Дос іздеген бота ертегісі ашық сабағы

Ортаңғы тобындағы ұйымдастырылған оқу қызметінің

технологиялық картасы

Білім беру саласы: «Коммуникация»

Бөлімі: Көркем әдебиет

Тақырыбы: «Дос іздеген бота» қазақ халық ертегісі

Мақсаты: ертегі мазмұны бойынша бойларына мейрімділікті, адалдық қасиеттерін сіңіру.

Міндеттері:

Білімділік: ертегіні байланыстыра сөйлеуге, өз ойын толық айтуға дағдыландыру.

Дамытушылық: сөздік қорын молайту, тілін, есте сақтау қабілетін дамыту.

Тәрбиелік: досқа адал, мейірімді болуға тәрбиелеу.

Сөздік жұмыс: бота, құлын, бұзау, қодық, қозы, күшік, мысық, қарға, бақа, әтеш, ара.

Үш тілдік компонент: бота- верблюжонок - camel, құлын -жеребёнок - foal, бұзау-телёнок- calf, қозы -ягнёнок- lamb.

Керекті құралдар: ертегі кейіпкерлерінің суреттер, тақиялы маскасы, үй жануарларының төлдерінің суреттері.

Іс-әрекет кезеңдері

Тәрбиешінің әрекеті

Балалардың әрекеті

Мотивациялық - қозғаушылық

Шаттық шеңбері:

Кел балалар, күлейік!

Күлкіменен түлейік.

Қабақ түйген не керек,

Көңілді боп жүрейік.

Қонаққа ботаның келгенін айтады, амандасады.

Бота, бота ботамын,

Ақылды боп атандым.

Тостағандай көзім,

Әдемімін өзім.

Ол өзінің басынан кешкен оқиғаны, мына әдемі кітапқа жазыпты. Бұл кітапты «Дос іздеген бота» деп атапты.

Кітапты көрсетеді.

Жерде жарты шенбер жасап отырады.

Бір-біріне жылы лебіздерін айтады.

Ботаны қуана қарсы алады, амандасады.

Кітапқа қызыға қарайды.

Ұйымдастыру- іздестіру

Әңгімелеу:

Мен сендерге «Дос іздеген бота» ертегісін оқып берейін:

«Ерте, ерте, ертеде боталы түйе болыпты. Ол өзінің жібек жүнді сүйкімді баласына мейрімділікті, адалдықты үйретіпті. Мөлдір көзді бота ақылды болып өседі. Бір күні анасы:

-Боташым, мен саған жақсы достан басқасының бәрін бердім. Енді тура өзің сияқты дос тап. Доссыз өмір қиын, әрі қызық емес,-дейді.

Бота өзіне ұқсайтын жалт-жұлт еткен жүні бар, жағымды үні бар дос іздеп шығады. Жайылып жүрген құлынды көріп:

-Бө-ө-ө, мен дос іздеп жүрмін деп бота боздайды.

-Иһ-һ-һи, кел екеуміз дос болайық,-деп құлын кісінейді.

-Жоқ, сен сияқты дос емес – дейді бота күлімдеп.

-Мүмкін бұзау болар,-деп құлын ботаны шығарып салады.

Сөйтіп бота боздап: бұзауға,қодыққа, қозыға, күшікке, мысыққа әтешке, қарғаға, бақаға, аяғында араға келеді.- деп боздайды.

Бота араға келіп:

-Бө-ө-ө, мен дос іздеп жүрмін.

-З-з-з-зз,-кел, екеуміз дос болайық,- деп ара ызылдап қуа жөнеледі.