Дәрігер Айболит көркем әдебиет конспектісі

Кіші «Құлыншақ» тобының ұйымдастырылған оқу қызметінің конспектісі

Күні: 24.02.2021 ж.

Тәрбиеші: Бозжигитова М.С.

Білім беру саласы: Коммуникация

Пән: Көркем әдебиет

Өтпелі тақырып: Мамандықтың бәрі жақсы

Тақырыбы: «Дәрігер Айболит» (ертегі мультфилімін көрсету).

Мақсаты:

1. Тәрбиелік: Балаларды мейірміділікке, өзге адамдарға, жануарларға қамқорлық қатынасты білдіруге талаптандыруды жалғастыру.

2. Дамытушылық: ойлау, сөйлеу қабілетін дамытуға ықпал жасау.

3. Оқыту: туынды мазмұнына байланысты сұрақтарға жауап беруге үйрету, «аз», «көп» деген түсінікті ажырату.

Педагогикалық технологиялар: үйрету, көрсету, түсіндіру, сұрау, жауап алу.

Ресурстармен қамтамасыз ету: ойыншық аңдар, көгілдір теледидары, мультфильм, сюжеттік суреттер.

Ұйымдастырылған оқу қызметінің барысы:

1.Ұйымдастыру кезеңі:

Шаттық шеңбері: Балалар шеңберге тұрып, бәріміз қолдарымыздан ұстасып, төмендегі өлең жолдарын бірге қайталау:

Қайырлы таң, көк аспан!

Қайырлы таң, Жер Ана!

Қайырлы таң, достарым!

Сәлем, сәлем, сәлем!

2.Негізгі бөлім:

Жұмбақ жасыру:

Іш ауырса, тіс ауырса

Бізге дәрі береді.

Барлық бала, барлық ана,

Оны жақсы көреді.

Тәрбиеші: - Балалар, мен кім туралы айтып тұрмын?

- Дәрігер не істейді?

Сюжеттік сурет арқылы түсінік: Біз ауырсақ дәрігер көмекке келеді, жануарлардың да өз дәрігері бар. Олар мал дәрігері, жануарлар дәрігері болып табылады.

Мен сендерге балалар «Дәрігер Айболит» мультфильмін тамашалауға ұсынамын

Көрген ертегі желісі бойынша сұрақтар қою:

Сұрақ-жауап: - Айболит деген кім?

Ол нелерді емдейді екен?

Сонда, ол қандай дәрігер?

Жануарлар дәрігері ме?

Әлде адамдарды емдейтін дәрігер ме?

Сергіту сәті:

Қанат қағып ұшамыз,

Қарлығаштай самғаймыз.

Бір отырып, бір тұрып,

Жаттығулар жасаймыз.

Лото ойыны /үстел үстінде ойналатын ойын түрі/:

Шарты: балалар үстелді айнала отырып жайғасады. Ойын үстелде отырып ойнатылады. Аңдардың көп және аз топтарға бөлу арқылы ойналады. Балалларға үстел үстіне араластырылған қима суреттер і таратылады. Ал балалар болса, оны екі топқа бөледі. Бірінші көп, екінші аз тобына бөледі.

3.Қорытынды:

- Біз қандай мультфильм қарадық?

- Дәрігер не істей алады?

- Сендер, сондай дәрігер болғыларың келе ме?

- Қандай дәрігерлер болады?