Дара тұлға Бауыржан Момышұлы туралы 7-сынып ашық сабақ

Қысқа мерзімді сабақ жоспары

Ұзақ мерзімді жоспардың тарауы:

7.9.«Жеңіс күні. Ұлы ерлікке тағзым» бөлімі

Мектеп: «ШҚО Семей қаласының білім бөлімі» ММ

«№11 жалпы орта білім беретін мектеп» КММ

Күні: 13.04.2018

Мұғалімнің аты-жөні: Лекерова Арайлым Мукаметовна

Сынып : 7 Қазақ тілі

Қатысқандар:

Қатыспағандар:

Сабақтың тақырыбы

Дара тұлға- Бауыржан Момышұлы

Осы сабақта қол жеткізілетін оқу мақсаттары (оқу бағдарламасына сілтеме)

7. 2.4.1- идеясы ұқсас публицистикалық және көркем әдебиет стиліндегі мәтіндердің тақырыбы, құрылымы, мақсатты аудиториясы, тілдік ерекшелігін салыстыра талдау;

7.1.4.1- мәтін тақырыбы, сөйлеушінің дауыс ырғағы мен сөйлеу мәнері арқылы негізгі ойды анықтау;

7.3.3.1-мәтін құрылымын (кіріспе бөлім, жалпы мәлімет беру, детальді мәлімет беру) сақтай отырып, графиктік мәтін (шартты белгі, сурет, сызба) түріндегі берілген процесті сипаттап жазу;

Сабақ мақсаттары

(Тақырыпқа байланысты сабақтың оқу, тілдік мақсаттары)

Барлық оқушылар орындай алады: Мәтіннен негізгі ойды айта алады. Мәтіннің тақырыбын таба алады. Мәтінге қатысты сұрақтар құрай алады. (білу, түсіну)

Оқушылардың көпшілігі орындай алады: Мәтін тақырыбы, сөйлеушінің дауыс ырғағы мен сөйлеу мәнері арқылы негізгі ойды анықтап бере алады. Мәтін құрылымын салыстыра айта алады. Кейіпкер туралы тарихи деректер келтіре баяндай алады.

(қолдану, талдау)

Кейбір оқушылар орындай алады: Кейіпкер мінезіне сараптама жасайды, мәтін мазмұнындағы айтылған ойды бүгінгі күнмен қарастырады, мәтіннен алған әсерін сипаттайды, хат, өлең жазады. (жинақтау, бағалау)

Бағалау критерийі

(Оқу мақсатына жетуге бағытталған қадамдар)

Мәтін мазмұнын жетік меңгеріп, кейіпкердің көркем шығармадағы образын дұрыс анықтап, табады. Кейіпкерге мінездеме береді. Кейіпкерді сипаттап жазады.

Тілдік мақсаттар

Оқушылар орындай алады: Бауыржан Момышұлының көркем шығармадағы образдарын, типтерін анықтай алады.

Пәнге қатысты сөздік қор мен терминдер: соғыс, жазушы, дивизия, гвардия, батальон, полк командирі, шайқас

Диалог құруға/ шығарма, хат жазуға арналған пайдалы тіркестер:

Соғыс шындығы, жауынгер, жеңіс, Отан үшін, жау шебі, шабуыл, патриоттық, ерлік, батырлық

Талқылауға арналған сұрақтар:

1.Бауыржан Момышұлының соғыстағы ерлігі мен әскери педагогикаға қосқан үлесі туралы не білесіңдер? Неліктен оны «әлем халқының ортақ перзенті дәрежесіне дейін көтерілген азамат» дейміз?

2.Жазушы Бауыржанның әдеби мұрасы және ол туралы жазылған романдар туралы не білесіңдер?

Жазылымға қатысты қажетті тіркестер:

1.Б. Момышұлының қанатты сөздерінің мағынасын түсініңдер, шылауларды тауып, оларды грамматикалық сипатына қарай ажыратыңдар.

Құндылықтарға баулу

Б.Момышұлы туралы оқыта отырып, Мәңгілік Ел» жалпыұлттық идеясының 6-құндылығы «Тарихтың, мәдениет пен тілдің біртұтастығы» жүзеге асырылады.

Пәнаралық байланыс

Қазақстан тарихы, қазақ әдебиеті

Тақырып бойынша алдыңғы білім

Сәлеметсіңдерме, оқушылар, ұстаздар! Бүгін бізде ерекше сабақ. 7 «А» сыныбының кезекті қазақ тілі сабағына біздің мектептің ұстаздары қонаққа келіп отыр. Сондықтан барлығымыз сабаққа белсене қатысып, білім қорымызды одан әрі кеңейтуді мақсат етейік.

-Амандасу, түгендеу, жақсы көңіл күйде болу, белсенділік таныту, сәттілік тілеу.

Қызығушылықты ояту. Психологиялық тренинг«Сын есімдерден» оқушылар бір-біріне жақсы қасиеттерін айтады. (Тақтадағы баспалдаққа қазіргі сендердің көңіл - күйлеріңді қай дәрежеде екенін белгілеңіздер.)Топтастыру. (2 мин)

Сынып оқушылары топқа қағаздың артқы бетіне жазылған батылдық, ерлік, батырлық, қайсарлық сөздері арқылы 4 топқа бөлінеді.

Мақсаты: Оқушылардың бірлесіп жұмыс жасауын ұйымдастыру.

Нәтижесі: Бірлескен әрекеттестікке түседі.

Топ басшыларына бағалау парақтарын тарату.

Әр оқушыға кіру, шығу парағын тарату. Өзін-өзі бағалауын да осымен ірге толтырады. Жетістік баспалдағын ескере отыруларын айту.