Дөңгелек және шеңбер тақырыбына арналған 3-сынып сабақ жоспары

Бөлімі: Аудан. Шамалар

№54 сабақ. Тақырыбы:

Дөңгелек. Шеңбер

Мектеп:

Күні:

Мұғалімнің аты-жөні:

Садирова Бибігул Сапаровна

Сынып: 3

Қатысқандар саны:

Қатыспаған оқушылар:

Оқу мақсаты: (Оқу бағдарламасының ұзақ мерзімді жоспарына сәйкес)

3.3.1.1 шеңбер мен дөңгелекті, олардың элементтерін (центр, радиус, диаметр) бір-бірінен ажырату және атау/симметриялы және симметриялы емес жазық фигураларды айыра білу және оларды қоршаған ортадағы заттармен сәйкестендіру

3.3.1.2 геометриялық фигураларды жіктеу

Сабақтың

мақсаты:

Оқушылардың барлығы:

шеңбер, дөңгелек пен олардың элементтерін ажырату және атау.

Оқушылардың көпшілігі:

циркульдің көмегімен шеңбер салу.

Оқушылардың кейбірі:

шеңбердің диаметрі мен радиусының тәуелділігін түсіндіру.

Бағалау критерийлері

-шеңбер, дөңгелекпен олардың элементтерін ажырата және атай алады;

-циркульдің көмегімен шеңбер сала алады;

-шеңбердің диаметрі мен радиусының тәуелділігін түсіне алады.

Ғылыми тіл

Пәндік терминология мен тірек сөздер

Шеңбер, радиус, диаметр, шеңбердің центрі

Диалог пен жазу үшін пайдаланылатын сұрақтар:

Талқылау:

«Дөңгелек», «шеңбер», шеңбердің центрінің айырмашылығын түсіндір.

Шеңбердің центрі деген не?

Радиусы бойынша шеңберді қалай салуға болады?

Диаметрі белгілі болса ше?

Құндылықтар

Өмір бойы білім алу

Пәнаралық байланыс

Дүниетану

АКТ қолдану дағдылары

Бейнероликтер көрсету

Алдыңғы меңгерілген білім

Фигураларды ажырата алады.

Сабақ барысы

Жоспарлан-ған уақыт

Оқушылардың жоспарланған іс-әрекеті

Ресурстар

Сабақтың басы

Психологиялық дайындық. Шаттық шеңбері.

Оқушылар ортада дөңгелене қол ұстасып тұрады.

Шақырамын сендерді

Жолдастарым кел бері

Толтырайық шаттыққа,

Дөгеленген шеңберді.

(Ұ.Ж) Фигуралар әлеміне саяхат.

Сынып оқушыларына суреттен қандай фигураларды көріп тұрғанын сұрау. Неше тіктөртбұрыш, неше үшбұрыш көріп тұрғандарын сұрау.(4 төктөртбұрыш, 4 үшбұрыш) Тіктөртбұрыш пен үшбұрыштың қасиеттерін сұрау.

Сонан соң суретте қандай фигура аталмағанын сұрау. (дөңгелек)

Үшбұрыш пен тіктөртбұрыштан дөңгелектің айырмашылығын сұрау.( үшбұрыш пен тіктөртбұрыш – көпбұрыштар, дөңгелектің бұрышы жоқ)

Оқушыларды сөздік бағалау «Жарайсың!», « Өте жақсы!», «Керемет!» т,б.

Слайд №2

Слайд №3

Сабақтың ортасы

(Т.Ж) Цифрограмма әдісі бойынша әрбір екінші әріпті сызып тастап, жасырылған сөзді табады. (дөңгелек, шеңбер)

Дөңгелек пен шеңбер туралы не білетіндерін сұрау. Күнделікті өмірде дөңгелек пен шеңберге ұқсас заттарды қайда кездестіргенін сұрау.

Басбармақ арқылы бағалау.

Тапсырма дұрыс болса бармақ жоғары қарай, қате болса бармақ төмен қарай бағытталады.

(Ж.Ж) Жаңаны тану.

Мақсат қою /Ережені түсіндіру

Шеңбер-бұл дөңгелектің шегарасы. Шеңбердің центрі-шеңбердің нүктелерінен бірдей қашықтықта орналасқан нүкте. Шеңбердің радиусы-центрді шеңбердің нүктесімен қосатын кесінді. Шеңбердің диаметрі- шеңбердің центрі арқылы өтіп, оның нүктесін қосатын кесінді.

Әрбір жұпқа бір пластикалық стакан таратылады. Ақ парақ қағазға стаканның түбін бастыра сызу керек.

Қандай сызық шықты? (тұйықталған қисық сызық)

Осы сызықтың шеңбер деп аталатынын хабарлау.

Оқушыларға осы сызған дөңгелекті қиып, сонан соң дөңгелекті төрт рет бүктеп, қайта жаздыру. Екі кесіндінің қиылысуы пайда болады. Олардың қиылысу нүктесін белгілеуді ұсыну. Бұл нүктені шеңбердің немесе дөңгелектің центрі деп атайтынын хабарлау.

Оқушыларға дөңгелектің бүгілген орнын қарындашпен бастыруды ұсыну. Шеңберден центрге дейін қашықтықты өлшеуді ұсыну. Не байқағанын сұрау. Оқушыларға центрді шеңбердің кез келген нүктесімен қосатын кесіндіні радиус деп атайтынын хабарлау. Оларға дөңгелектің бүгілген ізі бойынша шеңбердің бір нүктесімен центр арқылы екіншісіне қарай қарындашпен бастырып сызуды ұсыну. Бұл сызық диаметр деп аталатынын хабарлау.

Отшашу арқылы бағалау.

(Т.Ж) "Бірге ойлаймыз!" әдісі арқылы топтардан дөңгелек пен шеңбердің айырмашылығын сұрау. (дөңгелек – фигура, шеңбер – тұйықталған қисық сызық)

- Шеңбердің дөңгелектен қандай айырмашылығы бар? (оқушылардың жауабы)

- Егер тарелкаға су құйсақ, судың формасы қандай болады? (дөңгелек)