Біздің емхана тақырыбындағы сабақ жоспары, 5-сынып

Алматы қаласы

Әуезов ауданы

№116 ЖББ мектеп

қазақ тілі мен әдебиеті пәнінің мұғалімі

Калышова Раиса Фазылхановна

Сабақ: қазақ тілі5-сынып

Сабақтың тақырыбы: Біздің емхана

Сабақтың мақсаты: тақырыптың төңірегінде сөйлей білуге үйрету.

Оқытудың міндеттері

Білімділік: Оқушыларға емхана жайлы түсінік беру. Зиянды әдеттерден бойды аулақ ұстауды үйрету. Зат есімнің септелу жолдарын үйрету, пысықтау.

Дамытушылық: Оқушылардың білімін, мүмкіндігіне қарай ой-өрістерін дамыту. Сөздік қорларын молайту.

Тәрбиелік: оқушыларды дұрыс тамақтана білуге, адамгершілікке, отаншылдыққа, артық салмақтың пайда болу жолдарынан алыстау, үлкендерді сыйлауға тәрбиелеу.

Сабақтың түрі: аралас сабақ

Сабақтың әдісі: түсіндіру, сұрақ-жауап

Көрнекіліктер: суреттер, презентация, тірек сызба.

Сабақтың барысы

І. Ұйымдастыру кезеңі:

Оқушылармен сәлемдесу

Оқушыларды түгендеу

Ауызекі сөйлеу

ІІ. Үй тапсырмасын тексеру: Әр оқушының жауабын тыңдай отырып, дұрыс нақты жауап беруін талап ету,толықтыру, қадағалау, бағалау. Денсаулық туралы мақал-мәтел жаттап келу.

ІІІ. Жаңа сабақ

Кіріспе.

Сабақтың мақсатын айту.

Денсаулық - баға жетпейтін жалғыз ғана қазына. Ол жақсы болу үшін не уақытты, не күш жігерді, не еңбекті, тіпті барлық дүниені аямай жұмсау қажет. Денсаулық адам өміріндегі ең жоғары бағалы дүние болғандықтан, әр адам баласы өз денсаулығына көңіл бөлуі қажет. Әр адам салауатты өмір салтын қалыптастыру керек.Салауатты өмір салтын қалыптастыру үшін әр қайсымыздың дене тәрбиесімен айналысуымыз, дұрыс тамақтануымыз, зиянды әрекеттерден аулақ болып, тазалық пен санитария шараларын сақтауымыз керек.

«Дені сау адам – табиғаттың ең қымбат жемісі» деп тегін айтылмаған. Тұрмыстық жағдай, тіршілік деңгейінің құлдырауы және экологиялық қолайсыздық – бәрі де денсаулыққа кері әсерін тигізеді.

Спорттың адам өмірінде алатын орны зор екендігін бәріміз білеміз. Спортпен айналысқан адамның денсаулығы мықты, өзі шыдамды болады. Біздің ата-бабамыз «тәні саудың - жаны сау» деп бекер айтпаған. Спорттың қай түрімен айналысу адамның қабілетіне байланысты болады. Спортты мағынасына қарай жеңіл, ауыр, ұзын, қысқа сияқты бірнеше түрге бөлеміз. Ұлы ойшыл Ибн Сина денсаулық пен өмірді дамыту үшін кем дегенде спорттың отыз үш түрімен жаттығу керектігін айтқан.