Біз өмірді сүйеміз, 8-сыныпқа арналған топтық жұмыс

«Біз өмірді сүйеміз»

Танымдық сабақ

Баимбетова Мира Қуатжанқызы

Ақтөбе облысы, Ойыл ауданы,

Саға мектеп-бала бақшасының педагог-психологы

Мақсаты: Жас ұрпаққа адам өмірінің қымбаттылығын түсіндіру, өмірге

деген құштарлықтарын, қызығушылықтарын ояту; Өмірге жақсы

көзқараспен қарауға, қадірлей, бағалай білуге тәрбиелеу,

Өмірдің қиындықтарына төзе білу, психологиялық қолдау көрсету

Көрнекіліктері: А4 қағазы, фломастер, шарлар, музыка

Қатысушылар: 8-9 сынып оқушылары

Барысы:

Кіріспе

Өмір дегеніміз баға жетпес асыл зат, баға жетпес бақыт. Өмірге келген әрбір адам оны лайықты өткізу керек. Өмірді дүниеде еш нәрсемен салыстыруға болмайды. Өмір әрқашан өз бағытымен енеді. Өмірді қалай өткізуімізді өзіміз білеміз, өз еркіміз. Өмірдің өзі өзен, бір ағынмен жүріп отырады. Бірде асау толқындар кездессе, бірде жайшуақ күндер болады.

Өмір дегеніміз – Алла тағаланың бізге берген сыйы, бір мүмкіндігі. Өмір кейде жұмсақ, кейде қатал болады. Бірақ адам өмірге қайталап келмейді. Әрбір қиындықтармен күресе білу керек.

1.«Жапон әліппесі» жаттығуы

А-ка З-з П-но Ц-ми

Б-зу И-ки Р-ши Ч-кэ

В-ру К-мэ С-ари Ш,Щ-хи

Г-жи Л-та Т-чи Ь,Ъ, Ы-зук

Д-тэ М-рин У-до Э-мэй

Е-ку Н-то Ф-лу Ю-фу

Ж-су О-мо Х-ри Я-на

Мысалы: Менің есімім Адина, ал жапон әліппесі бойынша – Катэкитока.

2.«Ғажайып шарлар» ойыны

Әр оқушы өзіне ұнаған түстегі нөмірленген шарды алып сұраққа жауап береді.

1.Жақсы адам болу деген не?

2.Жақсы іс адамның қандай іс-әрекеттерінен байқалады?

3.Жақсылық жасау адамдарды қандай қуанышқа бөлейді?

4.Жақсылық жасау үшін адам бойында қандай қасиеттер болу керек?

5.Айналадағы адамдардың жақсылығын қалай сезінесің?

3.Постер қорғау

1. «Өмір сүру деген не?»

2. «Өмірде кездесетін қиындықтар және одан шығу жолдарын көрсету»

Қорытынды:

Міне, өмір, бақыт дегеннің не екенін манадан талдадық, олай болса:

«Адам боп оңай туғанмен,

Адам боп қалу көп қиын» деп Қадыр Мырзалиев атамыз айтқандай сіздердің бүгінгі сабақтан не түйгендеріңізді және ой-пікірлеріңізді тыңдағым келіп тұр. (Оқушылардың ойларын, тілектерін ашық айтуы)

Олай болса мен сіздерді мына ұранмен өмір сүруге шақырамын.

Барлығы қосылып:

Біз өмірді сүйеміз!

Бақытты өмір сүреміз!

Біз бәріміз біргеміз!