Бозжыра еліміздің табиғи ерекшелігі ашық сабақ

«Түркістан жоғары көпсалалы, қол өнер колледжі» МКҚК

№ оқу сабағының жоспары

Сабаққа жіберілді

Сабақ тақырыбы: Бозжыра – еліміздің табиғи ерекшелігі.

Модуль /пән атауы: Әзірленіп жатқан (жаңа) саяхаттың бағытын қалыптастыру.

Педагог Д.Д.Балтабекова дайындады

2023 жылғы "24" қараша

1. Жалпы мәліметтер: Сала бойынша нақты әдебиеттер мен ақпарат көздерін зерттеуге, салыстыруға, ойын түйіндеуге,пікір айтуға, еркін сөйлеуге, тәжірибеде қолдануға дағдыландыру. Сабақ бойынша алған білімдерін өндірістік іс әрекетте кедергісіз жұмыс жасауға, кәсіби құзіреттілігін қалыптастыруға бейімдеу, туристік өнімнің бөлігі ретінде сервистің рөлін біліп, тәжірибеде іске асыру алғышарттарын меңгереді.

Курс, топ:ТУР 22-9/3

Сабақ түрі: Аралас сабақ

2. Мақсаты, міндеттері: Туризм саласындағы Бозжыра өңірі жайлы ақпараттарды оқып игергеннен кейін студент Маңғыстау аумағындағы туризмді дамытудың басты қызметіне және қазіргі кезеңдегі ерекшелігіне сай тәжірибелік дағдыларға ие болады.

3. Күтілетін нәтижелер: Топпен жұмыс жасауға, ұйымшылдыққа баулу,ұжымдық ойлауын қалыптастыру, тыңдай білуге, сыни пікір айтуға үйрету, менеджерлік қызметке және іс әрекетке деген кәсіби қызығушылығын ояту.

4. Қажетті ресурстар:

Интербелсенді тақта, плакат, стикерлер.

5. Сабақтың барысы

5.1 Үй жұмысы: Quizzizz тест

5.2 Жаңа тақырып: Маңғыстаудың төрінде орналасқан Бекет ата мешітіне барар жолдағы Бозжыра шатқалы. Оның кереметі кез-келген адамды таңқалдырмай қоймайды. Әсіресе, тауға өрмелеумен айналысатын альпинистер мен өлкені тануға ұмтылған саяхатшылар бұл ерекше мекенді

міндетті түрде көрулері керек. Бозжыраның сұлулығы Қазақстанның өзге жерлерінде еш қайталанбайды, ал күннің шұғыласы тау төбесіне көтерілген уақытта, тау төрткілдері құбыла түсіп, түрлі түске енеді.

Жалпы жер бедерін зерттеуші мамандар, таудың түзілуінің үш түрін бөліп атайды: химиялық, биологиялық және органикалық. Ал Бозжыра шатқалы осы үш түзілудің қосындысынан пайда болған ғаламат. Бұл табиғи ескерткіш Қазақстанның киелі жерлері картасына енген.

Бозжыра шатқалы - Қазақстанның ең әдемі жерлерінің бірі, ол әртүрлі көлемдегі және пішіндегі тау жыныстарынан қалыптасып, тұтас бір жотаны құрайды. Маңғышлақ түбегіндегі Үстірттің батыс бөлігінде орналасқан. Онымен аттас тау да осы жерде орналасқан, оның биіктігі 287 метрге жетеді.

Бұл жерлердегі кейбір тау жыныстары ежелгі бекіністерге ұқсайды. Жаңаөзен қаласынан Бозжыраға дейінгі қашықтық шамамен 150 километрді құрайды, ал Ақтаудан баратын болсаңыз — 300 километрге жуық.

Бозжыра шатқалы 10 миллион жыл бұрын Тетис ежелгі мұхитының табанындағы әктас шөгінділерінің көтерілуінен, мұхиттың тартылуынан пайда болған. Кейін жер бетінде климаттың өзгеруі, ылғалды мұхит ауасының құрғақ желмен ауысуы бұл даланы аңызақ шөлге айналдырды. Ал мұхит орнындағы…