Білім сапасын арттырудың тиімді жолдары туралы мақала

Білім сапасын арттырудың тиімді жолдары

Қазақстан Республикасы қазіргі таңда жалпы білім беруді жетілдірудің жаңа кезеңін бастады. Қазақстан Республикасының 2020-2025 жылдарға дейінгі білім берудің дамытудың мемлекеттік бағдарламасына сәйкес Қазақстандағы білім беру жүйесінің басты маңызды міндеті - білім беру мазмұны мен құрылымын жаңарту.

Сапалы білім беру дегеніміз - жүйелі бағдарлама бойынша теориялық, практикалық іске қабілетті тұлғаны тәрбиелеу, оның дүниетанымын кеңейту және баланың бойындағы бар қабілетін кемеліне келтіру болып табылады.

Қазіргі таңда білім берудегі басты мақсат - жан-жақты білімді, өмір сүруге бейім, өзіндік ой - талғамы бар, адамгершілігі жоғары, бәсекеге қабілетті жеке тұлғаны тәрбиелеу.

Білім сапасын арттыру бағдарламасының міндеттері болуы тиіс:

• басқару құжаттарын әзірлеу жүйесін дамыту;

• білім сапасын диагностикалау;

• оқытудың әдістемелік жүйесін жаксарту;

• білім сапасын бағалаудың жаңа рейтингтік формасын енгізу;

• білім сапасына мектептің күллі қызметкерлерін жұмылдыру;

• білім сапасын арттыруда жаңа технологиялао қолдану;

• ұлттық білім беру жүйесін әлемдік стандарттарға сәйкестендіру;

Мектептің білім сапасын арттыруда педагогтың жауапкершілігі зор болса, заман талабы педагогтан кәсіби білімді, білік пен дағдыны, мақсат қоюшылықты игеруге деген қызығушылық және білім беру қызметінде ынталылық, педагогикалық және әлеуметтік педагогика мен психологияның негіздерін қолдана білу қабілетін талап етеді.

Мектебімізде білім сапасын арттыру, болашақ білімді азамат қалыптастыруда, мұғалімнің кәсіптік шеберлігін, құзырлығын арттыруда мектеп жұмысының, әдістемелік жұмыстың ұжымдық, топтық, жеке, белсенді түрлері мен әдістері кеңінен қолданылуда. Сонымен қатар, озат тәжірибелер бойынша іс-тәжірибе тарату жұмыстары, шығармашылық есептер беру, әдістемелік апталықтар, оқушылардың ғылыми жұмыстары, әдістемелік сипаттағы семинарлар, конференциялар өз жалғастарын табуда.

Қай салада болмасын ондағы жұмыстың нәтижесі сапамен өлшенеді. Сапалы оқыту және өздігінен оқып білім алуға баулу негізінде ғана оқушылардан парасатты азамат тәрбиелеп шығаруға болады. Еліміз егемендік алғалы қоғамдық өмірдің барлық салаларында соның ішінде, білім беру саласында жүріп жатқан демократияландыру, жаңа технологияларды енгізу, компьютерлендіру бәсекеге қабілетті тұлғаны қалыптастыруға жол ашты. Білім беру жүйесіндегі қайта құрулардың негізгі субьектісі – мұғалім. Сапаны көтерудегі ең өзекті мәселелердің бірі – мұғалімдерді даярлау және кәсіби шыңдау…