Үшінші деңгейлік курс жайлы эссе жазуға көмек

Физика пәні мұғалімінің ассистенті

Физика математика бағытындағы

Назарбаев Зияткерлік мектебі

Семей қаласы, ШҚО

[email protected]

«Мұғалім ісі сырттай қарапайым

болғанмен – тарихтағы ең ұлы істің бірі"К.Д.Ушинский

Көзқарасымды өзгерткен курс

Адам өзінің дамуын зерделеу үшін әрқашан өзіне есеп беріп отыруы қажет. Бұл мұғалім жұмысында өте маңызды. Үшінші дейгейлік курс бағдарламасынан өту кезінде өзімнің білім беру әдістемем айтарлықтай өзгеріске ұшырады. Алдымен, мұғалім – тек білім беріп, тәрбиелеуші емес, оқушылардың жан дүниесін түсіне отырып, қалай оқи алуға үйретуші жолдас болу керектігін түйсіндім. Қалыптасқан мұғалімнің қатаң басымдылығын «Оқушы үнін» ести алуға бағыттай отырып, оқушылардың сыни тұрғыдан ойлануын олардың метатануының қалыптасуына күш салдым. Метатануы қалыптасқан оқушы өзінің оқу үдерісіндегі іс әрекетін бағалау, сараптай отырып, мұғалімнің жетелеуін бағыттауға, мұғалім көшбасшылығын өзінің дарындылығына жол сілтеуге бағыттай алатындығын түсіндім. Яғни, қатып қалған қате түсінікті жаңашыл көзқарасқа өзгертуім менің бірінші өзгерісім болды.

Келесі өзгерісім – оқу жоспарына сай сабағымды жоспарлау кезінде бірден барлық әдіс-тәсілдерді көрсетуге тырысуым менің қателігім екенін ұғыну. Яғни курс бағдарламасынан өтпес бұрын қолданғым келген әдіс-тәсілдің оқушының қандай дағдысын қалыптастыратындығына назар аудармай, не мақсатпен қолданатынымды толық түсінбей, оқушылардың пәнге деген қызығушылықтарын төмендетіп алатындығыма көз жеткіздім. Курстан соң жоспарлаған іс-әрекетімді қолданбас бұрын бұл әдістің маған не бере алатындығына басты назар аударатын болдым. Және әр сабақтан соң сабағымның ұтымды тұстары мен туындаған қиындықтарымды көре алуды үйрендім. Яғни, мінсіз мұғалім болуға талпынысым мені өз кемшілігімді көре алмайтын қылып тастаған екен. Курстан соң туындаған қиындықтарымды жеңу үшін қателік жіберуге қорықпауым керектігін ұқтым. Осы реттен өзгені оқыта отырып, өзіміздің де білім алатындығымызды, Сенеканың сөзінің шынайылығына көз жеткіздім.

Бұдан шығатын қорытынды, ешқашан да өзімнің іс әрекетімнің әрқашанда дұрыстығына бек сенімді болуға талпынбау, өзгерістен қорықпау, оқушылардан сапалы, «өзім күтпеген, қаламаған» кері байланысты алуға қорықпау, керісінше, әр оқушыға жекелеме жас ерекшеліктерін ескере отырып, саналы қарым-қатынас құруға, оқушының өзіндік «МЕНін» тыңдау біліп, жекелеме пікірі қалыптасқан саналы шәкірт тәрбиелеуге ұмтылу менің алдағы уақыттағы ұстанымым болуы керек екен.