатынас жасау құралы.

Құзыреттілік ұғымы «білім» , «білік» және «дағды» (ББД) сияқты ұғымдарды қамтиды.Бірақ бұл ББД - ның жаңаша жай ғана жиынтығы емес.Құзыреттілік оқыту нәтижесін (білім және білік) ғана емес, сонымен бірге ол оқушылардың шығармашылық іс-әрекет тәжірибесі мен құндылық бағдарларының жүйесін де көрсетеді.

Шығармашылық баулу шәкірт бойындағы талант көзін ашып, тілін байытып, қиялын ұштау мен өз бетінше ізденуге зор әсерін тигізбек.

Оқушыларды келесі жұмыстар арқылы шығармашылыққа баулуға болады:

сюжетті сурет бойынша әңгіме жазу;

нақыл сөздердің мәнін ашу;