Білім мазмұнын жаңарту және бағалау жүйесі семинары

Білім беру мазмұнын жаңарту және критериалды бағалау жүйесін енгізудің ерекшеліктері.

«Білекке сенер заманда ешкімге есе бермедік , білікке сенер заманда қапы қалып жүрмелік» - деген екен Абылай хан . Ендеше, бүгінгі заман білімге, білікке сенер заман, жаңарған заман. Оның айғағы – жаңартылған білім беру мазмұны дер едім. Бүгінгі таңда білім беру мазмұнын жаңарту өте маңызды өзгерістердің сатысында тұр. Білім беру мазмұнын жаңарту-сапалы білім, жарқын болашаққа негізделіп, бірқатар жетістіктер формуласын ұсынған үлгі және оқу-тәрбиелік үрдісті жан-жақты жаңа әдіс-тәсілдермен ұштастыру болып табылады.

Жаңартылған білім беру бағдарламасының негізгі мақсаты – оқушыларды сындарлы оқытуға үйрету, әлемдік білім кеңістігіне қол жеткізу, инновациялық білім негіздерін терең меңгерту. Орта білім мазмұнын жаңартудың көптеген компоненттері , соның ішінде мұғалімдердің біліктілігін арттыру бағдарламасы осы мақсатқа бағытталған.

Негізінен жаңартылған білім беру жүйесі - құзіреттілікке және сапаға бағытталған бағдарлама. Жаңартылған білім берудің маңыздылығы – оқушыға қолайлы білім беру ортасын құра отырып, сын тұрғысынан ойлау , зерттеу жұмыстарын жүргізу, жеке ,жұппен, топта жұмыс жасай білу , функционалды сауаттылықты , шығармашылықты қолдана білуді және оны тиімді жүзеге асыру үшін қажетті тиімді оқыту әдіс-тәсілдерді қолдану болып табылады.

Жаңартылған білім беру мазмұнының ерекшеліктері :

1. пән мазмұнының спиральді қағидатпен берілуі. Яғни пән мазмұнының қарапайымнан күрделенуі.

2. Блум таксономиясы бойынша оқу мақсаттарының иерархиясы:

3.Пәнаралық байланыстарды жүзеге асыру мақсатында ортақ тақырыптардың берілуі

4.Оқу үдерісін ұзақ мерзімді, орта мерзімді, қысқа мерзімді жоспарлар арқылы ұйымдастыру

5.Оқытудың тәрбиелік әлеуетін арттыру ,оқушының адамгершілік-рухани қасиеттерін қалыптастыру

Жаңартылған орта білім беруді енгізу барысында білім алушылардың оқу жетістігін критериалды бағалау жүйесі арқылы бағалайды.

Сонда критерий деген не?

Критерий деген –ұсынылған талаптарға сәйкес бір нәрсені бағалау бойынша шешім қабылдау ережесі. Әр критерийдің дискрипторы болады,онда оқу тапсырмасының орындалу нәтижесінің дұрыстығы туралы нақты түсінік беріледі.Дискрипторға сәйкес бағалау оқушының қойған мақсатына жетуін анықтайды.

Ал критериалдық бағалау –оқушылардың оқу-танымдық құзыретін қалыптастыруға жағдай жасайтын,білім беру мақсаты мен мазмұнына сәйкес білім беру процесіне қатысушылардың (оқушылар,мектеп әкімшілігі ,ата-аналар,заңды тұлғалар және т.б) барлығына алдын ала таныс,ұжым талқысынан өткен,нақты анықталған өлшемдер арқылы оқушылардың оқу жетістіктерін салыстыруға негізделген процесс..

Егер балаға оның белгілі бір деңгейде жеткендігін айтса,онда бұл оған үздік нәтижеге жету үшін не істеу керек екендігін түсіндірмейді; бұл ретте егер баламен бірге оның жұмысында мұндай бағлауға не әкелгенін және бағалау өлшемдерін түсіндіруге талдау жасаса,онда бұл балаға өзінің нәтижесін жақсарту үшін ары қарай не істеу керек екендігін түсінуге мүмкіндік береді /МАН,107бет/

Критериалды бағалау білім алушылардың дағыларын дамыту дәрежесін бағалауға ықпал етеді.

Әр сабақ оқу мақсаттарын көрсету мен айтудан және оған жетудің критерийлерін таныстырудан басталуы керек. Білім алушы қойылған оқу мақсаттарын түсінуге, оны ой елегінен өткізіп , оған қалай жету керектігін білуі қажет.

Критериалды бағалау технологиясы білім алушылардың жетістіктерін нақты анықталған, алдын ала танылған критерийлермен салыстыруға негізделген, осы немесе басқа оқу материалын қалай игеренін , практикалық дағды қалай қалыптасқанын анықтауға мүмкіндік береді.

Критериалды бағалау жүйесінің ең басты артықшылығы- білім алушыға түсер күйзелісті азайту болып табылады. Критериалды бағалау білім алушылардың оқуға деген қызығушылығын қалыптастырады, оқытуда достық ортаны құруға, білім алушылардың оқуға деген ықыласын арттыруға , зерттеушілік және шығармашылық қызметке қатысуға мүмкіндік береді.

Мұғалімге критериалды бағалауды оқу процесін неғұрлым тиімді ұйымдастыру үшін,білім алушыларға уақытылы қолдау көрету және олардың оқудағы жетістіктерін қамтамасыз ету үшін,мүдделі тараптарға оқудың нәтижелері туралы ақпарат беру үшін қолдану ұсынылады. Мұндай бағалау…