Дабылды жырдың дауылпазы ашық сабағы 11 сынып

Қ азақ әдебиеті

Асылбекова Қарғаш Болатқызы Талдықорған қаласы Мойнақ ауылы №23 орта мектеп

Сабақтың тақырыбы: «Дабылды жырдың дауылпазы» Қасым Аманжоловтың өмірі мен шығармашылығы. Сабақтың мақсаты:

1. Қасым Аманжоловтың өмірі мен шығармашылығын меңгерту, жеке тұлғасын таныту, ақын шығармашылығына қызығушылықты ояту 2. Тәрбиелік мақсаты: Туған халқының талантты ақынына,

әдебиетке, туған елге деген сүйіспеншілік сезімдерін оятып, адамгершілікке тәрбиелеу. 3. Дамытушылық мақсаты: Оқушылардың талдай ойлауын

қалыптастыру,берілген материалдарды қорыта алу,шешім шығару дағдыларын дамыту,шығармашылыққа баулу, рухани танымын кеңейту. Сабақтың түрі: дәстүрлі емес (зерттеу шеберханасы) Сабақтың типі: жаңа білімді меңгерту Сабақтың көрнекілігі: интерактивті тақта, ақынның суреті, өмірбаяны, естеліктері бейнеленген слайдтар. Пәнаралық байланыс: тарих, музыка.

Сабақтың барысы: І. Ұйымдастыру кезеңі: оқушылармен сәлемдесу, түгендеу, оқушылар назарын сабаққа бұру ІІ. Сабақтың тақырыбы мен мақсатын хабарлау

 Слайд №1. Ақын портреті Мұғалімнің кіріспе сөзі: Сәлеметсіздер ме, отырыңыздар. Құрметті оқушылар,бүгінгі сабағымыз қыран қанатты, дауылпаз ақынымыз Қасым Аманжоловтың өмірі мен шығармашылығына арналады. Сабағымыздың тақырыбы «Дабылды жырдың дауылпазы» деп аталады. Сабағымыздың мақсаты: ақын өмірі мен шығармашылығының қызықты тұстарымен танысу, ол туралы білімімізді тереңдету,өлеңдерін түсініп,сүйіп оқу. Қасым Аманжолов өзінің батыл ойлы,шыншыл да терең, сырлы, дауылды поэзиясымен әр буын оқырмандарының сүйіспеншілігіне ие болып, жас таланттарға өте күшті әсер етіп келе жатқан біртуар дарын. Халықтың рухани бай әдеби мұрасынан күш – қуат алған Қасым қазақ әдебиетіне, қазақ поэзиясына шалқар шабытпен, қаламдас достарының ішінен ерекше өз үнімен оқшау келген дара тұлға деп айта аламыз. Сондықтан да, бүгін біз сіздермен, ақынның өмірі мен шығармашылығын зерттейтін «зерттеу шеберханасында» бас қосып отырмыз. Біздің шеберханамызда бүгін журналистер, биографтар, жас ақындар, фото дерек жинақтаушылар және

оқырмандар біріге отыра, Қасым ақынның өмірі мен шығармашылығын бүге – шүгесіне дейін зерттемекпіз. Олай болса, зерттеу шеберхансының жұмысын бастайық. Ал мен сабағымызды Серік Аңсұңқарұлының мына бір керемет сөзімен бастағым келіп тұр.

 Слайд №2. «Хакім Абай –қазақ жырының қасиетті Алатауы болса,ақиық ақын Қасым –қазыналы Қаратауы» деген екен. Ал, ақын туралы ақынның өзінен артық кім айта алар?Алғашқы сөзді ақынның өзіне берейік.(«Өзім туралы» әні орындалады, орындайтын Айдын Лина) ІІІ. Жаңа білімді меңгеруге дайындық кезеңі: І.Қызығушылықты ояту шеберханасы «Ұмытар ма өз елім ...» деп аталады. Журналистерге сөз береміз. «Қасымды халық біле ме?» Мектепте 5-10 сынып оқушылары арасында түсірілген бейне сюжет көрсетіледі. Көріп отырсыздар мектеп оқушылары арасында Қасымды білетін де, білмейтін де адамдар бар екен. Сіздер ше? 1-сұрақ:Сіздер Қ.Аманжоловтың қандай өлеңдерін білесіздер,олармен қашан таныстыңыз,еске түсіріп жазайық. (флипчарт тақтаға жазу) 2.Неге біз бүгін Қ.Аманжоловтың шығармашылығына тоқталмақпыз,қалай ойлайсыңдар?(жауап нұсқалары флипчартқа жазылады) ІІ. Жаңа материалды меңгерту кезеңі: І. Мағынаны тану 1.Зерттеу шеберханасы «Аманжол Рақымжанның Қасымымын» (Қасымның қысқаша өмірдеректерімен биографтар таныстырады) 1-биограф:Қасым шежіресімен таныстыру. Слайд №3 Қасым Аманжолов 1911 жылы 10 қазанда қазіргі Қарағанды облысының Қарқаралы ауданындағы Қызыларай қыстауында дүниеге келген. Әке-шешеден жаст

Қ. Аманжоловтың ақын, азамат болып қалыптасуына Орал қаласы үлкен әсер етті. Осы қалада ол ең алғашқы махаббат, жастық жырларын жазды. 1935 жылы әскер қызметінен босасымен Қасым Оралдың театр труппасын ұйымдастырып, өзі көркем басқарушысы болады. Бұл труппа тез өсіп, аз уақыт ішінде театр болып құрылды. Мұндағы ақынның еңбегі өте зор еді. Осы кездері Қ.Аманжоловтың ақындық, әншілік, артистік таланты жұртшылыққа танылды. 2-биограф: 1936-1941 жылдары Қ. Аманжолов Алматыға барып, "Социалистік Қазақстан", "Лениншіл жас" газеттерінде, Жазушылар Одағында қызмет істейді. Бұл кездері ол өлеңмен қатар әр түрлі тақырыпқа мақала, очерк, фельетон жазады. 1938 жылы тұңғыш өлеңдер жинағы "Өмір сыры" деген атпен жарық көреді. 1939-1941 жылдар арасында Қ. Аманжоловтың шығармашылық елеулі өрлеу дәуірі басталады. Осы кездерде жазған "Нар тәуекел", "Дауыл", "Көкшетау", "Орамал", "Заула, заула Турксиб", "Сұлтанмахмұт туралы баллада" сияқты өлеңдерінде өрісті ойлар, терең сезім қуаты, өткір тіл байлығы байқалады. Және де Пушкин, Лермонтов, Шевченко, Байрон, Маяковскийдің шығармаларын қазақ тіліне аударуы Қасымның шығармашылық өнерінің өсу жолын анықтай түседі. Қасым қалың жұртшылыққа өзінің ақындығы, а