Дәрілік өсімдіктердің пайдасы ашық сабақ 6 сынып

Үйірме: «Жас гүл өсіруші»

Сабақтың тақырыбы: «Дәрілік өсімдіктердің адам өміріндегі пайдасы»

Сабақтың мақсат-міндеті: Оқушылардың дәрілік өсімдіктер туралы білімдерін кеңейту, дәрілік өсімдіктердің атауларын, сырт келбетін, оларды баптау әдістерін, күту ережелерімен таныстыру.

Сабақ типі: Жаңа сабақ;

Сабаққа қолданылатын педагогикалық технологиялар: АКТ, ұжымдық оқыту, тәжірибе, сұхбат, әңгімелесу, өзіндік жұмыс, суреттерді көрсету;

Сабақтың әдісі: Көрнекілік, практикалық, бағалау, видеоролик;

Пәнаралық байланыс: Биология, химия, география;

Оқыту құралдары: Дәрілік өсімдіктердің суреттері, оқулық, интерактивті тақта, слайд, плакаттар, бөлме гүлдері, препараттар;

Сабақтың жоспары:

І. Ұйымдастыру бөлімі

ІІ. Өткен материалды қайталау арқылы жаңа материалды қабылдауға дайындық

ІІІ. Жаңа материалды түсіндіру

ІV. Жаңа білімді бекіту

V. Үйге тапсырма

VІ. Бағалау

VІІ. Қорытындылау

Сабақтың барысы:

І. Ұйымдастыру бөлімі

Оқушылармен амандасып, аудиторияның сабаққа дайындығын тексеру, қажетті құралдар мен көрнекіліктерді дайындап, зейіндерін шоғырландыру. Оқушыларға сабақтын мақсаты мен міндеттерін хабарлап, оқушылардың сабаққа жақсы көңіл күймен бастау мақсатында сергіту сәтін өткізу. «Амандасу» жаттығуы. Қарым-қатынас амандасудан басталады. Оқушылар дөңгеленіп тұрады. Барлығы тақтаға қарайды. Егер тақтада күлкі бейнеленсе, онда бір-бірімізге күлімдей қараймыз. Қол бейнеленсе – қолымызды қысып амандасамыз. Күн бейнеленсе – жақсы ықыласпен сәлемдесеміз. Жүрек бейнеленсе – құшақтасамыз.

ІІ. Өткен материалды қайталау арқылы жаңа материалды қабылдауға дайындық

Үй тапсырмасы ойын арқылы сұралады. «Балық аулаймыз» яғни оқушыларға қолдарына қармақ беріледі, жерде жатқан балықтарды аулайды. Балықтардың астында үйге берілген тапсырмалар сұрақ күйінде жасырынған. Оқушылар осы аулаған балықтарының сұрақтарына белсене қатысып жауап береді. Өз пікірін айтады, түсіндіреді, есіне сақтайды.

ІІІ. Жаңа материалды түсіндіру

«Миға шабуыл», Оқушыларға жаңа сабақты ребус арқылы қандай екеннін анықтайды.

ІV. Жаңа білімді бекіту

Қазақстанның өсімдік әлемі әр түрлі пайдалы өсімдіктерге бай, оның ішінде дәрілік өсімдіктердің алатын орны ерекше. Дәрілік препараттардың 40 пайызынан астамы дәрілік өсімдіктерден жасалған. .

Республика тереториясынан 6000-ға жуық өсімдік түрлерін кездестіруге болады. Олардың түрлерінің көптігі жөнінен Қазақстан одақ көлемінде бірінші тұр. Өсімдіктер дүниесінің осындай молдығына байланысты олардың ішіндегі дәрілік өсімдіктің зерттеудің маңыздылығы айтапаса да түсінікті. Мал бағумен ерте заманнан айналысқан қазақ халқы шөптерің, жалпы өсімдіктердің емдік, дәрілік қасиеттерін ертеден білген. Сөйтіп ел арасында ауруға шалдыққан адамдарды дәрілік өсімдіктермен емдеу ілгеріден-ақ кеңінен таралған.

Ертеде өмір сүрген әл-Фараби, Әбу Әли Ибн Сина, Баруни әл-Джуржани және орта ғасырларда өмір сүрген тағы да басқа Шығыс ғалымдарының қазақ халық медицинасының дамуына әсіресе дәрілік өсімдіктерді танып пайдалануына еткен ықпалдары зор болды.

Әр обылыстың, аймақтың, халық дәрілік өсімдіктердің әр түрлі қасиеттерін өздерінше пайдалануы да мүмкін.

Оның да жөні бар. өйткені кейбір өсімдіктердің бірнеше түрлі дәрілік қасеттері бар.

Слайд арқылы дәрілік өсімдіктермен таныстыру

Аюқұлақ – биіктігі 0,4-1,2 см, қалың қабығы түктеніп тұратын екі жылдық өсімдік. Жапырағы ұзынша, кезектесіп орналасқан. Гүлі ашық сары түсті, өсімдік сабағының басында масақ тәріздене орналасқан, маусым-тамыз айларында гүлдейді. Еліміздің Европалық бөлігінде орталық және Оңтүстік аудандарында, көбінесе шабындық, тоғайлы құмды жеррлерде өседі