Біздің кафеде буын тақырыбындағы сауат ашу сабағы

№ 4 орта мектеп

Сабақ тақырыбы: Біздің кафеде. Буын.

Күні

Мұғалім есімі: Есиркенова Салтанат Жанатовна

Сынып : 1

Қатысқандар саны

Қатыспағандар саны

Осы сабақта жүзеге

асатын оқу мақсаттары

1.2.5.1. Мәтін иллюстрациясы бойынша сұрақтар қоя білу немесе оқығаны бойынша қойылған сұраққа жауап беру.

1.3.5.1. Тақырыпқа байланысты керекті сөздер, сызбалар, суреттер, белгілерін қолдана отырып, жай сөйлемдер / мәтін құрастыру және жазу.

Сабақ мақсаттары

Барлық оқушылар: Мәтін иллюстрациясы бойынша сұрақтарға жауап береді.

Көптеген оқушылар: Оқығаны бойынша қойылған сұраққа жауап береді

Кейбір оқушылар: Сурет бойынша мәтін құрастырады және жазады.

Бағалау критерийлері

Оқығаны бойынша қойылған сұрақтарға жауап береді.

Тақырып бойынша мәтін құрастырады және жазады.

Талқылауға арналған сұрақтар:

Дауысты дыбыстарды ата.

Буын дегеніміз не?

Сөзде қанша дауысты дыбыс болса сонша буын болады.

Құндылықтар:

Адамгершілік, ізеттілік, сыпайылылық.

Пәнаралық байланыс:

Дүниетану, ( көкөніс туралы) жаратылыстану(мамандық туралы біледі) тақырыптарымен байланысады.

АКТ қолдану дағдылары:

интербелсенді тақта, слайд, суреттер

Алдыңғы оқу: Ас –адамның арқауы

Жоспар

Жоспарланған уақыт

Жоспарланған жаттығулар

Ресурстар

Сабақтың басталуы

5 минут

Ұйымдастыру кезеңі.

Сабақтың тақырыбын ашу. Мақсатын айқындау. Бағалауды түсіндіру.

Жұмбақ шешу

Өсірер тың дала,

Көшірер қамбаға.

Айналар ұнға да,

Айналар нанға да.

(бидай)

Біз бидай туралы не білеміз?

(оқушылар өз ойларымен дәлелдейді)

Суретпен жұмыс. Бүкіл сынып орындайды.

(Балалардың кафеде отырған суреті)

Балалар, мына суреттен кімді және нені көріп отырсыңдар?

Кафеге кімдер келді?

Балалар кафеде отыр.

Балалар кафеге не үшін келді?

Олар тамақтану үшін келді.

Смайлик арқылы бағалау.

Сурет

Сабақтың ортасы

25 минут

Мәтінмен жұмыс. (О. А.Т).

2-тапсырма.

Мәтінді мәнерлеп оқу. (Мұғалімнің оқуы)

Мәтін бойынша оқушылар түсініктерін айтады.

Балалар аналарымен қайда келді?

Олар тапсырыс беру үшін кімді шақырды?

Олар не туралы сөйлесті?

Балалардың аналары кім болып істейді?

3-тапсырма. Айтылым.

Екі баланың арасында болған әңгімені айт.

Менің анам – дәрігер.

Менің анам – наубайшы. Ол адамдарға нан пісіреді. Нансыз ешкім де өмір сүре алмайды.

Иә, нансыз дәрігер де өмір сүре алмайды.

4-тапсырма.

Дәрігер, наубайшы сөздерін буынға бөл.

Неше дыбыс? Неше буын?

Енді мына сөздерге назар аударайық. Сөздерді буынға бөлеміз:

а –на, а-ра, яғни буында мағына болмайды екен. Бірақ май, ет, нан дегенде буын мен сөздің еш айырмасы жоқ.

Сонда сөз бен буынның айырмасы неде?

Сен дұрыс байқадың. Буын мен сөз кейде бір-бірімен сәйкес келеді. Сөзде мағына болады, ал буында мағына болмайды.

5-тапсырма.( Ж. О. А.)

Белсенді жұмыс. Сөз құра. Сөйлем құра. Жаз.