БЖБ 10- сынып, Қазақ тілі мен Қазақ әдебиеті

А бөлімі

Бөлім / аралық тақырып бойынша жиынтық бағалау тапсырмалары

3-тоқсан. 10-сынып (ҚГБ)

«Аңызбен өрілген көркемсөз» бөлімі бойынша жиынтық бағалау

Оқылатын шығарма

М.Мағауин «Шақан шері» романы

Оқу мақсаты

10.1.2.1 әдеби шығармадағы көтерілген мәселелерді ұлттық мүдде тұрғысынан ашу;

10.3.3.1 шығарманың идеясын жалпыадамзаттық құндылық тұрғысынан талдап, әдеби эссе жазу;

Бағалау критерийі

Білім алушы

«Шақан шері» романындағы көтерілген мәселелерді анықтайды;

Көтерілген мәселелерді ұлттық мүдде тұрғысынан түсіндіреді..

Шығарманың идеясын жалпыадамзаттық құндылық тұрғысынан талдап, әдеби эссе жазады.

Ойлау дағдыларының деңгейі

Білу. түсіну, жоғары деңгей дағдылары

Орындау уақыты

25 минут

1-тапсырма. «Шақан шері» романынан алынған үзіндідегі көтерілген мәселелерді анықтап, ұлттық мүдде тұрғысынан түсіндіріңіз.

Роман үзіндісі

Көтерілген мәселе

Ұлттық мүдде тұрғысынан түсінік

Ербиіп атқа мінген Жалтақ Жантай ақ патшаның сенімді нөкері болып шықты.

Сол Жантай екен Шақанның қыстауына қала түсірген. Жерін тартып алып, малын талауға салған. Аруақты атадан туған ер жігіт топқа қайран, оққа қалқан таба алмай, қорлық пен зорлыққа төзбей, қылышын сүйреткен қысты Іленің етегіндегі қалың қамыс ішінде өткермек болып, ауа көшеді...

Мейірімсіз Қосаяқ – Шақан еді. Елден аулақтап, иенге шыққалы, аптап жазда жастыққа басы тимей, тоғай тінтіп, қамыс сүзіп, құм кешіп, қақаған қыста қар астына түнеп, мұз үстіне от жағып, тынымсыз із кескелі, бөріше бой түзеп, жолбарысша жалғыз жортқалы қаншама заман. Күн, ай есебін білмейді, жыл санамайды. Тәңірінің төрт мезгілі онсыз да алмасып жатады.

-Жоқ!..- деді Шақан. Дауысы шығып кетті. – Мен ...мен татымаймын! Көңілің көл екен, әке. Бірақ мен... мен Құдайдың қарғысына ұшыраған адаммын. Мен ... мен тірі кісі емеспін, әке. Рұқсат бер, әке. Батаңды бер. ..

– Оралып, алдыңызға келем,-деді ақсақалдан бата алып, риза, қош айтысқан соң көңілі босап. – Бес жалдан соң. Келмесем... жаназамды шығарып, құран аудартыңыз, әке...

2-тапсырма.

Шығарманың идеясын жалпыадамзаттық құндылықтар тұрғысынан талдап, «Шерлі Шақан » тақырыбында әдеби эссе жазыңыз.

Бағалау критерийі

Тапсырма

Дескриптор

Балл

Білім алушы

«Шақан шері» романындағы көтерілген мәселелерді анықтайды;

Көтерілген мәселелерді ұлттық мүдде тұрғысынан талдайды.