Даярлық тобына арналған кемпірқосақ жолдар ашық сабағы

«Балапан» даярлық тобы.Тәрбиеші: Хамит С.Д.

Білім беру саласы: Қатынас, таным.

Бөлімі: Сауат ашу және жазу негіздері, қарапайым математикалық ұғымдарды қалыптастыру, тіл дамыту.

Тақырыбы: «Кемпірқосақ жолдармен даярлық тобына көтерілеміз»

Мақсаты:

1) Балаларға жыл бойы өтілген оқу іс – әрекеттеріне байланысты тапсырмаларды бере отырып, білімі – білік дағдыларын сараптау

2) Дидактикалық, логикалық ойындар арқылы есте сақтау қабілеттерін дамытуды жалғастыру

3) Ұқыптылыққа, өз ойын еркін жеткізе білуге тәрбиелеу.

Көрнекілік құралдар: суретші, жеті түрлі – түсті хатқалта, слайд, үнтаспа, текшелер, әріптер, сандар

Сөздік жұмыс: хатқалта

Билингвальды компонент: кемпірқосақ – радуга – rainbow

Мотивациялық – қозғаушылық

Шаттық шеңбер.

Арайлап бүгін атты күн,

Шашып бізге шапағын.

Тілейміз сізге ақ таңның,

Қуанышын, шаттығын.

Қайырлы таң, қайырлы күн!

Қуанышты күн бүгін!

-Сәлеметсіздер ме!

-Балалар, бүгінгі оқу іс – әрекетіміздің тақырыбы: «Кемпірқосақ жолдармен даярлық тобына көтерілеміз».

Тосын сәт: суретші келеді (қолында бояулар мен қылқалам).

-Сәлеметсіңдер ме, балалар!

-Мені таныдыңдар ма? Мен кіммін?

-Дұрыс айтасыңдар! Мен сендерге әдемі сурет салып алып келдім. Міне қараңдар! (интерактивті тақтада кемпірқосақтың суреті шығады)

-Бұл не?

Билингвальды компонент: кемпірқосақ – радуга.

Тәрбиеші: -Балалар, сендер даярлық тобына көтергілерің келеді ме? Бұл жай сурет емес, кемпірқосақ жолдары сендерді даярлық тобына апарады.

Кемпірқосақ сөніп қалады.

Суретші: -Ой, не болды? Менің суретім қайда? Енді қалай даярлық тобына өтеміз? Ересек тобында қалып қоятын болдық, өйткені мен бұл суретті қайта сала алмаймын. Себебі кемпірқосақтың түстерінің ретін білмеймін.

Тәрбиеші: -Жоқ, жоқ, бізге даярлық тобына көшу керек. Біз балалармен бірге саған ретін есіңе түсіруге көмектесеміз.

Суретші: -Жарайды.

Тәрбиеші: -Көмектесеміз ба?

Балалар шаттық шеңберіне тұрып, қонақтармен амандасады.

Суретшіге таңқалып қарайды.

Қонақпен амандасады.

-Сіз суретшісіз!

-Бұл кемпірқосақ!

Қайталайды: кемпірқосақ – радуга

Келесі оқу жылында даярлық тобына көтерілгілері келетінін айтады.

Балалар келіседі.

Ұйымдастыру-шылық – ізденістік

Сол кезде суретші қалтасынан (сөмкесінен) жеті түрлі – түсті хатқалта алып шығады да тәрбиешіге береді:

-Балалар, бұл кемпірқосақты өз қалпына келтіру үшін мына тапсырмаларды орындау қажет. Тапсырмаларды дұрыс орындасаңдар, мен сендерге сыйлық беремін. Іске сәт, мен кеттім!

Суретші шығып кетеді.

Сөздік жұмыс: хатқалта сөзінің мағынасы – конверт.

Тәрбиеші: -Балалар, кемпірқосақ неше түстен тұрады? Сол түстерді атап беріңдерші!

-Қай түстен бастаймыз?

1 тапсырма (қызыл хатқалта):

-жыл мезгілдерін атап бер

-көктем мезгілін сипатта, әңгіме құрастыр

Жұмбақ:

-Қар, мұз еріп, су көбейіп

Сай-салада ағады,

Бүршік шашып, жапырақ ашып,

Гүл бәйшешек басады.

Балаларым, айтыңдаршы,

Бұл қай кезде болады?

-Көктемде неше ай бар? Атап беріңдер.

-Мына суретке қарап көктемнің ерекшеліктерін айтып беріңдер.

-Тағы қандай жыл мезгілдерін білесіңдер?

-Жарайсыңдар!

Кемпірқосақтың қызыл түсті жолы жанады.

2 тапсырма (қызғылтсары хатқалта):

-дыбыс туралы айтып бер

Үнтаспадан әртүрлі дыбыстар шығады.

-Балалар бұл не? -Дыбыс деген не?

-Дыбыстар нешеге бөлінеді?

-Дауысты дыбыс қалай айтылады?

- Оларды қандай түспен белгілейміз?

-Дауыссыз дыбыс қалай айтылады?

-Дауыссыз дыбысты қандай түспен белгілейміз?

-Жарайсыңдар!

Кемпірқосақтың қызғылтсары түсті жолы жанады.

Дид/ойын «Кім зерек?» - айтылған дыбыстарды ажырату.

3 тапсырма (сары хатқалта):

-әріп туралы айтып бер

-берілген әріпке сөз ойлап тап

-Балалар, ал әріп деген не?

Дид/ойын «Ойлан, тап» - көрсеткен әріпке сөз ойлап табу. (А, О, С, М)

-Жарайсыңдар!

Кемпірқосақтың сары түсті жолы жанады.

4 тапсырма (жасыл хатқалта):

-берілген сөздерге дыбыстық талдау жаса

-сөздерді буынға бөл