Дос іздеген Бота ертегі көрінісі балабақшаға

Мақсаты: «Дос» деген ұғымды әрқашанда жоғары ұстауға баулу. Ертегі көрінісі арқылы балаларды достық сезімге тәрбиелеу. Өздерінің тиесілі рөлдеріне еніп, оны іскерлікпен, үлкен шығармашлықпен орындауға үйрету. Көркем сөздерді мәнерімен орындауға бағыттау.

Рөлдерде ойнайтындар: Түйе, бота, күшік, мысық, қозы, лақ, әтеш, ара. Көрнекті құралдар: шарбақ, үй жануарлары, үйшік, гүлдер, шөп, ағаш.

Жүргізуші: Шертеді ертегі сыр, ертегі ой.

Тыңдаған балаларды еліктіріп

Қияға қызықтырып ертеді ғой.

Ерте, ерте, ертеде боталы Түйе болыпты.

Түйе:

Түйе, түйе, түйемінЖануармын киеліЖан-жағыма қараймынКүн мен түнді санаймын.

Автор: Түйе өзінің жібек жүнді, сүйкімді баласына мейірімділікті, адалдықты үйретіпті. Мөлдір көзді Бота өте ақылды, әдемі болып өсіпті. Бір күні анасы:

Түйе:

Қара көзің мөлдіреп,Қызықтырып қоймайдыЖібек жүнің үлбіреп,Қарасам көз тоймайды.

Автор: Түйе ботақанына жақсы достан басқасының бәрін берді. Енді міне, өзіне жақсы дос табуды өтінді.

Түйе: Боташым, тура өзің сияқты дос тап. Доссыз өмір қиын, әрі қызық емес. (Бота басын изеп тұрады)

Автор: Бота өзіне ұқсайтын жалт-жұлт еткен жүні бар, жағымды үні бар дос іздеп шығады.

Бота:

Бота, бота, ботамын,Ақылды боп атандымТостағандай көзімАқылдымын өзім

Автор: Дос іздеп жүрген Ботаға , қозы мен лақ кездеседі. (Қозы мен Лақ билейді)

Бота: - Бө-ө-ө, мен дос іздеп жүрмін.

Қозы:

- Мә-ә, мен қошақан қозымын,Момақанның өзімін.

Лақ:

- Мен лақпын, қандаймын.Ашық болған таңдаймынКел, бәріміз дос болайық. (көңілді әуенмен айналып, билейді)

Бота: Жо-жоқ, сендер сияқты дос емес!

Қозы, лақ: Мүмкін күшік болар.

Бота: Жарайды мен кеттім.

Би: «Күшіктер»

Бота: - Бө-ө-ө, мен дос іздеп жүрмін.

Күшіктер: (үреді)

Абалап үремін, үй қорып жүремін«Гав-гав»,- деп қаттырақ, сергек өмір сүремін.Кел, үшеуміз дос болайық ! (көңілді әуенмен айналып, билейді)

Бота: Жо-жоқ, сен сияқты дос емес!

Күшіктер: Мүмкін мысық болар.

Бота: Жарайды мен кеттім.

Би: «Мяу-мяу»

Бота: - Бө-ө-ө, мен дос іздеп жүрмін.

Мысық:

Мяу-мяу, мен кәдімгі мысықпын,Өзім тым пысықпынБәріменен дос болыпПырылдаған пысықпын, пыр-р, пыр-рКел, екеуміз дос болайық (көңілді әуенмен айналып, билейді).

Бота: Жо-жоқ, сен сияқты дос емес!

Мысық: Мүмкін әтеш болар.