Бір-бірімізге көңіл күй сыйлайық психологиялық ойыны

«Бір-бірімізге көтеріңкі көңіл-күй сыйлай білейік»

Психологиялық ойындар

Баимбетова Мира Қуатжанқызы

Ақтөбе облысы, Ойыл ауданы,

Саға мектеп-бала бақшасының педагог-психологы

Мақсаты: Оқушылардың өмірге деген сүйіспеншілігін арттыру, өмірдің

маңыздылығын ұғындыру, мақсатқа ұмтылуға үйрету, оқушының

бойына сенімділік қалыптастыру

Көрнекіліктері: А3 форматты қағаз, стикер, ағаш, музыка

Қатысушылар: 9-11 сынып оқушылары

Барысы:

Сәлеметсіздер ме, құрметті оқушылар! Сіздерді көргеніме өте қуаныштымын. Өзіме белгіленген уақыт сіздермен өте көңілді және қызықты өтетініне сенімдімін. Алдымен ойынымызды бастамас бұрын ереже қабылдап алайық.

Өзін еркін ұстау;

Белсенділік таныту;

Өз пікірін ашық білдіру;

Сыйластықта болу

1.«Капитан» сергіту жаттығуы

Көңіл-күйлеріңіз қалай. Ендеше осы көңіл-күйлеріңізді одан да жоғарылату мақсатында сіздермен ойын-жаттығу жүргізбекшімін. Сіздер өз мамандарыңыздың майталманысыздар. Белгілі бір ұжымның, отбасының капитанысыз. Сондықтан сіздермен «Капитанның оқиғасы» ойынын жүргіземін. Ойынды ойнамас бұрын шартымен танысып алайық.

1.Капитан деп белгі берілген кезде бөлмеде емін-еркін капитан болып жүресіз. (барлығы)

2.Теңізші деген кезде екі адамнан жұптасып, еден жуушының бейнесін көрсетесіз. (2 адам)

3.Қайық деген кезде екі адам қайық, бір адам ескек есуші болады. (3 адам)

4.Түскі ас деген кезде төрт адамнан жұптасып, бір дастарханның үстінде түстеніп отырған отбасы мүшелерін көрсету. (4 адам)

5.Кеме деген кезде төрт адам кеме, бір адам капитан болады. (5 адам)

2.Жүректен – жүрекке

Бүгін біздің мектебімізде өткізілген ойын-сабақтар т.б.алған әсерлеріңізді, тілектеріңізді берілген стикерлерге жазып, біздің нұрлы, шуақты талымызға орналастырыңыздар.

Қорытынды:

Құрметті оқушылар бір-біріңізге деген сыйласымды қарым-қатынасымыз көркейіп, көңіл-күйлеріңіз көтеріңкі болып, мейірімдеріңіз күннің шуағындай болсын дей отыра сіздермен қоштасамыз, сау болыңыздар!