Мен жарқын болашағым үшін жұмыс істеймін эссе үлгісі

"Білім - асыл қазыналы сандық,

оны ашатын кілт - еңбек"

Эссе

Мен өзімнің жарқын болашағым үшін жұмыс істеймін.

Егер мұғалім өн бойына, өз ісіне, шәкіртіне деген сүйіспеншілікті жинақтаса, ол нағыз ұстаз,-деп Лев Толстой айтып кеткендей, кез келген адам біліммен шәкірттерін сусындатып, көздеген мақсатына жету үшін көп оқып, ізденіп, маңдай терін төкпейінше ұстаздық ете алмайтынын анық білгендеймін.

Мен, 1971 жылы Төменарық совхозындағы № 53-ші Совет Одағының батыры Александр Дмитриевич Романов атындағы орта мектептің табалдырығын аттап, ол мектепте 8-ші сыныпқа дейін оқыдым. Бізге еңбек пен сурет сабағынан Вачугов деген неміс мұғалімі дәріс берді. Біз сол кісінің тиянақтылығына, еңбексүйгіштігіне, өнерлілігіне шыдамдылығы мен талап қойғыштығына тәнті болып өстік. Мен сол кезде алған білімімнің қазіргі кезге дейін күнделікті тіршілігіме көп пайдасын тигізгенін және өмірімнің соңына дейін азық болатынына анық көзім жетті. Сондықтан балаға үйдегі тәрбиеден гөрі мектептегі мұғалімнің тәрбиесінің көбірек әсер ететінін байқадым. Ол кісі сурет салдырғанда бізден нақтылықты, дәлдікті, шеберлікті талап ететін. Біздің сыныпта тапсырманы 3-ке орындайтын бала бірлі-жарым ғана болатын.Өзі қазақ мектебінде сабақ берсе де бір ауыз қазақша білмейтін. Ағаштан неше түрлі ойыншықтар, арбалар, оюлар жасатып, жылтырағанша ысқылатып, әр түрлі түске боятып, балабақшаға беретін. Заттың барынша сапалы шығуына қатты көңіл бөлетін. Баланың жұмысын бағалауда да өте әділ болатын. Ал еңбек сабағында оқушыларды мектептің бақшасында көбірек жұмыс істетуге тырысатын. Күз, көктемде мектеп бақшасы мен бағының

Міне, біз осындай әсем табиғатты қолдан жасауға азғантай болса да еңбегімізді сіңіріп, әдемілікке сүйсініп өстік.Мен сол кездегі ұстаздарымды нағыз ұстаз деп айта аламын және олармен мақтана аламын.

Өмірдегі көп мамандықтардың ішінде жан-жақты білімділікті, икемділікті, шеберлікті, ерекше шәкіртжандылықты, мейірімділікті қажет ететін мамандық та – ұстаздық мамандық. Олай дейтінім, мұғалім еңбегі біріншіден, адамзат қоғамы тарихында жинақталған ғылым негіздерінен білім беруге тиіс болса, екіншіден, үнемі шәкірттерімен қарым-қатынаста болып, білсем, үйренсем деген бала арманы мен оның сырлы тағдырына басшылық етуді мойнына алған маман.

Дәстүрлі оқыту жүйесінде менің сабақ барысында оқушыларға қойған сұрақтарым, бірыңғай жабық сұрақтардан құралатын еді, яғни «белгілі жауаптары» ғана бар сұрақтар. Жабық сұрақтар оқушылардың бір нәрсені білетінін, я білмейтінін анықтап беретін сұрақтар болып табылады. Ал қазіргі сабақ барысында ашық сұрақтарды жиі қолданамын. Яғни,…