Болашақ тәрбиешілердің танымдық қабілетін қалыптастыру

Болашақ тәрбиешілерді даярлау үдерісінде мектеп жасына дейінгі балалардың танымдық қабілетін дамытудың негізі

Мектепке дейінгі кезеңде баланың жас ерекшелігіне қарай танымдық белсенділігінің арқасында алғашқы әлем тануы пайда болады. Адамның танымдық саласының пайда болу, даму және әрекет жасау үрдісінде әлем бейнесі қалыптасады. Жас баланың танымдық саласын тікелей білімділік әрекетінде дамыта отырып, біз бүлдіршіннің эмоционалды-сезімдік қабылдауы нағыз адам болуына әсерін тигізетіндей қылып, оның дамуына, білім алуына, жағдайлар жасауымыз керек. Мектеп жасына дейінгі бала үлкен әлемнің шексіз қыр-сырын шешуге зор ниеттенеді. Бала бәрін білгісі келеді, бәріне қызығады. Ересек мектепке дейінгі жастағы бала оның жасында игере алатын және толық, саналы түрде қабылдай алмайтын түсініктерді меңгеруге талпынады. Бірақ жас бала өзінің ақпаратты өңдеу, жүйелеу мүмкіндіктеріне қарай, әлем туралы келіп жатқан мәліметтердің ағымын сапалы игере алмайды. Баланың танымдық қажеттілігі мен оның ақпаратты қабылдау мүмкіншілігінің сәйкессіздігі әлемді саналы түсінуі мен қабылдауына нұқсан келтіруі мүмкін. Ондай жағдай танымдық мүддесінің жойылуына, психикалық өзгерістеге әкеледі. Танымдық саласында үш компонентті белгілеуге болады. Олар біріншісі танымдық процестер: түйсік, зейін, ес; қиял, ой. Екіншісіне

Мектеп жасына дейінгі баланың негізгі іс-әрекеті - ойын болып табылатындықтан оқыту - тәрбиелеу жұмысын бағдарлама талаптарына сәйкес ойын түрінде ұйымдастыра отырып, баланың танымдық ойлау қабілетін арттыруға жағдай жасау негізгі тәрбиешілердің міндеті. Бала ойын барысында айнала құбылыс сырын танып сезінеді, себеп - салдарлық байланысты және тәуелділікті анықтауға тырысады. Айналадағы өмір құбылыстарын, ерекшеліктерін байқай отырып, білуге қызығушылығы туындайды, осы сезім оны талпыныстарға жетелейді. Ойын негізінде ойлай отырып, тапсырмалары өзінше зерттеп, орындау, өзінше шешім жасау өз ойындағысын айту жағдайларына мүмкіндік туғызылса ғана бала еркін ойлы, өзіне сенімді, ерік - жігерлі, дүние танымы кеңейген, сөйлеу тілі жақсы қалыптасқан, болашаққа қызығушылығы оянған дара тұлға ретінде жан - жақты дами алады. Болашақ тәрбиешілерді даярлау үдерісінде мектеп жасына дейінгі балалардың танымдық қабілетін дамыту жолдары білім алушылардың оқу практикаларында үнемі ұйымдастырылады. Балаға арнайы ұйымдастыратын әрекетте белгілі бір нәтижеге жетуге арналған міндетті қоя отыра жұмыс жасау қажет. Тәрбиешілерді оқытудың…